حالة حوار

د عمرو عبد السميع : أهلا وسهلا بكم في حالة حوار المدونات والفيس بوك لفظان حديثان نسبيا نشأ في البداية كخيال افتراضي ثم تحولا في الواقع ملء السمع والإبصار المدونات اسم ظهر قبل الفيس بوك سنة 1994 وظهر كصفحات يوميات مذكرات شخصية للمدونين بعد كده تحول الى وسيلة إعلام الكترونية كبيرة تتكون من 70 مليون مدونة حول العالم من ضمنها 490 ألف مدونة في العالم العربي و160 ألف مدونة في مصر ده حسب أرقام ابريل سنة 2008 مارك جوكر برك مرتبط بجامعة هارفرد الأمريكية وقد قام باختراع أو تصميم موقع يتبادل فيها المعلومات والآراء والصور مع زملائه وأصدقائه وهي دي بداية الفيس بوك وبعد خمس سنين تحول هذا الموقع الصغير الي دنيا كبيره بتضم 175 مليون بني ادم حول العالم هو الرقم المرشح ان يزيد في كل ثانية لان العالم بيسوده ما يعرف باسم حمي الفيس بوك في مصر تحول الفيس بوك من رابطة اجتماعية الى حالة تضم لاشيء ونقيدة زي كل حاجة في بلدنا هتلاقي ناس تتكلم عن ظاهرة منع تدخين السجائر وناس تانية تتكلم عن ضرورة إباحة الحشيش هتلاقي رابطة بتنشر صور إباحية ورابطة بتتكلم عن مكارم الأخلاق هتلاقي رابطة تتكلم عن الإضرابات والمظاهرات والاحتجاجات ورابطة أخري تتكلم عن ضرورات الاستقرار كل شيء موجود وكل الناس موجودين هتلاقي سياسيين إعلاميين اقتصاديين لاعبي كورة ايموس من الذين يحبون منظر الدماء وعبده الشيطان وهتلاقي ملفات متنوعة فيها اخبار ومعلومات وصور وأفلام وإذاعة وشائعات وكمان نقط في مصر ظاهرة دي ظاهرة مهمة زي ما هي مهمة في كل مكان في العالم ولها أثارها الاقتصادية والاجتماعية والسياسية والثقافية يبقي احنا في حالة حوار لازم نعمل اية لازم نبحث في إسرار هذا الملف وندور في أدوارة اسمحوا لي أولا ان أرحب بضيوفي وضيوفكم الدكتور رفعت السعيد رئيس حزب التجمع الدكتور على ليله أستاذ الاجتماع جامعة عين شمس الأستاذ جمال مختار خبير الشبكات الاجتماعية الدكتورة ليلا عبد المجيد عميد كلية الاعلام جامعة القاهرة وأرحب بضيوفي في الأستوديو الأستاذ أسامة خليل الناقد الرياضي الكبير الأستاذة أمينة خيري الكاتبة الصحفية بجريدة الحياة الدولية الدكتور مينا ذكري صاحب مدونة مراقب مصر وأبنائي وبناتي شبات وشباب مصر واهلا وسهلا بكم
د عمرو عبد السميع : بقي يا دكتور رفعت اية الورق اللي جنبك ده
د رفعت السعيد : مليش دعوة بيه
د عمرو عبد السميع : ملكش دعوة بيه طيب علشان ما يتحسبش عليك بس
د رفعت السعيد : حد دسه لي
د عمرو عبد السميع : دلوقتي احنا أمام مقولتين في وصف ثقافة الفيس بوك والمدونات أو شباب الفيس بوك والمدونات مرة طلعت قولت لنا شوية عيال لسعة بعد كده رجعت اعترفت بدورهم وقيمته تقيما ايجابيا احنا عوزينك تعمل جسر ما بين المقولتين تقول ليه التغيير ده وأيضا عايزين نتكلم عن جماعات زي 6 ابريل بغض النظر عن اتفقنا أو اختلافنا عن ما ينادوا به لكننا أمام جماعة بيخش فيها حوالي 100 ألف شخص صحيح ان معظمهم رايح بدافع الفضول علشان يعرف الناس دي بتقول اية أو شيء من هذا القبيل ولكن في النهاية نحن أمام هذه الكتلة من الأشخاص طيب بنعترف بهم كقوة سياسية ولا لا هل هم حلوا محل الاحزاب التقليدية هل أصبحوا أصحاب طريقة في التعبير محدثة تغني عن الوسائل التقليدية
د رفعت السعيد : أولا انا مغيرتش موقفي ولا حاجة
د عمرو عبد السميع : يعني لسعين
د رفعت السعيد : متصبر
د عمرو عبد السميع : لقة مش هصبر لسعين ولا مش لسعين
د رفعت السعيد : مين فيهم
د عمرو عبد السميع : اللي أنت قلت عليهم
د رفعت السعيد : لقة كان واحد لاسع
د عمرو عبد السميع : يعني اية لاسع بالمناسبة أرجوك قول لنا تعريف
د رفعت السعيد : ده عايز تعريف اجتماعي يعني مش متصق مع نفسه مش متصق مع الواقع بيقول كلام غير منطقي
د عمرو عبد السميع : اللي هو مضطرب مشوش هو ده اللي بتقصد به لاسع
د رفعت السعيد : يعني أقول زي ما أنت عاوز ادخل في القاموس وشوف لاسع
لاوسين
د عمرو عبد السميع : مفيش في القاموس لاسع على فكرة
د رفعت السعيد : من باب لسع شوف يا سيدي حدث انه على الفيس بوك الذي لا استخدمه للأسف ولكن حفيدتي شطرة فيه وحفيدي كمان شاطر فيه حدق انه في واحد اسمه طائر الشمال دس نفسه وسط مجموعة من الداعين الي الإضراب العام وقال لهم انا عندي مدونة كاملة لتحقيق الاستيلاء على السلطة إضراب عام اية وبتاع اية استولي على السلطة استولي على السلطة ازاي
د عمرو عبد السميع : راجل بيحلق خارج الأطارات الشرعية كلها
د رفعت السعيد : وانا مالي ومال الشرعية كمان هو لو حتي غير شرعي بس بيقول كلام عاقل أقبلة لكن هو بما انه إنسان خفي وهو بيزعم انه مقيم في النرويج والله اعلم هو اية والله اعلم هو مقيم ولا لا والله اعلم هو اسمه اية لكن مسمي نفسه طائر الشمال فقال اية أولا يتعين عليكم الا تحددوا مكان تجمعكم لان الأمن هيعرف فيجي لكم سيبوا التجمع كده منتشر والأقسام البوليس من غير حراسة فتتدخلوا على أقسام البوليس وتستولوا على السلاح تحاصروا بيت فلان وفلان وفلان علشان تمنعوهم من الهروب تجيبوا 400 سيارة كل سيارة يركب فيها خمسة ويجروا على المطار علشان يحاصروه ويمنعوا الأغنياء من ان يهربوا أموالهم أولا
د عمرو عبد السميع : لا ده لاسع فعلا
د رفعت السعيد : خصوصا انه لسه متصور ان الفلوس بتهرب في أشوله يعني هيدخل بقي كل رأس مالي شايل شوال على كتفة علشان يهرب به مش عارف ان في نظام أخر لتهريب الأموال لكن الشباب الآخرين هما شباب يعني يستحقوا الاحترام وفي نفس الوقت طوعوا جهاز الفيس بوك طوعوه تطويعا وطنيا وديمقراطيا وتقدميا
د عمرو عبد السميع : ازاي وأية موجيبات ظهور هذا الظهور الاجتماعي
د رفعت السعيد : نمرة واحد هما مظلومين هما يجدون مجتمعا مليئا بالنفاق ويصادر كل كلمة صحيحة ويطارد كل كلمة حقيقة ويطارد كل من يعارض ويطارد كل من يفتح فمه واخد بالك وكان عندي زميلة من زميلنا اللي جايين النهاردة معايا كانت بتقول لي عاوزين نعمل مجلة حائط مش عارفين لازم يشوفها الأمن ولازم يشوفها الأستاذ ويشطب ثلاثة أرباع طيب اية اللي وأجع قلبها مجلة الحائط دي يقرئها عشرة عشرين ثلاثين أربعين ما أطلعها على الفيس بوك اذن أنت عندك معلومات سياسية ممنوعات متعلقة بالحريات والديمقراطية عندك كذب يردد كل يوم على لسان مسئولين وعلى لسان صحف وعلي لشان كذا كذا
د عمرو عبد السميع : بس ده لا ينسخ ان في كذب ايضا في طرق التعبير المحبسة زي حكاية طائر الشمال بتعتك وده
د رفعت السعيد : دخلين بقي في الكذب المتبادل
د عمرو عبد السميع : يعني تحويل الكذب الى ثقافة او حالة
د رفعت السعيد : الى ثقافة حالة يعني هو شاب متعطل خرج من الجامعة وقاعد متعطل في بيته كافي خيرة شره كل يوم أمه تتخانق معاه وتقول له أنت هتفضل متنيل على عينك قاعد كده لابس البيجامة ما تقوم تدور على شغلة ينزل يلف ميلقيش طيب الولد ده كل يوم يقراء في الجرنال ان وزارة مش عارف اية وفرت 60 ألف فرصة عمل وبعدين تاني يوم يقولك وزارة عملت هتوفر 30 ألف فرصة عمل لو هو جاب ورقة وقلم من غير آلة حاسبة ولا حاجة وجمع الأرقام فرص العمل دي يكتشف ان مصر فيها 3 فرص عمل لكل شاب وعندها فائض للتصدر فطبعا هو إزاء حالة من الكذب والنفاق الاجتماعي والسياسي والمجتمعي هو بيهرب منه هذا الهروب ممكن يبقي سلبي وممكن يبقي ايجابي
د عمرو عبد السميع : ازاي
د رفعت السعيد : يبقي سلبي يقعد يعمل الشات أو يصاحب بنات يعمل كذا البنات تصحبه وكده وفي نفس الوقت بعيد عن العالم يهرب من هذا المجتمع القميء ويخلق لنفسه مجتمعة الخاص
د عمرو عبد السميع : اللي همه بيقولوا عليه إعلام هروبي
د رفعت السعيد : إعلام هروبي وهو بيشعر بالاغتراب فيغترب حتي عن عائلته يقعد ساعة 2و3 و4 و5 ويشعر بحالة من هذا الهروب إما ان يتحول الى إدمان يعني اكتئاب يتحول الى هروب الهروب يتحول الى إدمان أو يتحول الى فعل ايجابي
د عمرو عبد السميع : التداعيات السياسية إيه بقي قين لي أدائهم السياسي فعلا أو المجموعات الكبيرة فيهم
د رفعت السعيد : انا هقول لك أولا هما دخلوا في تجربة والتجربة نجحت اية هي انه الأخت اللي اسمها إسراء قالت احنا سكتين ليه ما بلا قرف الناس دول مقرفين خلينا نتمرد عليهم كتبت الكلمتين دول على الفيس بوك بتعها فجأة لقت ألوف يتضمن معها هنا يتحول الفعل السياسي الأول الى فعل سياسي جماهيري لعمل ايجابي جدا يعني الشاب والشبان بتعنا في اتحاد الشباب في حزب التجمع عملين 20 موقع كل موقع تحول الى 300 شخص فكل 300 شخص ده جاب واحد واللي جاب اثنين وده جاب عشرة وده جاب 15 هيبقي عندهم شبكة من العلاقات حتي لما بنعمل ندوة معدناش نبعت للجرائد اللي مبتتنشرش لان احنا يعني هتنشر كلام إباحة تقول فيه ناس عمله ندوه علشان تنتقد الحكومة ماينفعش فبقي الفيس بوك هو اللي بيجيب لنا الزبائن وانا عاوز أقول ان في فتيات وشبان يمكن من اللي قعدين دول جائوا لنا عن طريق الفيس بوك يبقي نحن إذن نستخدم الفيس بوك أو هما بيستخدموا الفيس بوك في محاولة لتعبئه مجتمعية
د عمرو عبد السميع : كل اللي حضرتك بتقوله ده عظيم جدا ولكن في الحقيقة
د رفعت السعيد : في لسه غلطانين
د عمرو عبد السميع : ما انا عاوز أقول لك قبل الغلط اللي انا بلحظة وأنت بتتكلم عن الفيس بوك وتتكلم عن المدونات باعتبارها أنها وسيله في يد الاحزاب انا بتكلم عنها بوصفها بديل للأحزاب
