45 دقيقة

ايناس انور: اهلا بكم في حلقة جديدة من برنامج 45 دقيقة .. حول الاستحقاق الثالث وهو الانتخابات البرلمانية تدور حلقتنا اليوم مع ضيف الحلقة الاستاذ محمد انور السادات رئيس حزب الاصلاح والتنمية .. بداية لماذا الاستحقاق الثالث هو الاهم والاخطر
أ/ محمد انور السادات : لا شك انه البرلمان القادم هيبقى عليه مسئوليات كتيرة طبقا للدستور واهميته انه هيكون معاون للرئيس انه ينفذ السياسات من خلال تشريعات مطلوب تعديلها وطرح قوانين جديدة واداء الدور الرقابي على الحكومة بشكل عام وكمان حاجة مهمة جدا انه بتواصل النواب مع جموع المواطنين في القرى والمحافظات دا مسالة في غاية الاهمية والقانون وضع 80% للفردي و20% للقوائم ودا طبقا لبعض مواد الدستور هي اللي حددت .. والاحزاب كلها منتظرة قانون تقسيم الدوائر الانتخابية لانه هيحدد لكل حزب عن طريق مرشحينه مين هينزل فين ولكن هناك من يقول ان هذا العام قد لا نشهد انتخابات برلمانية نتيجة اوضاع معينة واتمنى ان دا ما يكونش صحيح لانه العالم كله ينتظر ذلك والشعب المصري ينتظر انه يكون فيه نواب يتحدثوا باسمه ويسالوا الحكومة في ادائها
ايناس انور: بس احنا طول الوقت شايفين نواب كانوا بيصلوا للمواطن في القرى والنجوع باستخدام الخطاب الديني
أ/ محمد انور السادات :دا كان بيحدث في وقت ما واعتقد ان الدنيا اتغيرت وهذا الكلام النهاردة الشعب بعد التجربة القاسية اللي الناس عاشتها اعتقجد ان الكل اتعلم واستوعب الدرس واذا النهاردة الناس هتطلع تختار اتصور انهم هيختاروا الاصلح والافضل لانه ظروف البلد وتحديات البلد اصبحت لا تحتمل النهاردة
ايناس انور: ماذا عن استخدام المال السياسي
أ/ محمد انور السادات :فيه حاجات لسه غلط محتاجة انه يكون فيه دور تنويري للازهر والاعلام والمثقفين وبانسبة اللمال السياسي اعتقد ان الدولة مازالت غائبة عن خدمات كتيرة لا تؤدى وطبعا لاشك ان المال السياسي هيكون له تاثير ولكن مش بالدرجة اللي كنا بنعيشها زمان ولازم نبقى واقعيين لانه الناس مازالت تعاني سواء في الصعيد او الدلتا او الريف وخدمات مش متوفرة صرف صحي مفيش كهربا بتقطع فالناس عايزة اللي يسمعها ويعيش معاها ولكن في النهاية احنا امام استحقاق لابد ان يتم لمصلحة مصر
ايناس انور: حول تكتلات الاحزاب وانا عندي ما يقرب من 100 حزب
أ/ محمد انور السادات :نتمنى انه يحصل تحالفات على ضوء الافكار والرؤي والناس ليها حق انه يكون لها تحفظ على اداء الاحزاب ا عارف ان توقعات الناس كبيرة جدا واداء الاحزاب مازال متواضع انا متصور ان الاحزاب اللي موجودة النهاردة لابد بعد انتهاء الانتخابات البرلمانية يحصل اندماجات كاملة بمعنى انه ال90 يبقوا 9 اقوياء ويبقى ليهم وجود في الشارع واتصور ان مسالة التحالفات الهدف منها تحالف سياسي يستمر مادام احزاب تتبنى نفس الافكار والرؤى
ايناس انور: طيب من سيكون له السلطة في حالة الاندماج
أ/ محمد انور السادات :اذا كانت النوايا مخلصة احنا كلنا بنقوي بعض ولازم يكون فيه تنازلات ويكون الجميع لديه هدف اللي هو تمثيل في البرلمان وهو مايحدث الان اللي بتتم
ايناس انور: التحالف بيتم على اي اساس
أ/ محمد انور السادات :انه اولا عندنا رؤية مشتركة يعني احزاب مدنية تدعو الى الدولة المدنية الحديثة والمساواة بنتفق على هذا ونتجمع مع بعض ودا اللي بيحصل انه مجموعة من الاحزاب اليسارية والاشتراكية بيتجمعوا مع بعض واحزاب ليبرالية بتتجمع مع بعض وقوى ثورية تتجمع مع بعض
ايناس انور: هل هذه التحالفات مؤقتة ام دائمة
أ/ محمد انور السادات :طبعا مفيش حاجة دائمة انما مفترض انه مايكونش بس تحالف انتخابي وانما تحالف سياسي لكن للاسف انه مفيش حاجة بتدوم انه بعد البرلمان كل يمشي في طريقه ودا شفناه في البرلمان اللي فات واحنا مشكلتنا مش في تيار الاسلام السياسي لانه في رايي انتهى انه يحصد مقاعد والمشكلة القوى المدنية اللي مش عايزة تتفق مع بعض ..
ايناس انور: ما مشكلة الفردي
أ/ محمد انور السادات :صعب جدا ان تتحكمي في مقاعد الفردي والفرصة الوحيدة انه تحالف مابين احزاب اللي هي من خحلال 4 قوائم ب120 مقعد وهما دول فيه فرصة انه يبقى فيه تحالف عليهم بين مجموعة احزاب
ايناس انور: ماهي فرصة الشباب للجلوس على كرسي الاحزاب
أ/ محمد انور السادات :الفرصة كبيرة جدا في هذه الانتخابات لانه قانون مباشرة الحياة السياسية كان واضح انه فيه بعض فئات خص المشرع انها تمثل فالزم كل من يعد قائمة ان تشمل الشباب والمراة والاقباط والمصريين في الخارج وذوي الاعاقة فاصبح واقع
ايناس انور: الاحزاب امكاناتها ضعيفة ماليا
أ/ محمد انور السادات :لابد انه يكون فيه حملة اعلامية وحملة على الارض وتواصل مع الناس عشان يدعو لمبادئ التحالف ويتواصلوا مع الناس ودا بيتم حاليا دون التحالف مع الناس
ايناس انور: ايه اهم المشاكل التي سيناقشها البرلمان القادم
أ/ محمد انور السادات :المشاكل كتيرة خاصة فيما يخص حدودنا احنا شايفين دولة اسلامية مكتملة الاركان بتتم في ليبيا على الف كيلو وانواع من الاسلحة لا حصر لها وموضوع ليبيا غاية في الخطورة وربنا يسلم بلدنا ويعين القوات المسلحة وحدودنا في السودان وغيرها ولكن دا لا يغني عن الواقع الداخلي واهمه الملف الاقتصادي وخيرا فعلت الحكومة انها بدات تاخد خطوات صعبة ولكن هي بداية العلاج وفيه حزمة الاجراءات لمواجهة رفع الدعم ورفع الاسعار ويراعوا الناس الغير قادرة والامن عايزينهم ان التجربة اللي فاتت يفهموا ان الشرطة في خدمة الشعب
ايناس انور: شكرا لك والى اللقاء