د رفعت السعيد : أقول لك أولا بديل للأحزاب لو احنا عيشين في العصر الحجري انا بستخدم الفيس بوك فازاي هما يبقوا بديل لي هما مكمل لي حتي لو ليسوا أعضاء عندي طالما ان احنا وخدين برنامج واحد اية البرنامج ان احنا عايزن ديمقراطية ان احنا عاوزين حقوق للفرد ان احنا عاوزين حقوق للمرأة ان احنا عاوزين حقوق للإنسان ان احنا عاوزين عمل للشباب المتعطلين انا احنا عاوزين نواجه غول الرأسمالية الشرس ده اللي بيستولي يلتهم 90 % من إجمالي الدخل القومي العام هما معانا من الناحية الفكرية لكن مش عاوزين يرتبطوا بنا واية يعني يشتغلوا زي ما هما عاوزين اختلافنا معهم أمتي لما قالوا مقولة الإضراب العام أولا قالوا يوم غضب فإحنا قلنا وإحنا كمان غضبانين معاكم واخد بالك خلاص احنا كمان غضبانين مش احنا بس اللي غضبانين ربما أنت كمان واللي قعدين الثلاثة دول هوديهم في دهية معايا ممكن يكونوا غضبانين هما كمان وحتي قطاعات كبيرة الذي يتصور الحزب الوطني أنها معاه أو تتصور الحكومة أنها معاها هما ايضا غاضبون وان كانوا لا يعبرون عن غضبهم لسبب أو لأخر طيب نيجي لموضوع الإضراب العام انا قلت لهم قبل ما نيجي قلت له انا
د عمرو عبد السميع : الدكتور مينا ذكري ده من قدما المدونين زي قدماء المصريين
د رفعت السعيد : ما هو مينا أصل مينا كان بيدون على الحجر وهو لا زال يدون على الحجر هو يدون في مواجهة صلف وغضب ومطارد حتي هما فهمين ان هما لما يخبوا أسمائهم اسأميهم مبتتعرفش عن طريق ال أي بي بيوصلوا له وبيعرفوا بس
د عمرو عبد السميع : اشرح للولاد يعني اية الي أي بي
د رفعت السعيد : يعني الرقم اللي بموجبه اشتري هذا الجهاز من الشركة والشركة بتبلغ الأمن ان فلان الفولاني مينا اشتري الجهاز ده برقم كذا ولو بعت حاجة اعرفوا ان هو اللي بعتها هما دلوقتي اذكي من الأمن بيعملوا اية اية بيجمعوا جهاز بيروحوا سوق الجمعة أو الأحد يشتروا شوية قطع غيار ويجمع جهاز ويركبه ده محدش يقدر يوصل إليه
د عمرو عبد السميع : مفيش أي حد يقدر يتتبعه
د رفعت السعيد : أجي بقي الى موضوع الإضراب العام احنا اختلافنا معهم في قصة الإضراب العام مش لان احنا من حيث المبدأ خيفين من الإضراب العام ضد النظام وإحنا ميقربش لنا يعني احنا معارضين ليه القضية انك لا تستطيع ان تستدعي الجماهير الى موضوع هي ليست قادرة على أدائه انا الجماهير مبتشتغلش عندي بحيث انا اقعد في بيتي أفكر وأقول طيب نعمل اية ضدهم نعمل ضدهم إضراب عام ثم أنت ما بتقولش لهم اسمك فانت تستدعي المواطنين لفعل مقاوم بالنظام وأنت اسمك مش معروف مش سعد زغلول هيخرجوا كلهم يعني هتقول لهم اخرجوا هيخرجوا ده أنت بتقول لهم انا مستخبي وتعالي اخرج دي أول حاجة الحاجة الثانية في علم السياسة الإضراب العام هو اعلي دراجات التحرك السياسي يعني انا ابتدي في إضراب في مدرسة في معهد ابتدي بإضراب يعني في الشارع بوقفة احتجاجية بوقفة صامتة بيفتتين ثلاثة كل شوية الجماهير تتحرك معاك خطوة خطوة لحد ما تبقي ناضجة أتحرك فعلي أقول لها نحرج للشارع فتخرج للشارع جزئيا لما تبقي ناضجة 100% أقول لها يالا نعمل إضراب عام انا عندي دلوقتي حالة ما يمكن تسمية الاحتجاج الفئوي تعتصم وتقعد في الشارع أطباء بلا أجور بيطريون دون أجور مهندسون تحت الحراسة يعني في حالة عمال المحلة عمال شبين الكوم عمال كذا في حالة من الاحتجاج الفئوي لما الاحتجاج الفئوي يتحول الى احتجاج مجتمعي المجتمع كله يقعد ويفكر ويقول طيب الأطباء دول ما هم قريبي لان احنا مظلومين زيهم وعمال المحلة يقولوا الأفندية بتوع الضرائب العقارية دول مظلومين زينا لما كل ده يتحرك مع بعضه يبقي هما حق
د عمرو عبد السميع : عايزة اية يا أستاذة أمينة خيري يعني جاية من بره عايزة تتكلمي من على السلم أتفضلي
أمينة خيري : انا يس عايزة أقول ان فكرة الفيس بوك والإمكانيات الاليكترونية الأخرى شبيه بالفيس بوك هي فعلا طرحت نفسها أنها تكون بديل للأحزاب السياسية الأخرى الموجودة اللي أكدت يمكن من خلال 30 سنة اللي فاتوا أنها غير قادرة على واسمح لي استخدم لفظ انجليزي علشان انا أحب استخدم الانجليزي كمان تعبئة للجماهير وعمل حمالات توحد صفوف كثير من المصريين خصوصا الشباب الفيس بوك طرح نفسه فعلا ان هو بديل بالفعل للأحزاب خلال السنة اللي فاتت مش خلال السنة دي للأسف لان هما خدوا درس قاسي جدا امنيا بعد الدعوة للإضراب نتفق معاهم أو نختلف معاهم في الدعوة للإضراب عاوزة بس أوضح كمان للدكتور رفعت اللي الحقيقة ان فكرة حد يتحري ويتقصي مش مشكلة انا ممكن اعمل مدونة الفيس بوك أو استخدم الكمبيوتر بأي طريقة من خلال انترنت كافية أو سيبر كافية من خلال كمبيوتر موجود في احدي الجامعات أو في احدي المؤسسات فمش شرط ان انا الجهاز اللي انا مشترياه باسمي يبقي هو اللي استخدمه
د عمرو عبد السميع : يبقي شخصي
أمينة خيري : باظبط كده ارجع تاني أقول ان إسراء عبد الفتاح اللي هي قائدة أو اللي هي دعت احدي الداعيات الى اضراب في 6 ابريل في 2008 طبعا كلنا عارفين اللي حصل هي حصل لها اية اية نوعية الدرس اللي هي خدته في العمية بيقول مثل اضرب المربوط يخاف السايب
د عمرو عبد السميع : فين المربوط وفين السايب في الحكاية دي كلها
أمينة خيري : في ناس كثيرة مربوطة الحقيقة بس خلينا نسيب المربوط دلوقتي ونرجع تاني على الفيس بوك ان الفيس بوك أكد ان شباب مصر بخير مش يس البطالة والعاطلين من العمل او اللي هما فاقدين الامل تماما هما اللي بيستخدموا الفيس بوك نسبة كبيرة جدا منا ناشطي الفيس بوك والانترنت هما من الشباب اللي بيشتغلوا بالفعل حتي يعني اقدر أقول معنديش دراسة ولكن اقدر أقول من متابعتي خلال الخمس سنين اللي فاتوا
د عمرو عبد السميع : بالنظر كده انطباعيا
أمينة : مش انطباعيا بس من خلال
د عمرو عبد السميع : يعني أنت بتقولي أراء بالخطورة دي وانطباعيا يعني
أمينة : لا مش انطباعيا مش عايزة أقول نسب بس انا أقول هي نسبة كبيرة جدا من الناشطين اللي هما ممكن يكونوا قادة
د عمرو عبد السميع : اللي هما عندهم صفات استثنائية قيادية
أمينة : هما فعليا من لاشباب المصري خريجي الجامعات اللي بيشتغلوا في مناصب أو وظائف فعلا جيدة جدا يعني هي مش وسيلة للهروب بس انا قلت أوضح للدكتور رفعت وعاوز بس حقيقي دكتور رفعت يمكن مغير موقفة ولكن طور موقفة يعني خاص بشعار شوية عيال لسعة لان الحقيقة الشعار ده انا حاولت أدور عليه على الانترنت طلع لي حوالي 350 ألف موقع استخدموا هذا الشعار فده شعار ناجح جدا
د عمرو عبد السميع : نقلا عن الدكتور رفعت
أمينة : نقلا عن الدكتور رفعت بالظبط فهو يمكن استثني العيال اللسعة بعيل واحد وربما تكون عيلة لسعة اللي هو الأخ نسر الشمال أو طائر الشمال مش وحش ان واحد يبقي واحد لاسع على فكرة كثير من الأفكار بيبتدي بفكرة لسعة وتطور بعد كده وتبقي اقل لسعان
د عمرو عبد السميع : ده في ظل اللسعان اللي انتي بتعملية ده طي دكتور على ليله يا دكتور على في كاتبة أمريكية اسمها كريسين بيكمن كتبت في لوس انجلوس تايم قالت انه متهاه بتاعت الفيس بوك بتؤدي الى الانهيار المهني والأسري ولاحظت على نفسها أنها لما أدمنت الفيس بوك تركت عملها وتركت اولاده وتركت بيتها وخربت الدنيا تخريبا عظيما هل هذا صحيح
د على ليلة : انا عاوز أقول بس قبل ما أجاوب على هذا السؤال ان كل مرحلة لها شبابها وكل مرحلة لها شكل من إشكال المعارضة وإحنا لا ينبغي وإحنا كناس كبار في السن ان احنا نقيس أدائهم بأدائنا اللي كان لكن اللي انا عاوز اقولة ان الشباب في كل مراحل التاريخ كانوا هما مقدمة للحركات الاجتماعية بشكل أساسي ونحن أمام حركة اجتماعية جديدة بس ما يميزها انها حركة بتتجاوز الحدود القومية بشكل أساسي وهان بيعمل اية لما بيوسع الدائرة بتاعته بيعمل قيمة مضافة الى قوتة بشكل أساسي معدش يعمل معارضة من داخل حدود الوطن بس لكن بيعمل معارضة شاملة بشكل عام في مواجهة نظام سياسي معين وبيجيب بقي من بره معاه تبقي المسألة ظهور المجموعة دي مجموعة الشباب وانا مش عاوز أتكلم عنها بشكل مدين ده بشكل مفرح للغاية لان الأوعية السياسية القائمة لم تستوعب هذه الطاقة بشكل أساسي
د عمرو عبد السميع : ما هو ده الكلام افهم من كده انك بترد على الدكتور رفعت السعيد ياريت الإيضاح يعني
د رفعت السعيد : ما هو كمان يقصد ان الحزب الوطني عاجز عن انه يستوعب هؤلاء الشباب
د عمرو عبد السميع : مش هتخضني يعني كمل
د على ليلة : اللي انا عاوز أقوله لو الأوعية السياسية سليمة كانت تستوعب هذه الحركة من المعارضة لكن لان الأوعية السياسية واحد مسيطر عليها فئة أو كبار السن اللي هما مستمرين انا مشفتش في المجتمع المدني
د عمرو عبد السميع : عندك كام سنة يا د على
د على ليلة : انا عندي 65 سنة
د عمرو عبد السميع : تمام ربنا يديك الصحة وطوله العمر أتفضل
د على ليلة : مشفتش أبدا حزب اللي انا عاوز أقوله لو الأوعية السياسية القائمة صالحة وما الى ذلك كانت المعارضة تمت من داخلها يشكل عام إنما هو لان شباب عنده شفافية وعنده براه وجد الكلام ده كله لا يستطيع ان يؤدي فعلا مؤثرا بشكل ما فيقولوا سلام عليكم ويروح داخل على شبكات الفيس بوك بصورة عامة انا بتصورها انها بداية حركة جميلة زي كل الحركات الشباب الى احنا قدنها قبل 46 في مجتمعنا قبل 52
د عمرو عبد السميع : أنت كنت عضو منخرط في انهي حركات الشباب بتاعة سنة كام والا كنت زي بتوع الفيس بوك يحرضوا الناس وميروحوش ولا كنت بتخبي اسمك يا دكتور على
د على ليلة : لا لقة يعني كنت بطلع في مظاهرات كده خفيفة اقوي
د عمرو عبد السميع : أيام اية بقي سنة كام طلعت في مظاهرات
د على ليلة : اعتقد طلعت سنة 61 أظن في مظاهرات
د رفعت السعيد : أيام ما كان عبد الناصر بيلمهم في الأماكن
د على ليلة : اه في الفترة دي لكن كنا حتي لما بيلمنا يدلعنا يعني خفيف يعني اللي انا عاوز أقوله ان التاريخ يشهد ان الشباب دائما في المقدمة
د عمرو عبد السميع : بس انا عاوز أقول لحضرتك على حاجة الحقيقة إنما لما أجي في اودة متر في متر فيها تربيزة عليها جهاز كمبيوتر وفيس بوك ومعرفش اية وقاعد بتصل بالدنيا كلها عبر هذه المساحة وأكيد كده بتتحل الروابط الاجتماعية في المجتمع انا عاوز اعرف تأثير النفسي على الفرد والمجموع في ظل هذه الحقيقة
د على ليلة : انا مع سيادتك في الموضوع ده هو بيؤثر على العلاقة الأسرية بشكل واضح جدا ليه لان حتي الأسرة معدتش فضية لبعضها لا الأب فاضي له ولا الأم فاضية فالجهاز ده قدامه فبيتصل بالعالم بشكل أساسي
د عمرو عبد السميع : مين من أقاربك الصغيرين بيستخدم هذه الوسيلة
د على ليلة : يعني عندي ابن أخي بيستخدم بيعيش قدامه كثير
د عمرو عبد السميع : بتتكلم معاه ولا مش فاضي له
د على ليلة : لا هو احنا اللي علينا نعقله نعقل تعاملة مع هذا الجهاز بشكل أساسي لو احنا عندنا وقت ككبار في السن ونقول له ده كذا وكذا ونظم احنا اللي ننظم لكن اللي انا عاوز أقوله إننا على المدى الطويل هيؤثر عليه بشكل ما داخل الأسرة الأسرة تتحول الى بدل أسرة متضامنه الى علاقات اجتماعية وما الى ذلك هتتحول الى مجموعة من الإفراد موجودين في 40 متر أو 50 متر
د عمرو عبد السميع : ولا يبطهم حتي مزاج واحد
د على ليلة : كل واحد في حالة كل واحد بشكل ده بقي نهاية يعني
د عمرو عبد السميع : نهاية التاريخ
د على ليلة : لا مش نهاية التاريخ نهاية حياة أسرية احنا حسين بها الكبار لكن عاوز أقول مش عاوز اخلع ما عندي عليه بشكل ما هو له عالمه وفي مجمتع موازي بيتخلق موازي للمجتمع الواقعي هو بيعيش فيه ومعاه علاقته وعنده قيمة
د عمرو عبد السميع : التأثير النفسي بشكل مباشر اية واحد اثنين ثلاثه
د على ليلة : التأثير النفسي هو طبعا بيقلل التفاعل شوية مع الأسرة بيخلي أولا ان التكنولوجيا هي الصديق بدل البشر بصورة أساسية ان هو بيخلية أكثر شجاعة في المعلومات يدخل المعارضة
د عمرو عبد السميع : من حيث تكوين الرأي لكن من حيث المخاطبة ما يقدرش يخاطب بيستبدل مهارات الكلام بمهارات التدوين
د على ليلة : ده بشكل من إشكال المعارضة ده شكل برضو ملائم له لابد ان نحظر دائما ان احنا نحكم على هذا العالم بمرجعيتنا هو له مرجعيته الى حد ما
د عمرو عبد السميع : أستاذ جمال مختار ليك كتاب شهير اسمه حقيقة الفيس بوك وده الحقيقة بيذكرني بمقوله شهيرة في أغنية إذاعية شهيرة لما كانوا بيقولوا عدوا ولا حبيب قول لنا بقي الفيس بوك عدوا ولا حبيب
جمال مختار : انا عاوز بس أصحح معلومة للدكتور رفعت حكاية الماك اردسون وال أي دي ادرسون الماك ادرسون ده بيجي مع الجهاز وما بيتغيرش وممكن تتحايل عليه
د عمرو عبد السميع : دائما لما تستخدم اصطلاح فني لو كلمة بالانجليزية لو سمحت تشرح لنا هي اية
جمال مختار : الماك ادرس باختصار هي الرقم اللي جاي على الشاسية بتاع الدسك وبتاع البروسسور ال أي بي ادرس أنت بتخش تأخذه عن طريق مزود الخدمة مزود الخدمة ده هما 5 أو 6 شركات موجودين فمزود الخدمة بيعرف أنت فين لو أنت رحت أي نت كافية بيحصل اية بيقول لك أديني رقم بطاقتك أو أنت موجود في مجتمع ما في جامعة ما معروف الناس دول سهل د
لوقتي ان أي حد وصل للناس دول هو في الفيس بوك في اشتراطات في الخصوصية بيقول لك لو في جهة رسمية خطبتني رسميا وطلبت مني هذا الشخص انا هدي له المعلومات دي علشان بس الناس متتخيلش ان يقدر يعمل عملة انا مش بتكلم ده امنيا انا بتكلم ده أخلاقيا ان واحد يتخيل ان حد ما يقدرش يجيبة
د عمرو عبد السميع : تقصد الضبط الاجتماعي وليس سلطة الضبط الأمني
جمال مختار : بالظبط كده انا لو انا النهاردة انتحلت بشخصية واحد أو عملت حاجات مزورة أو ابتزيت حد سهل جدا ان أي حد يرجع لي ويجبني في شباب كثير قوي بيبقي واخد الموضوع ده فهلوه ويتكشف في الناهية انه متهم في جريمة اليكترونية أو متهم بحاجة هو ماكنش متخيل
د عمرو عبد السميع : قول لنا اية هي أنواع الجريمة الالكترونية
جمال مختار : أول حاجة الضحك على الدقون يعني واحد يطلع لك يقول بحبك أنت عجبني مش عارف اية طيب يالا نتقابل
د عمرو عبد السميع : طيب ليه ما ينفعش يبقي بحق وحقيقي
جمال مختار : في حاجات بحق وحقيقي كثير جدا يعني دلوقتي سألتني عن الجانب الأخر طيب اية رأيك نعمل مكالمة جنسية اشتري لي كرت وابعته لي
د عمرو عبد السميع : اه ده موضوع تاني
جمال مختار : دي حاجة من الحاجات في طبعا ابتزاز ان انا اخد اسم شخص ما وأقول له انا اعمل لك حاجة والركب صورة على صورة وأقول له هعمل لك فضيحة لو مدفغتش لي الفلوس الفلانة أو يعني أخاطب الناس مثلا بنت وولد ولد وبنت
د عمرو عبد السميع : لحظت بعض الحالات السياسية فيها الجرائم دي زي اية
جمال مختار : طبعا في حاجات كثيرة بتستخبه يعني مثلا أجهزة من المخابرات الخارجية بتفرق بين الأديان أو بتفرق بين المصرين والدول العربية
د عمرو عبد السميع : اية كمان
جمال مختار : كثير في ناس بتخش تقول انا أكسبك فلوس أديني اسم البنك بتاعك وأديني تحويل اعمل لك تحويل يقول لك لا طيب علشان التحول ده يتم عايز
د عمرو عبد السميع : انا بتكلم عن الجرائم السياسية
جمال مختار : الجرائم السياسية مخرجتش في اللي احنا درسناه عن الرفقة بين الأديان أو التحريض على حاجة التحريض على إضراب مثلا أو الكلمة ان حصل كارثة من الكوارث لازم تتحركوا وتهبوا
د عمرو عبد السميع : نشر الشائعات يعني
جمال مختار : بالظبط
د عمرو عبد السميع : دكتورة ليلي عبد المجيد بينظر الى الفيس بوك والى ثقافة المدونات في مصر باعتبارها أنها مصدر رئيسي للمعلومات مش بس الآراء وبالتالي أصبحت سلطة خامسة هل نسخت سلطة الاعلام أو الصحافة
د ليلي عبد المجيد : هو الفيس بوك يعني كشكل من إشكال الشبكات الاجتماعية شبكات التشبيك الاجتماعي هي شكل من إشكال الصحافة الالكترونية يعني عندنا الصحف لها طبعات الكترونية أو صحيفة ملهاش طبعة ورقية وهي الكترونية أو عندنا دلوقتي مثلا في بعض الإشكال الكترونية فيها كمان أفلام فديو مواطن بينتجها فهي بشكل عام وطبعا المدونات بالإضافة الى المواقع الاجتماعية زي الفيس بوك وغيرها اللي بيحصل اية ان دي بقي إعلام بديل سمية إعلام المواطن يعني المواطن بدل ما كان هو يتلقي
د عمرو عبد السميع : كل ظاهرة من هذه الظواهر تلبي تلبية للاحتياج جماعي أو اجتماعي طيب اية الاحتياج الجماعي الاجتماعي الذي ادي الى ذلك عملوا إعلام بديل ليه
د ليلي عبد المجيد : علام بديل هما مش حسين ان الاعلام الموجود هو بيلبي كل احتياجاتهم
د عمرو عبد السميع : هل كلامك ده مقصور على الاعلام الرسمي ولا على الاعلام الخاص
د ليلي عبد المجيد : على كله طبعا على الاعلام بشكل عام
د عمرو عبد السميع : هل من خلال تعاملك مع الشباب اللي موجودين عندك في الكلية أو في الجامعات كلهم حاسة هؤلاء الشباب متجاوبين مع الاعلام الخاص ولا الاعلام الرسمي
د ليلي عبد المجيد : لا هو الشباب أكثر هو الشباب بطبيعته متمرد ومش عايز كل حاجة تقوله عاوز يشوف بيلقي نظرة على اية نقط الضعف اية السلبيات بيتطلع للمستقبل مش راضي بحالة مش راضي بحال المجتمع وعاوز يغير بالتأكيد يدور على الاعلام اللي بيقدم له ده انا بقي شوفت انا لي تجارب مع الشباب
د عمرو عبد السميع : احكي لنا شوية عن التجارب دي
د ليلي عبد المجيد : في لافيس بوك بقي انا يعني طبعا هو له حاجات ايجابية وحاجات سلبية
د عمرو عبد السميع : اللي هو عدو ولا حبيب
د ليلي عبد المجيد : عدو وحبيب هو بالنسبة لي لقيت الشباب في كلية الاعلام عندي عاملين جروبات كثيرة جدا مثلا في نوع من الجروبات
د عمرو عبد السميع : بيهاجموكي
د ليلي عبد المجيد : في طبعا ده وارد
د عمرو عبد السميع : بيقول لكي اية
د ليلي عبد المجيد : انا هقول لك على حاجة انا في مجموعات منهم بالنسبة لي بقوا بمثابة زيارة ممتدة للي بيحصل في الكلية للسياسات والأفكار والبرامج اللي بناخذها وكده
د عمرو عبد السميع : لما بيهاجموكي بتحس ان صورة العمادة بتهتز
د ليلي عبد المجيد : لا
د عمرو عبد السميع : طيب لية الدولة سلطتها بتهتز أمام الشباب دول
د ليلي عبد المجيد : انا بدخل مهاهم في حوار أقول لك تجربة في جروب من الجروبات لقيتهم بيتكلموا على الحاجات السلبية اللي غفي الكلية بدخل عليها بشوف اية السلبي فبعضهم عمل حاجات غريبة جدا لقيت راحوا في الكافتريا في حاجات مش عجباهم هما بينتقدوا الكافتريا ومش نظافة وكلام من ده
د عمرو عبد السميع : انا مش قصدي نقد من ده انا عاوز النقد الثقيل عملوا اية
د ليلي عبد المجيد : ليلي جابوا قطة وجابوا فطيرة من الكافتريا حطوا الفطيرة مع القطة وقعدت تأكل الفطيرة في الكافتريا وحطوها طبعا على الجروب في الفيس بوك انا طبعا لما وصلت لي استأت جدا لان ده معناه دلوقتي جبت الكافتريا وقلت انهي التعاقد معاها أنتي بتلوثي لنا العيال وهتجيبي لنا مصيبة وهتملي لي الولاد هما اللي جابوا القطة وجابوا الفطيرة يعني بيسطنعوا إحداث انا بس في عندي حاجات ايجابية كويسة جدا بقرائها على الفيس بوك الولاد قالوها على الكلية يمكن معندهمش
د عمرو عبد السميع : مجربتيش تخشي على الفيس بوك وتكلميهم
د ليلي عبد المجيد : يعني دلوقتي أقولك ده مجموعة مجموعة ثانية ولد مثلا من الطلبة عمل فيلم فديوا صورة في الكلية بعد أربع سنين في الكلية بقيت اية وعملت اية فغي الكلية
د عمرو عبد السميع : كان قسم اية الشاب ده
د ليلي عبد المجيد : قسم علاقات عامه وصور مع العمال جاب عامل وصور معاه فيلم فديو كامل أتفجرت عليه أشوف الولد عاوز يقول اية طلبته قلت له تعالي ناقشني لان في طبعا حاجات من اللي هو عاملة عاوز توضيح هي دي النقطة احنا إذا اعتبرنا ان الحاجات دي وسئل للتعبير
د عمرو عبد السميع : أنت متصورة يا دكتورة ليلي لما هتجيب الطالب يقف أمام العميدة مش هيبقي خايف مش هيتراجع
د ليلي عبد المجيد : لا أصل انا مش عميدة من بتوع زمان انا عميدة ديمقراطية جدا واسمعهم بينقشوني وناقشهم بعضهم يقتنع وبعضهم بيقول صراحة مش مقتنع وعاوزة أقول لك الجيل الجديد غيرنا يا دكتور عمرو احنا كنا شجعان ومتقطقين وكله إنما الجيل الجديد ده ما ينكسفش أبدا
د عمرو عبد السميع : انا كنت ما بنكسفش أبدا
د ليلي عبد المجيد : أنت بقي يعني حالة في جيلك مش كل جيلك يعني إنما عاوزة أقول لك إذا ما اقتنعش بقول لك انا مش مقتنع مش زي زمان هيقول لي انا مقتنع ويمشي انا بحاول أقناعة لكن قد انجح وقد افشل بس عايزة أميز بين ده وإذا اعتبرناه وسائل للتعبير ده شيء مطلوب وبيزود مساحة حرية التعبي دي ويناقش بعض وقد نتفق وقد نختلف مش لازم نتفق مفيش رأي صح ورأي غلط في رأي قائم على معلومات صح ورأي قائم على معلوما ت غلط
د عمرو عبد السميع : إقبال طلبة الاعلام على استخدام هذا الوسيط الاليكتروني علشان العتبير عن أرائهم السياسية
د ليلي عبد المجيد : عالي جدا موجود وكله داخل
د عمرو عبد السميع : طيب انتوا بتعلموهم ليه بقي إذا كان هو مختار إعلام بديل من الأول
د ليلي عبد المجيد : لا وماله ما هو ده إعلام المستقبل يا دكتور عمرو احنا لنكن صرحاء مع نفسنا ان هذه الوسائط هي إعلام المستقبل هو يتعامل معها دلوقتي ويكتشف بعد الممارسة انا عاوز بس احذر أننا نتعامل معاها كمصادر معلومات وإخبار وإحداث وبتكون بناءا عليها مواقف وأراء لان ممكن قوي بعض المعلومات اللي عليها مش مدققة لان المعايير المهنية مش موجودة
د عمرو عبد السميع : اية يا أمينة عايزة اية تاني
أمينة خيري : انا بس عاوزة أضيف للكلام اللي قالته الدكتورة ليلي ان هو استخدام الشباب لوسيط زي الفيس بوك أو زي المدونات أو زي ماي سبيس مش بس بديل لكن في حاجة اسمها دمقرطة المعلومات
د عمرو عبد السميع : يعني تبقي ديمقراطية
أمينة خيري : اه ان انا بساهم ان اصنع معلومة أو ان انا اقدم معلومة مش شرط ان انا هبقي على جانب المتلقي وخصوصا الشباب زهقوا فعلا سواء من الاعلام المستقل أو الاعلام الرسمي في فجوة من النصف هما عاوزين يملؤها دي حاجة والحاجة الثانية ان احنا ما ينفعش ان احنا كحكومة جهة أمينة خيري كعمادة كلية كقائمين على الاعلام مينفعش ان أقول الحته دي في الفيس بوك على هويتي حلوة كويسة خليها أو الحتة دي انا شايفة أنها مش كويسة فنلغيها
د عمرو عبد السميع : يعني أنت ضد فكرة عدوا ولا حبيب
أمينة خيري : لا طبعا انا نأخذ الحزمة المقدمة لنا ككل لكن ما ينفعش ان انا افصل الحتة اللي مش عجبني انا أشوف حد يتقصي أو يتحري وأشوف مين اللي كتبها علشان اجيبة أربيه ويبقي عبرة يعني ده غير وارد تماما لا في الفيس بوك ولا في الماي سبيس ولا حتي في الرسائل الالكترونية يعني احنا للأسف الشديد انا شايفة وعذرا للي عاوزة أقوله ان في جهل شديد عام خصوصا من القائمين على الأمور يعني الأمينة خيري أو الرسمية بطبيعة الانترنت الانترنت ما تعرفش حاجه اسمها رقابه معلش اسمحوا لي اه نعمل بقي دورنا ان احنا نربي الأولاد كويس ويبقي في وازع ديني وفي تربية كويسة ويبقي في تعليم حقيقي بعد كده كل واحد يعرف مصلحته وانا بعد كده كمتلقي أو مستخدم للانترنت هبقي عارفة ده معلومة مؤكده ده وجهة نظر تحترم دي دعوة إضراب ممكن ان انا امشي ورائها أو ان انا يبقي فيها عوامل قابلة للتفعيل حقيقي لمصلحة
د عمرو عبد السميع : اه يا دكتورة ليلي
د ليلي عبد المجيد : انا كواحدة مسئولة في الكلية باعتبر دي قناة من القنوات اللي بتدعم صلتي بطلابي بأعرف أرائهم وأفكارهم وتصوراتهم وانتقاداتهم كون إني اعمل معهم حوار هو ده المطلوب يعني ان انا امنعهم وانا مقدرش امنعهم
د عمرو عبد السميع : يعني مش الست العميدة تجيب العيال تخوفهم يعني
د ليلي عبد المجيد : ولا اعاقبهم أساسا إطلاقا يعني بالعكس انا بتحاور معهم وأوضح لهم أمر اديهم المعلومات الصحيحة وكلام من ده وفي منهم بيغير موقفهم يعني أقول لك علي حاجة في مجموعة كانوا عاملين حصل حادثة عندنا في الكلية آسرة من الأسر كانت عامله مسابقة مسمينها مستر ماس كوم حصل ان مجموعة لها اتجاه تاني اعتبرت ان دي ملكة جمال ودي ملكة جمال فدخلوا على الفيس بوك وعملوا جروب ضد الإسفاف في كلية الاعلام هما محضروش لما جم محضروش الحفلة ولا يعرفوا فين الإسفاف ولا بتاع لما زملائهم جاءوا لي زعلانين
د عمرو عبد السميع : الماس كوم يا أولاد اللي هو الاتصال الجماهيري في كلية الاعلام يعني
د ليلي عبد المجيد : قلت لهم اعملوا جروب تاني وردوا عليهم وردوا ووضحوا لهم الأمر
د عمرو عبد السميع : دكتور رفعت السعيد عايز تقول اية انا عاوز أقول انه قد يرد على الانترنت داخل الفيس بوك انا مثلا السيرة الذاتية واحد عامل لي السيرة الذاتية
د عمرو عبد السميع : السيرة الذاتية
د رفعت السعيد : السيرة الذاتية ومليئة بالأخطاء يعني انا مولود في المنصورة وهو يقول انا مولود في القاهرة مولود سنة كذا هو يقول مولد سنة كذا جريج جامعة عين شمس يقول خريج الجامعة الأمريكية ما اعتقدش انه متعمد هو سمع من حد وعمل حاجة أو استسهل أو كده لكن في أخطاء متعمدة مثلا لو تدخل على باب المعتزلة في الانترنت تكتشف ان في واحد كاتب بطريقة علمية صحيحة وواحد كاتب بطريقة مغرضة شديدة الإغراض ومن ثم على المتلقي ان يختار وان يدقق والا يعتبر ان كل الكلام المكتوب على الانترنت أو على الفيس بوك هو ده الحقيقة
د عمرو عبد السميع : على كل متلقي الا يعتبر كل كلام مكتوب على الانترنت انه الحقيقة ونتواصل بعد الفاصل
فاصل
د عمرو عبد السميع : عدنا لنواصل التقليب قي ملف الفيس بوك والمدونات الأستاذ اسامة خليل الحقيقة احنا عاوزين منك توضيح إفصاح أو إيضاح لحالة المواقع كرة القدم وغيرها وتاثير ده على المشهد العام في مصر سواء كان سياسي أو اجتماعي أو سياسي أو ثقافي أتفضل
أسامة خليل : انا عاوز بس أقول شوية تعليقات صغيرة لان هي ظاهرة أساسا لازم نتكلم بنتكلم كلام انطباعي كله يعني مفيش دراسات ولا أبحاث في مصر اعتملت ولا حتى في الشرق الأوسط تقدر تقول اية حجم الناس دي اد اية ومدي تأثيرها على المجتمع الجزء الثاني ده جزء مهم جدا ان متمسكتش أي حالة في الدولة الغربية اللي هي أمريكا اللي هي نشرت الفيس بوك له تأثير على المجتمع السياسي ويقدر يحرك الناس أو يقدر يشكل اتجاهاتنا بشكل كبير
د عمرو عبد السميع : لا بيخلق تيار من الوعي
أسامة خليل : لا دي في كل حاجة الانترنت بشكل عام هو تيار وعي انا بتكلم على فكرة ان هو يحرك الناس زي ما جه هنا في مصر فاكتشفنا ان الناس بتتحرك أو من خلال الفيس بوك
د عمرو عبد السميع : أو ما بتتحركش هو بيحاول وهي ما بتتحكرش
أسامة خليل : هاوضح لحضرتك ده ازاي في جزئين الموضوعي احنا مسكين البعد السياسي طبعا في بعد اجتماعي خطير جدا لهذا الموقع اللي هو الشق الاجتماعي ده اللي مهتمين به بره ودخل فيه شق امن قومي بالنسبة لهذه الدول الاستخبارات الخاصة بمواقع الفيس بوك لن بيبقي في عليها معلوما متداولة جميلة وسهلة وتقريبا بدون تكلفة احنا طبعا مش منتبهين للموضوع ده في مصر خالص إنما مسكين في الشق السياسي وناسيين حتي الشق الاجتماعي الخاص بقطاع كبير جدا بيخشوا علشان المواعدة وعلشان العلاقات الجنسية ولازم يبقوا واضحين وده اللي مش مطروح أساسا في الكلام دلوقتي احنا بنتكلم عن الشق السياسي لان الدولة أو الحكومة اترعبت لما حصل أزمة 6 ابريل هي جزء منها بيدين الحكومة لا يدين المدونيين أو لا يدين الفيس بوك ليه لان اذا كان في مجتمع هش بالدرجة ان مجموعة تعمل موقع على الفيس بوك والناس تستجيب لها فتبقي دي أساسا قناة مش مطروحة
د عمرو عبد السميع : هي اذا كان اهتزاز قد حدث فهو حدث للأسطورة وليس للواقع ليس لتأثير المدونيين وإنما لهذا الشيء الغامض الذي لا نعرفه
أسامة خليل : ده جزء في جزئين في الموضوع التعامل الأمني مع الموضوع ده ان قوي فده اللي عمل رعب للناس لان الأمن نزل بشكل قوي على هذه المواقع ونزل على المجموعات الخمسة سته القيادات أو قيادات المجموعة الموجودة لما دعوا الإضراب 6 ابريل الناس خافت أساسا في ناس ملهاش علاقة بالجهاز ده أساسا ومتعرفش عنه حاجة مخرجتش ولدها لان حصل مع ده زي ما بقول لحضرتك الرعب الأمني مع وجود صحافة خاصة مهتمة بالموضوع أدت للموضوع حجم كبير فالناس ابتدت تهتم
د عمرو عبد السميع : يعني إيه أدت الموضوع حجم كبير يعني بالغت
أسامة خليل : اه بلغت طبعا
د عمرو عبد السميع : ما هو ده أسلوبها في كل حاجة
أسامة خليل :لقة في النهاية مكنش ممكن بدليل ان احنا بنتكلم ان في مثلا جماعة 6 ابريل احنا بنتكلم على ما يقرب من 100 ألف دخلوا لو ان ال 100ألف دول فاعلين في المجتمع أو هما داخلين بجد وهما مقتنعين باللي بيعملوه طيب ما كنا لقيناهم في الشارع
د عمرو عبد السميع : طيب هكلمك عن ال 100 ألف الفاعلين الي هم بيبقوا في إستاد القاهرة كلمني على الكورة بقي
أسامة خليل :هو ده الكلام لما جينا نتكلم عن الكورة كان لهم تاثير بمعني اية لان هنا الجماعات السياسية كلها جماعات مش مسيسة زي ما الدكتور قال هي أساسا حركات احتجاجية بالطبية وهو مجتمع محتج الناس أساسا معترضة على حاجات كثيرة فطبيعي جدا ان أي حركة احتجاجية طلما أنت مش هتتكلف حاجة مش هتنزل الشارع هتقعد على الشات وتروح كاتب كلمتين ويبقي ده الاحتجاج فطبعا ده تشوية للعمل السياسي أساسا ده في إطار غياب الاحزاب غياب المجتمع السياسي مش موجودين أساسا فناس بتكتب على الشات فتحولت لحركة احتجاجية إنما بقي لما تيجي في الرياضة أو في كورة القدم الموضوع مختلف ليه لان الناس دي عندها هدف انا بحب النادي الأهلي انا بحب النادي الزمالك انا عندي هدف الحكومة مش ضده
د عمرو عبد السميع : لكن دائما هم معترضين على سلطة الحكم وسلطة اتحاد الكورة
أسامة خليل : ده موضوع داخل الإستاد
د عمرو عبد السميع : ما هي نفس الفكرة
أسامة خليل : وأنت خارج الإستاد وأنت قاعد على الجهاز مفيش حد هيتبعك امنيا الناس مش قلقانا منك بعد كده هدف انك تشجع النادي الاهلي أو الزمالك ده هدف جميل الحكومة مش واقفة ضده مش هتعترض عليه
د عمرو عبد السميع : لكن لما التشجيع ده يأخذك للشغب
أسامة خليل : ده بقي اللي أتكلم عليه ان أساسا الجماهير بتتقابل في الإستاد دي مناطق التجمعات الشرعية أي مناطق ثانية مش مناطق تجمعات شرعية ما تسمحش بها الحكومة ومفيش أحزاب مفيش قوي سياسية مفيش مجتمع مدني نشط فمفيش تجمعات قوية الناس بتتجمع فيها فيتنقشوا إنما من خلال في هنا في الكورة في تجمع في حتة هتقعد فيها شرعيا هتخشها والأمن يحافظ عليك ويدخلك ويقعدك على كرسي أنت قدرت من خلال الجهاز الالكتروني ده الناس تنظم نفسها الناس قعدت نظمت نفسها احنا عندنا هدف اسمه النادي الأهلي أو عندنا هدف اسمه النادي الزمالك ابتدوا يتطورا من التشجيع الى جزء العنف بيقبي اللي هو العنف اللي مش قادر يعمله في مجتمعة اللي مجتمعة مش قادر يستوعب هذه الطاقة فقرر يطلع طاقة دي بالعنف وربما يكون عنف مشروع فوصلنا لمرحلة لما الناس بتجمع نفسها
د عمرو عبد السميع : اية حكاية العنف المشروع دي
أسامة خليل : العنف المشروع على اعتبار اللي أنت بتعمله بالإستاد
د عمرو عبد السميع : اذا كان وسيلة التعبير وسيلة عنيفة تبقي غير ديمقراطية تبقي غير مشروعة
أسامة خليل : انا بقول لك العنف مشروع اللي أنت بتعمله في مكان مشروع هو ده المشروعية
د عمرو عبد السميع : تقصد تقول في مكان شرعي الشرعي هو الذي يمتثل لأحكام القانون المشروع هي الذي يمتثل للرضا العام
أسامة خليل : انا قلت احتجاج مشروع انا أسف جو الإستاد أنت تقدر تشتم الحكم محدش يقولك حاجة محدش هيوقع عليك عقوبة الفكرة والخطورة فين بقي اللي هما ابتدوا ينظموا نفسهم ويجمعوا فلوس من بعض على اعتبار ان هما هيعملوا شكل للكيان اللي بيحبه وده مش معترض عليه والأمن مش هيتبعهم ابتدي يكرهوا بقي الآخرين ما هو مجتمع أساسا في عنف شديد في كبت شديد فابتدي يعبر عنه
د عمرو عبد السميع : ابتدي يعتبر الآخر ده هو المعارضة بالنسبة له
أسامة خليل : فاعتبر الأهلاوي ده معرضة فابتدي يحرقة في الشارع يعني تخيل مدي العنف ان إنسان عادي طبيعي جدا
د عمرو عبد السميع : عجز الأندية والقيادات الرياضية عن ان تستوعب هؤلاء يقول لك اية
أسامة خليل : لا مش عجز الأندية عجز المجتمع الأندية ملهاش علاقة الأندية عملت الدور اللي عليها وجابت المتش ولعبت كورة عجز المجتمع
د عمرو عبد السميع : علاقتها بجماهيرها دي اية أليست علاقات توجيه ليست نشر لمناخ معين يعني انا لما النادي واعترض على كل قرارات الحكام وقعد اعترض على كل قرارات اتحاد الكورة أليس هذا فعل للناس لممارسة نفس السلوك انا مش قصدي على نادي بالتحديد ولا حاجة
أسامة خليل : لا قصدك على نادي بالتحديد الله هو حس عداوة اللي هو حس ان الناس كلها بتكرهه لية من فكرة ان هو بقي السيد
د عمرو عبد السميع : طيب يالا يا دكتور مينا
مينا ذكري : دكتوري ليلي ذكرت والدكتور على ذكر ان احنا جيل مختلف اعتقد ان ده مفتاح مهم جدا لفهم الإشكال بتاعت الموضوع اللي احنا بنتناقش فيه المشكلة بتاعت الجيل المختلف ان بيبص على الأشياء بطريقة وجهة نظر تانية فأنت بتشوف الفيس بوك بتشوف المدونات بتشوف المحتوي الاليكتروني اللي موجود على الشبكة العنكبوتية اللي هي شبكة الانترنت وكانك نفس المنطق اللي بتشوف به مقال المنطق اللي بتشوف به برنامج في التلفزيون أو محطة فضائية ده مشكلته اية ده مشكلته انه اختلاف الوسط أو اختلاف الوسيط اللي احنا بنتكلم عنه بيتطلب طريقة رؤية مختلفة وبالتالي متقدرش احكم على فكرة انه الخضة دي نفسها اللي بيتخضها الناس الأكبر سنا شوية باعتبارها حاجة مظبوطة أو باعتبارها
د عمرو عبد السميع : أنها ظاهرة صحية
مينا ذكري : أنها ظاهرة صحية لا هو في الحقيقة انه طريقة انك بتشوف الحاجة ازاي يعني فكرة ان في محتوي في إشاعات أو في معلوما غير دقيقة الدكتورة ليلي بتحذر من المعلومات اللي موجودة على الانترنت طيب من اللي قال ان المعلومات الي في الجرائد سواء حكومية أو بعض الجرائد الخاصة
د عمرو عبد السميع : هي نفسها قالت حتي المعلومات اللي في الجرائد برضو مش دقيقة
مينا ذكري : يعني حتي الناس العامة بيقولوا متصدقش الموضوع ده ده كلام جرائد لكن مفيش هذا الفزع من وجود ناس بتكتب في الجرائد يعني ما شفناش كم من التنظير المجتمعي
د عمرو عبد السميع : ربما لان ده خارج السيطرة خارج التحكم
مينا ذكري : بالظبط اذن القضية كلها هي مناخ القهر اللي احنا عايشين فيه اللي بيخلي وجود فئة مش بتعمل صحافة مش بتعمل إعلام لكن تعبر عن رايها بشكل ملوش حدود ومش تحت السيطرة شيء مرعب جدا وده يأخذنا للفكرة بتاعت 6 ابريل والنشاط بتاع الفيس بوك أولا مفيش حاجة اسمها جماعات الفيس بوكيين مفش حاجة اسمها جماعات المدونيين هذه التصنيفات اللي بناخذها ونحطها على مائدة التنظير هي في حد ذاتها جزء من طريقة الرؤية اللي هي غير مواكطبة أو غير ملائمة
د عمرو عبد السميع : غير مرتبطة
مينا ذكري : غير ذات صله بالواقع الحقيقي يعني إيه يعني مفيش حاجة اسمها واحد بيشتغل فيس بوكاوي مفيش حاجة اسمها صنعته مدون انا راجل اه صاحب مدونة وبدون
د عمرو عبد السميع :أنت دكتور في اية
مينا ذكري : انا طبيب ممارس عام وبعمل في المجال الحقوقي شغال مسئول إعلامي في احد المؤسسات الحقوقية ده مثالي مفيش شغلتة مدون اذا كان في حد بيستخدم المدونة أو بيستخدم موقع الكتروني في عملية صحافة الكترونية وده بشكل مهني أو بشكل ان ده شغلته اللي بيأكل منها عيش دي قضية ثانية طيب لما ارجع بقي ل 6 ابريل لما ارجع للناس اللي بتعبر على الفيس بوك أو المدونات بشكل خارج عن السيطرة الدولة بتشوف ده ازاي الجيل الجديد
د عمرو عبد السميع : بس الدولة ليه دائما أنت مخيل هذا الكائن الافتراضي اللي اسمه الدولة انه يتعقب الناس وقاعد باصص عليهم طول الوقت طيب ما المجتمع بيبص طيب ما المتطرفين بيبصوا
مينا ذكري : حزب التجمع بيبص اللي هو المعارضة
د عمرو عبد السميع : الله يكرمك
مينا ذكري : الفكرة هنا فين ان احنا النظام العام في مصر حكومة ومعارضة بيبص على ظواهر جديدة
د عمرو عبد السميع : ايوة كده حكومة ومعارضة علشان نبقي بيتكلم كلام الناس تصدقنا فيه تحبنا ولا اية يا دكتور مينا احنا عاوزين الناس تحبنا يا دكتور مينا علشان اية مش من البداية كده نبقي متصورين ان الكائن اللي اسمه الدولة وان لدينا معركة فظيعة معاه لا احنا معركتنا مع تخلف المجتمع
مينا ذكري : أوضح بس الجزئية اللي بتكلم فيها
د عمرو عبد السميع : وضح يا دكتور مينا
مينا ذكري : طيب النظام العام المؤسسي ده سواء مؤسسات أحزاب سلطة بيبص على الأمر اللي خارج عن السيطرة بيتخض تمام الدولة بقي كجزي من النظام العام
د عمرو عبد السميع : الدولة اللي هي بقي اية الدولة اللي هي الحكومة والمعارضة والمؤسسات هذا بحكم التعريف
مينا ذكري : خلينا أقول لك الدولة بمفهومها المختزل جدا اللي هي الجهاز الأمني تمام
د عمرو عبد السميع : يبقي أنت بتتلكم عن شيء أخر
مينا ذكري : حلو قوي الجهاز الأمني اللي انا بقول عليه الدولة بالخطاء ده تعامل مع الأمر بفزع شديد جدا
د عمرو عبد السميع : تضحكي علي اية يا أمينة مناقشة حرة مواطن شريف مع مواطن شريف اية في اية في اية
مينا ذكري : هو مبدئيا كويس انك شايف انه مواطن شريف دي حاجة حلوة
د عمرو عبد السميع : لا مواطن شريف طبعا وموحد البوكين
مينا ذكري : هذا المواطن الشريف بيتم التعامل معاه بفزع شديد لأنه الجهاز الأمني اللي انا قلت عليه الدولة على رأسه بطحة فبدأ يشوف هذه الجماعة اللي اسمها فيس بوكيين أو 6 ابريل باعتبار انه خطر يتهدد السلطة
د عمرو عبد السميع : يعني إيه على رأسه بطحة يا دكتور
مينا ذكري : اللي هو السؤال اللي حضرتك سألته من شوية وقلت لماذا تستشعر الدولة خطر يتنهدد سلطتها أو ان سلطتها تهتز أمام الفيس بوك
د عمرو عبد السميع : ما ده ما اسمهوش بطحة وده يتفق مع ما ذكره أكثر من مرة الضيف على المنصة عن مجموعة الإخطار الاجتماعية والأمنية والمخابراتية اللي ممكن تنتابنا جميعا يعني انا لا انتمي لهذا الجزء من الدول اللي حضرتك تتكلم عليه ومع ذلك استشعر إخطارا أمنية ومخابراتية بالفعل
مينا ذكري : هنا محتاجين نفهم برضو تاني جزئية مهمة ممكن اشرب كوبية مية
د عمرو عبد السميع : ممكن أشربك كوبية مية شربوه
مينا ذكري : ريقي نشف اه أصله كان بيسيب كل واحد يتكلم وجه عندي وبدأ يحقق معايا إلا أنت بداية علاقة كلهم مروا بالمرحلة دي معايا قبل كده عارف كما يستقبل النزلاء الجدد في السجون
مينا ذكري : دكتور عمرو حضرتك كنت بتشال سؤال مهم جدا بتقول لماذا تشعر الدولة ان سلطتها تهتز أمام الفيس بوك تمام أتكلمت عن الدولة اللي انا اختزلتها وقلت جهاز الأمن
د عمرو عبد السميع : لا ما هو ده اختزال خاطئ أتكلمت عن الدولة بمعني الحكومي والمعارضة والمجتمع المدني بمعني الاهتزاز قدام الإخطار اللي احنا ذكرنا كلها سواء كانت أمنية أو سياسية أو اجتماعية أو أخلاقية أو تطرفية
مينا ذكري : الدولة اللي هي اهتزت أو شعرت باهتزاز سلطتها أمام ناس بتعبر بشكل خارج عن السيطرة ده سؤال ده هو المحور الأساسي اللي محتاجين طول الوقت نركز علية
د عمرو عبد السميع : مش بس بتعبر ما يدخل في هذا النطاق نشر المعلومات نشر اخبار تحريض غير مبني على أسس دقيقة كل ده يخش في
مينا ذكري : حلوة قوي
د عمرو عبد السميع : دي أخر حلوة قوي علشان فاضل ليك اخر 30 ثانية يالا خش قول فكرتك يا دكتور
مينا ذكري : حلوة قوي دلوقتي في هشاشة تعاني منها المؤسسات اللي بتتكون منها الدولة تمام هذه الهشاشة الضيوف عبروا عنها بأكثر من شكل لما قالوا الفراغ السياسي لما قالوا
د عمرو عبد السميع : والمؤسسات التي يتكون منها المجتمع المدني ومنها الآسرة
مينا ذكري : تمام الفراغ السياسي الفراغ الحزبي بدأ والفراغ الفكري والفراغ الإعلامي واللي بدنا نقول أو حاجة هل مدونات هل الفيس بوك بديل للأحزاب هل هو بديل للأعلام أو علام بديل طرح فكرة البدائل في ذاتها بتجاوب على سؤال حضرتك هو لية الدولة بتهتز لية المجتمع اللي أنت بتقصده بيستشعر الخطر ده من هذا الوسيط
د عمرو عبد السميع : لان الوسيط ده بيدور على بدائل مش كده
مينا ذكري : لأنه في حالة فراغ إعلامي في حالة فراغ سياسي في حالة فراغ حزبي السبب في ده اية يعني انا مقدرش انا النهاردة اللوم على الاحزاب أنها تم تجويفها أو أنها أصبحت غير فاعلة أو غير مؤثرة في الشارع أو أنها لا تستطيع ان تستقطب الشباب ولا تستطيع الوصول للناس في الشارع لكن اقدر اللوم من حصر الاحزاب الي ان وضعها في هذه الحالة من عدم الفعالية
د عمرو عبد السميع : الشباب اللي عاوز يقوم يسال قوم اقفوا
هيثم الشرابي اتحاد الشباب التقدمي حزب التجمع : في البداية انا ضد الكلام اللي أتقال على الفيس بوك أو النت هو بديل للأحزاب أو حتي يبقي بديل اعلامي هو للأسف اذا حد تابع 6 ابريل السنة دي والسنة اللي فاتت أو حد بيتابع المدونات بشلك ما ما هي الا وسيط الاحزاب بتقوم بعمل مكون من الحشد والتعبئة والتنظيم والتحرك اللي حصل وإحنا شوفناه كلنا ان لا كان في حشد ولا كان في تعبئة ولا كان في تحرك كل الفكرة ان حد قاعد على النت بيقول يا جماعة في إضراب وقابلني في الشارع أو قابلني في البيت انا نفسي بقيت قاعد مش عارف انزل الشارع ولا أفضل في البيت وبالتالي اعبر ازاي عن هذا اليوم الامر الثاني ان هناك أحزاب تقريبا انا تعاملت مع غالبية الشباب اللي هما بتوع الفيس بوك وبتوع 6 ابريل لما سألتهم سؤال حد فيكوم داخل الاحزاب اكتشفت ان هناك معلومات سابقة أو زي ما بيقولوا معرفة سابقة عن ان الاحزاب لا تفعل شيء مفيهاش حركة طيب ما تخش الحزب وتبدأ تتعامل معه وتفعل اليته وهنا عايز نستخدم الفيس بوك استخدمه عايز تستخدم النت استخدمه لكن هو عنده معلومات مصدرة ومش عاوز يشترك خالص السؤال بس الخاص بما أثير حول قانون حرية تداول المعلومات في مصر احنا بقي لينا سنة بنتكلم في هذا القانون والى الآن احنا مش عارفين لا يطرح ولا يتم التعامل معه بواسطة المجتمع المدني والأحزاب
د عمرو عبد السميع : وده ممكن اللي يعصم من ان الناس تتأثر بالمعلومات غير دقيقة هنا أو هناك
هيثم : انا بقول ان التخوف عندي ان ممكن في لحظة نتفجاء بقانون حرية تداول المعلومات طالع من غير ما نعرف هو اية ونبدأ نحجم كل هذه الحريات
د عمرو عبد السميع : تمام زميلك
عماد محمد فرج حزب التجمع : الشباب ابتدي يتجه الى الفيس بوك في ظل غياب الحرية في العمل السياسي داخل الجامعة احنا عندنا اللائحة الطلابية تمنع العمل السياسي والحزبي داخل الجامعة انا كشاب يبقي عندي في بطالة انا عارف ان انا طالع على بطالة وتقريبا المستقبل غامض شوية ويبتدي انا عاوز اعبر عن وجهة نظري في ظل الوسائل العادية داخل الجامعة ده مش موجود فانا اضطر ان انا الجأ الى الفيس بوك لأنه انا حر بكتب اللي انا عاوزة
د عمرو عبد السميع : أنت لا تشعر بالحرية دي في حزبك
عماد : اشعر بالحرية في حزبي بس انا في الجامعة لا اشعر بها انا مقدرش أقول وجهة نظر حزبي
د عمرو عبد السميع : يعني نفس وجهة نظر الدكتور رفعت ان نتيجة عدم قدرتك عن التعبير في الجامعة مثلا برتوح للحزب
عماد : بوصل وجهة نظري للناس ازاي وانا مش قادر اكلم شباب الجامعة اللي هما أساسا قادة المستقبل السؤال بقي احنا هفضل لمتي احنا في القرن ال 21 لمتي هنفضل مش هنشتغل سياسة في الجامعة
د عمرو عبد السميع : تمام زميلتك
هبه الله سعد حزب التجمع :
د عمرو عبد السميع : برضو جاي وجايب جمهورك معاك
د رفعت السعيد : في بنات احلي من كده
هبه : انا بتنكلم عن فكرة واحدة اللي هي هيخليني الجأ لحاجة تانية وشايفة ان الجرائد والأخبار بتديني كل الأخبار صح احنا دلوقتي في القرن ال 21
د عمرو عبد السميع : يعني أنتي حددتي الاستخدام بتاع المدونات والفيس بوك حددتية فقط في انه وسيلة في انك تعرفي الأخبار مش في حاجة اسمها التواصل بينك وبين الآخرين
هبة : أكيد أكيد بس هتجيب لي اخبار الدنيا صح انا عايزة انمي عقلي عايزة اكبر عايزة افكر صح
د عمرو عبد السميع : كلية اية
هبة : انا في كلية لغات انا عايزة ابتدي افكاري تبقي صح تبقي محددة طيب انا الجرائد مش بلاقي فيها حاجة صح أو مكن تكون صح بس مقطوع نصفها عاوزة كمان أدي رأيي مين يسمع لي مين يديني راية مين هيطلع رأي الناس أو راي الناس التانيين فين اضطر إني أروح للفيس بوك
د عمرو عبد السميع : تمام زميلك
طاهر على رياض قيادات شبابية
د عمرو عبد السميع : يعني اية
طاهر : يعني جزء داخل المجلس القومي للشباب نشاط من خلاله يبقي في حاجة اسمها إعداد قادة وتعليم مدني وحاجات زي كده طبعا انا بشكر السادة أعضاء المنصة الموقرين
د عمرو عبد السميع : متشكرش حد خش في الموضوع
طاهر : عايز أقول بس حاجة بسيطة أصبح الفيس بوك دلوقتي لبعض الناس اللي هي تتصورة دعاية وإعلان يعني احد البرامج واحد الصحف القومية بتأخدة إعلان بتنزل لها جروب بتقول انا جري لي كذا مش عارف اية تعليقاتكم على الحاجة دي اية والكلام ده كله
د عمرو عبد السميع : يعني محاولة حشد أنصار ده مش اسمه دعاية وإعلان ده أسلوب مشروع جدا في أي عمل سياسي وفي أي درجة ومستوي
طاهر : بس هو بيأخذة بطريقة بأسلوب دعاية وإعلان
د عمرو عبد السميع : يعني أنت متصور ان العمل السياسي لازم يتم في الخفاء زي الحسنة المخفية كده
طاهر : بقي انا عاوز أقول ان اذا كان تصور الفيس بوك بيهز الحركة السياسية مش عاوزين نتكلم على الحركة فنية أو رياضية وخلافة بس انا شايف الموضوع اللي بيتكام فيه بيهز حركة سياسية بيهز نظام فدلوقتي احنا عاوزين نتلكم عن الفيس بوك بيهز حركة سياسية بس ولا علشان بيهز حاجات تانية
د عمرو عبد السميع : تمام زميلك
على محمد على ليسانس حقوق قيادات شبابية في المجلس القومي للشباب : أول حاجة انا متفق مع الأستاذة مينة اللي قالت ان الشباب الفيس بوك اكثرهم يبقوا مرفهيم عن الشباب الآخرين لان انا مش واحد اللي محتاج يقضي يومه والكلام ده كله انه يقعد ما لا يقل عن ساعتين أو ثلاثة على الفيس بوك أو الكلام ده كله يكون مجموع الشهر ده كلة هيبقي مبالغ بالنسبة له صعبة النقطة الثانية عدوا ولا حبيب زي ما الدكتور شاهين قال هو
د عمرو عبد السميع : الدكتور جمال مختار
على : دكتور جمال مختار انا أسف المهم اللي هو زي كل حاجة زي التليفزيون وزى كل حاجة أو زي السكينة يعني ممكن تستخدمها في حاجة مفيدة وممكن تستخدمها في حاجة مضرة الحاجة الثانية للدكتور رفعت ان ليه الاحزاب وحزب التجمع بالأخص لان حزب التجمع اللي هو ينشر فكرة وينشر المبادئ بتعته وينشر الأهداف بتعته على الفيس بوك وما يستغلش الفيس بوك يستثمره في صالح الحزب اللي هو ينشر عليه المبادئ أو الكلام ده كله وانا ضد الفيس بوك ممكن يغني عن الاحزاب لان الحزب لازم يكون له
د عمرو عبد السميع : زميلك زميلك
محمد كمال بكالوريوس تجارة : كنت عاوز اعرف من حضرتك ازاي نتغلب على سلبيات الفيس بوك ازاي نقدر ننمي ايجابياته
د عمرو عبد السميع : مش مني بقي من الضيوف زميلك
محمد : وبعدين بس عاوز أسئل على حاجة حضرتك استخدمت تعبير الفيس بوك عدوا ولا حبيب لا هو احنا عاوزين نسال سؤال أحسن الفيس بوك سلبياته أكثر ولا ايجابياته أكثر
د عمرو عبد السميع : أنت شايف ان ده مختلف عن ده في اية
محمد : حضرتك حددت يا عدوا يا حبيب لا احنا عاوزين نعرف اية الأحسن
د عمرو عبد السميع : عايز مسئلة تفصيلية عناصر ايجابية عناصر سلبية أنت عندك حق زميلك
إسلام عمران ناصف طالب طلية حقوق جامعة عين شمس : بسال لية ما بنشعرش بدور الدولة غير في المسائل اللي بتمس الحكم لكن في المسائل الأخرى مثل المسائل الأخلاقية أو الثقافية ما بنحسش بدرو الدولة فيها
د عمرو عبد السميع : تمام زميلك
مصطفي ممدوح حاصل عبى ليسانس شريعة وقانون : قراءة منشط في الدستور كان بيتكلم عن واحدة في الفيس بوك بتتكلم على نسبة العنوسة في مصر
وازاي وصلت لمرحلة عالية جدا المهم انا كنت قراءت برضو في صحيفة مغربية عملوا حاجة اسمها وزارة للزواج انا متهيئلي الموضوع ده طرح ومنلش استحسان من المسئولين ياريت حضرتك توضح الكلام ده صح ولا خطاء برضو
د عمرو عبد السميع : يعني أنت بتتكلم على العنوسة ولا وزارة الزواج
مصطفي : الاثنين ما هو دي مرتبطة بده
د عمرو عبد السميع : في بحوث في المراكز البحثية المصرية الكبيرة زي المركز القومي للدراسات الاجتماعية هتلاقي في دراسات عن العنوسة يمكن هي الدستور نشرت ده متأخرا كثيرا عدة سنوات ربما عقد من السنوات عن البحث الأول المهم اللي أتعمل في هذا المركز لازم تقراءة من عدد من المصادر قبل ما تكونوا وجهة نظر زميلك
إسلام محمد تظم معلومات : انا شايف الفيس بوك ده الحاجة الوحيدة اللي بتديلنا حريتنا في مجتمعنا مفيش حد تاني بيدينا حريتنا ده اللي انا شايفة
د عمرو عبد السميع : أنت لازم حريتك حد يديهالك
إسلام : لا احنا اللي بنديها لكن هي دي الحاجة الوحيدة اللي بتوصل لنا حريتنا د عمرو عبد السميع : يعني أنت شايف ان لجوءك للفيس بوك اهو انك تاخذ حريتك أي وسيلة أخري وحد تاني اللي بيدي لك حريتك تمام زميلك
مي عصام من شباب حزب التجمع : دلوقتي احنا بنتكلم ان الحكومة لها معارضة هل هيصبح الفيس بوك معارض ايضا ولا لا
د عمرو عبد السميع : أنتي شايفة اية قولي لنا
مي : انا شايفة ان هيظهر لينا معارض وهنضطر ان احنا نقول نقفل الفيس بوك علشان جايب لنا وجع قلب وجايب مشاكل كثير
د عمرو عبد السميع : ينفع الكلام ده هو انتي أول ما يظهر لك معارض تقفلي طيب افرضي ظهر ليك معارض لحزب التجمع تقفلي الحزب
مي : لا مش هقفله احنا بنواجه دلوقتي مشاكل احنا بنقول عاوزين نجدي برأينا واحنا عاوزين نقول احنا بنعمل اية واحنا عاوزين اية بنقلها عن طريق نكتبها ان كانت قصيرة نكتبها كده سياسية أو اجتماعية أو رومانسية أيا كانت أو بنكتبها على اللي بيدور في زهننا بكتبها وبقول واستني صحابي هيقولوا عليها اية هل ده هيبقي معارض لفكر البلد بتاعتي
د عمرو عبد السميع : تمام زميلك
ابراهيم السيد حزب التجمع : بس ان انا كنت عاوز اعلق على جزء صغير الفيس بوك مش هيغني عن الحزب ان هو وسبلة بسيطة للتقريب للناس اية هو الحزب وأية أفكاره دلوقتي لو جيت تقول لاي حد في حاجة في حزب التجمع أو حاجة زي كده يقول لك حزب مليش دعوة
د عمرو عبد السميع : تفتكر السلطة التنظيمية للحزب اقوي ولا السلطة التنظيمية للرابطة التي تنشا حول الفيس بوك في ثانية يا دكتور مينا قول لي
مينا ذكري : التنظيم شيء مختلف عن ان افراد تكتب على شبكة الانترنت وهي دي النقطة اللي محتاجين نفهم الفرق بينها المدونين الفيس بوك مش تنظيم وبالتالي هو مش مطلوب يبقي تنظيم
د عمرو عبد السميع : انا بقول سلطة الرابطة الاجتماعية الناس اللي بتتجمع حلو الفيس بوك وسلطة التنظيم في الحزب
مينا ذكري : شبكة الفيس بوك كشبكة اجتماعية مينفعش ان احنا برضو نحللها بنفس المنطق اللي بنحلل به السياسيين
د عمرو عبد السميع : اللي هما الفيس بوكيين اللي أنت قولت هما دول
مينا ذكري : مفيش حاجة اسمها كده احنا في الأخر بنتكلم على إفراد يمكن يلتقوا حول قضية ما حسب اهتمام معين وممكن يختلفوا في بقية القضايا تلاقي شباب اليسار مختلفين مع شباب الإخوان المسلمين في قضايا كثيرة جدا أساسها الايدولوجي هتلاقي نفس الشباب دول يتفقوا على النظام الحاكم ويمكن هتلاقيهم بينزلوا في مظاهرة واحدة مع بعض بهدف مثلا التعديلات الدستورية اللي بعدة
إسلام ابراهيم تجارة عين شمس : رئيس حزب التجمع أتكلم على ان الحزب الوطني مش قادر انه يحتوي إفراد المجتمع علشان كده لجأؤ للفيس بوك حزب التجمع الأول لو كان يقدر يحتوي أو باقية الاحزاب حد فيهم يقدر يحتوي مكنش أتعمل الفيس بوك أساسا لكن مش بشرط الحزب الوطني ودلوقتي انا شايف ان مفيش أي حزب في مصر يقدر ان هو يحتل مكان الحزب الوطني لكثر من سبب لان هما ذات نفسهم يتصارعوا مع نفسهم زي ما حصل في حزب الغد وفي أحزاب ثانية وفي أكثر من حاجة انا شايف ان مينفعش مهاجمة الفيس بوك اللي هو عمل أكثر من حملة زي حملة احترم نفسك اللي هي أفضل حملة في السنة اللي فاتت
د عمرو عبد السميع : من وجهة نظرك
إسلام : ايوة وهي حملة ضد التحرش وحملات ضد التدخين وحملات كثيرة جدا حصلت على الفيس بوك فمينفعش ان احنا نهاجمة في أي حاجة زي دي
د عمرو عبد السميع : تمام زميلك
احمد عبد الحكيم عبد الغني كلية اقتصاد وعلوم سياسية جامعة القاهرة : انا اوجة السؤال للدكتور رفعت السعيد بالأخص على أساس ان هو رئيس حزب التجمع وإحنا عارفين ان النظام المصري قام على التعددية الحزبية والأحزاب كلها الموجودة في مصر ما بتعملش حاجة إلا أنها تعارض الحكومة يعني مش مرتبطة بالشباب كل اللي تعمله أنها تعارض الحكومة وخلاص
د عمرو عبد السميع : هو الشباب مفيش فيه معارضة
احمد : ماشي انا عاوز الاحزاب مش متوصلة مع الشباب مفيش برنامج خاص بالشباب يعني الحزب الوطني عامل أمانة تثقيف للشباب وأمانة الحزب
د عمرو عبد السميع : يعني أنت تقصد علاقات الاحزاب دي بالشباب جواها فيها مشكلة
احمد : ايوة وإحنا
د عمرو عبد السميع : أنت عارف لو عندها مشكلة بالشكل ده يبقي عندها مشكلة عامة لان الشباب هو حزب الأغلبية في هذا البلد أنت بتتكلم عن ناس اللي هما تحت الثلاثين سنة 60% من تعداد السكان
احمد : يعني انا واحد مش عارف حزب التجمع بيتكلم عن اية
د عمرو عبد السميع : طيب ده عيب حزب التجمع ولا عيبك
احمد : انا مش عتارف الاقية فين
د عمرو عبد السميع : يلاقية فين يا دكتور رفعت
د رفعت السعيد : أولا هتلاقية على النت ثانيا تشتري يوم الاربع جريدة الاهالي هتلاقي فيها افكار حزب التجمع أنت انا عايز أقول حاجة أنت تستسهل النضال السياسي ومحاولة تغيير المجتمع ومحاولة خدمة هذا الوطن تطلب منك قدر من الجهد علشان تحس انك مواطن مصري تحب هذا البلد وتريد ان تغيرة مش بانك تخاطب نفسك أو تخاطب من تشأ من الفيس بوكيين وإنما من اجل ان تغير هذا المجتمع الى الأفضل
د عمرو عبد السميع : كمل عندك 30 ثانية
احمد : يا دكتور رفعت في حزب مصر العربي الاشتراكي ملوش موقع على النت فازاي يعني الاحزاب تستغل الفيس بوك بالاقبل الشديد بتاع الشباب علشان توصل التوعية للشباب وكده
د عمرو عبد السميع : إجابات وتعقيبات المنصة كل واحد في حضراتكم لو سمحتوا له دقيقتين ونصف دكتورة ليلي عبد المجيد اتفضلي
د ليلي عبد المجيد : انا لي تعقيبات صغيرة أولا عايزة أصلح حزب مصر العربي الاشتراكي مفيش حزب كده دلوقتي ده اتلغي
د عمرو عبد السميع : ده كان أصل الحزب الوطني الديمقراطي زمان
د رفعت السعيد : لا في حزب مصر العربي
د ليلي عبد المجيد : مفيش اشتراكي في بعض الملاحظات السريعة اولا حكاية ان مفيش دراسات عن الفيس بوك دلوقتي لو انها انطباعات لا بدأ يبقي في تراكم بحثي وعلمي حول مش بس الفيس بوك ولكن الصحافة الالكترونية والاعلام الالكتروني بشكل عام وما بقتش مجرد انطباعات دي النقطة الاولي ثاني حاجة ان اختلاف الوسيط يتطلب رؤية مختلفة بالضرورة حتة في تنوع تنوع للوسائط والقنوات ده شيء مطلوب جدا ومفيش حاجة تلغي حاجة يعني كلة موجود بس نغير ونطور من نفسنا انا بس عاوزة أقول ان ده دخل 100ألف على كذا دي برضو رقم انظر له بحذر شديد لان ممكن الفرد الواحد يدخل عدة مرات ياسماء مختلفة وصفة مختلفة وكانة يتحسب من ال 100ألف
د عمرو عبد السميع : زي اللي بيروح الانتخابات يدلي بصوته لأكثر من حد
د ليلي عبد المجيد : ولذلك احنا في استطلاعات الرأي اللي بتم على النت بنقف أمامه شوية وبنتردد لان مش عارفين فعلا الشخص ده صوت مرة ولا أكثر يعني برضو دخلت في الحتة دي انا باكد على ضرورة ان احنا المطالعين والمتابعين للوسائط الجديدة ناخذها انا باعتبرها أكثر من وسيلة تعبير عن الراي وده شيء مطلوب ويشجع عليه جدا لكن ماخذهاش كوسيلة حصول على المعلومات أو الأخبار أو الإحداث اللي أكون منها مواقف واتخذ أو أكون عندي اتجاهات ومواقف اخذ بها اعمل اية رد فعل
د عمرو عبد السميع : النقطة السريعة الأخيرة
د ليلي عبد المجيد : لا معلش بس ثانية واحدة
د عمرو عبد السميع : ايوة قولي لي يا دكتورة ليلي
د ليلي عبد المجيد : بالنسبة لقانون تداول المعلومات فعلا انا اعتبر ان ده مهمم جدا وملح
د عمرو عبد السميع : النقطة اللي اثارها هيثم
د ليلي عبد المجيد : اه لان ده مشروع قانون حرية تداول المعلومات يبقي حق المواطن في انه يحصل على أي معلومة مش بس وسائل الاعلام فدة يعمل لنا مشكلة كبيرة جدا وضرورية يقلل بقدر كبير من الشائعات والأخطاء المقصودة وغير المقصودرة بالنسبة لغياب العمل السياسي والحزبي داخل الجامعة اه مفيش عمل حزبي داخل الجامعة لكن النشاط السياسي له اشكال مختلفة وانا بقول يمكن ان معرفش انا بتكلم عن كليتي وحضرتك يا دكتور عمرو حضرت معنا ندوات ونقشت مع الطلاب مفيش أي راي سياسي يحجب وينماقش بس ده حسب بقي يمكن حالات سياسات يمكن طريقة مختلفة اصحاب الكليات عندها ده معندهاش
ده معرفش
د عمرو عبد السميع : ده طبيعة خاصة بكلية الاعلام لانها كلية أساسا
د ليلي عبد المجيد : احنا عندنا كل الافكار تقال بدون أي حذر وده شكل من إشكال العمل السياسي لا بالعكس بنشجع الطلاب على كده
د عمرو عبد السميع : تمام اخر نقطة يا سيادة العميدة
د ليلي عبد المجيد : طيب اخر نقطة معلش يا دكتور عمرو انا اخر نقطة عاوزة اختم بها ان في الأساس فكرة الفيس بوك ظهرت ازاي ظهرت من طلاب جامعة هارفرد شباب في جامعة هارفرد كانت وسيلة للتواصل الاجتماعي لان يمكن عندهم مشكلة في التواصل الاجتماعي احنا عندنا حولناه بالعكس يمكن معظم الحوار دار على انك بتكلم عنه كوسيلة للتعبير السياسي مش كوسيلة للتواصل الاجتماعي وده يمكن يخلينا نبص اختلاف المنظور لما احنا مصر على فكرة من أكثر دول المنطقة العربية استخداما للفيس بوك دي حاجة كويسة وايجابية لكني عاوز اننا فعلا زي ما قال السؤال ازاي ننمي الايجابيات ونقلل السلبيات التجربة هتفرز نفسها وتطور نفسها وكل اللي بيدخلوا على الفيس بوك دلوقتي يبتدوا يكونوا لنفسهم بشكل مختلف زي ما قالت أمينة وانا اتفق معاها ان احنا مش عاوزين ننظر للشباب ولا لاي مواطن على انه قاصر ومحتاج وصاية لا هنطور نفسها بس وتتحاور مع بعض
د عمرو عبد السميع : دكتور جمال مختار
جمال مختار : اوكي انا بتكلم عن اللي قالته الدكتور ليلي ما هو الفيس بوك علشان بس ارد على اسلام هو متعملش علشان في مشكلة في الاحزاب وطلع الفيس بوك لا الفيس بوك هو نادي اجتماعي بلا أصوار وبرد على حضرتك وقول لك اية المشكلة عندنا هو بلا أصوار ودي مشكلة كبيرة قوي في الموضوع احنا الشباب تعامل سياسيا معاه لية علشان بقي في تجاوب اللي انا بقولة حد بيسمعة ويرد علية فالجرائد الالكترونية والجرائد العادية مش هتعمل كده ان النهاردة لما بقول أي كلمة بقولها وبكرة القي 15 ألف واحد يرد علية فهي دي حاجة من الحاجات اللي خلت الشباب مش لقي البديل ومش عارف يتعامل ازاي مشكلة الكبار أنهم معرفوش يخشوا للشباب مطلعوش مثلا SMS في برنامج حزب التجمع أو في حاجة على الايمل جت تشرحة حاجة علشان نخش ونتفاعل بهذا الشكل الفيس بوك التطور الطبيعي للانترنت الانترنت دي تطورت الي مشروع الفيس بوك أو كنا نادي بلا اصوار ان في مشاكل كبيرة وفي اختراقات كثيرة لخصوصية الفيس بوك والمرحلة اللي احنا فيها دلوقتي عاوزين نقول اذا كانوا قعدوا مفيش وعي
د عمرو عبد السميع : اللي هي الايجابيات والسلبيات يعني
جمال مختار : طول ما فيش وعي وبرد برضو على مي وطول مفيش وعي مفيش لوجو ومفيش تبصير بالمشاكل التي قد تنتج من الفيس بوك يبقي الفيس بوك عدوا خطير جدا طول ما احنا متهمين احنا داخلين على اية بيبقي مفيش مشاكل خالص الفيس بوك احنا في مرحلة حالية احنا عندنا مشكلة احنا نعتبر ان جزء كبير جدا انعدم فهم الشعب للفيس بوك ده اللي هو العدو مش صديق الدولة ما كنتش عارفة يعني اية فيس بوك دي مشكلة كبيرة جدا اللي حصل في 6 ابريل اية نصف الناس مكنوش عرفين الفيس بوك والنصف الثاني كان مستهلين وبعدين لما انكشف
د عمرو عبد السميع : وعدوك هو ما تجهلة
جمال مختار : لما انكشف بقي حب كل واحد بقي بيان انه فهم فبسرعة راح قابض على الناس وعامل دعاية اللي حصلت لا انا فاكر كويس قوي والدليل اللي حصل للناس الشدة دي بس في ناس كثير جدا ماكنتش عرفة يعني اية فيس بوك قبل 6 ابريل فدة من الحاجات اللي خلت الدولة ان احنا نبص للموضوع
د عمرو عبد السميع : اذا كنا بنتكلم عن الأداء الحكومي ففي هذا التوقيت ايضا ظهر في الخطاب بتاع عدد من الأجهزة الحكومية وجهة نظر مخالفة خالص لموضوع الاستنكار للفيس بوك أو العداء مع الفيس بوك
جمال مختار : وبعدين لا يفل الحديد الا الحديد فين الجروبات بتاعة الحكومة فين دار الإفتاء مش محطوطة على مش عاملين ليه مناسك الحج والعمرة وعملين كل حاجة
د عمرو عبد السميع : غياب دار الافتاء بيطلع بقي فوضي الفوبيا اللي حاصلة
جمال مختار : لية مفيش جروب لدار الإفتاء لية مفيش للأزهر لية مفيش للحزب الوطني لية مفيش جروب لوزارة الداخلية عاوزين تبقي وزارة الداخلية في جروب ونتكلم معاها جروب للمرور فتشتكي تقول مشاكل المرور تطلع المشاكل اللي احنا بنعانيها دي
د عمرو عبد السميع : طيب والله توصية مهمة جدا وزارة الداخلية لازم تعمل موقع علشان الناس تقدر تتكلم معاه
جمال مختار : يا عمرو بية
د عمرو عبد السميع : إنما مش بية
جمال مختار : يا عمرو باشا
د عمرو عبد السميع : مش باشا
جمال مختار : طلع اوباما طلع بنصف تكاليف الحملة بسبب الفيس بوك يعني نصف تكاليف حملة اوباما الانتخابية مدفعتش علشان بقي في الفيس بوك واللي أدار الجروب شباب تحت سن ال 25
د عمرو عبد السميع : يا دكتور
د على ليلة : انا بتصور ان الفيس بوك وظيفتة مش واحدة في كل المجتمعات في بعض المجتمعات بيتعامل مع المسائل الاجتماعية وحسب الاحتياج المجتمع في مجتمعات اخري بيتعامل مع مسائل سياسية احنا انا بتصور ان أول حاجة سد قنوات التعبير أمام الشباب سواء في الجامعة أو أي مؤسسات اخري والجامعة تعاني من سد قنوات التعبير بشكل أساسي بيبقي بيروح على الفيس بوك زي
د عمرو عبد السميع : زي الاواني المستطرقة تدوس هنا تطلع هنا
د على ليلة : بشكل عام علشان كده احنا بنجد مثلا عندنا لان الاحزاب لا تؤدي وظائفها كما ينبغي بتطلع السياسة على الفيس بوك بينما في احزاب في الخارج تؤدي وظيفتها كما ينبغي بتطرح المسائل الاجتماعية بشكل اساسي
د عمرو عبد السميع : واكثر من كده بعد اذنك يا دكتور الاحزاب في الخارج بتكون سياستها أساسا من الانصات للناس سواء في الفيس بوك أو غيرة بتاخذ هذه الآراء أو وجهات النظر أو الاحتياجات وتحولها الى قرارات وسياسيات وبرنامج عمل بتخش على أساسه الانتخابات
د على ليلة : اه ما بتحتجش بقي الشباب ان هو يعبر عن مسائل سياسية للحزب خلاص بيؤدي هذا الدور هو يتعامل مع مسائل اجتماعية المسالة الثالثة انا بشوف كثيرا من خانة المعارضة الفيس بوك ممكن يفرغها بمعني
د عمرو عبد السميع : دي فكرة جديدة ازاي
د على ليلة : بمعني ان انا لو زمان قوي كنت عندي توتر لاي سبب من الأسباب باختزل وبنفر وبعمل تظاهر وما الى ذلك
د عمرو عبد السميع : والله أنت باين عليك كنت بتتظاهر كثير جدا
د على ليلة : انا دلوقتي الكلمتين الضيق اللي عندي بقعد على وفش غلي
د عمرو عبد السميع : ان شاء الله تكون فشت خلقك عندنا
د على ليلة : لا مافشتش غلي ولا حاجة
د عمرو عبد السميع : خلاص تبقي تيجي كمان حلقة
د على ليلة : ان شاء الله فانا دي بتفرغ فيتاجل حتي فكرة الاحتجاج الجماعي انه يتحول من الاحتجاجات الفئوية اجتماعية الى احتياج ساسي عام بتاجلها كثيرا جدا لان لما بيفرغ التوترات الداخلية
د عمرو عبد السميع : تمام دكتور رفعت
د على ليلة : مسالة اخيرة
د عمرو عبد السميع : اخيرة جدا
د على ليلة : احيانا دلوقتي الكلام اللي بيتكيف علية بيستعل من الخارج ويعاد تحليلة ويتاخد منه معلومات عن المجتمع شديدة الخطور بشكل اساسي
د عمرو عبد السميع : تمام دكتور رفعت
د رفعت السعيد : انا عاوز أقول واحد سالني انتوا لية ما تحتوش الشباب مين قال ان احنا عاوزين نحتوي الشباب احنا عاوزين نتوصل مع الشباب معندناش رغبة لا في احتواء ولا نقدر محدش يقدر يحتوي الشباب النقطة الثانية انه انعي على الإخوة بتوع الفيس بوك وانا احترمهم جدا ان هما بيستسهلوا النساء وسهل قوي الحكاية انه يقدر وتك تك يقول راية ويروح ينام مصر مش هتتغير كده الا اذا كان هناك احساس بان المسالة مش مسالة مصر مصر تحتاج الى عمل منظم ومنتظم قادر على ان تحشد الناس باتجاه موحد لكن المواطن اللي قاعد يتفرج على الفيس بوك يلقي واحد يقول له احتجب في البيت والثاني يقول له البسي اسود يا ست والثالث يقول له البس كرفته سوداء والرابع اخرج وتظاهر والخامس اخرج وروح ميدان التحرير والسادس يقول له اعمل مش عارفةاية ففي الاخر لا ده ولا ده انا مش بقول لهم بطلوا لكن بقول لهم حاولوا ان تتخذوا نسقا موحدا قادرا على ان يؤثر في الاتجاه العام للمجتمع
د عمرو عبد السميع : وضمن ما قال مصر مش هتتغير كده والنقاش مستمر وحالة حوار قائمة وعلى لقاء ان شاء الله