45 دقيقة

محمد القاضي:اهلا بكم في حلقة جديدة من برنامج 45 دقيقة مع ضيف الحلقة الاستاذ محمد انور عصمت السادات رئيس حزب الاصلاح والتنمية اولا تحليلك لمشهد المصريين في الخارج
محمد انور عصمت السادات :انا بقول المصريين في الخارج اوفوا بالعهد والاعداد اللي طلعت كانوا ضعف اللي طلع في الدستور رغم المشقة الكبيرة لهم والمصريين كانوا بيبعتوا رسايل في المحطات للمصريين بالمشاركة ووفروا اتوبيسات ووجبات خفيفة والروح كلها روح طيبة تؤكد على الانتماء والولاء لارض مصر وبمناسبة الكلام على قانون الانتخابات البرلمانبة لابد زي ما المشير قال انه يبقى مساحة لمشاركة هؤلاء في البرلمان وان يكون هناك من يمثلهم مثل مقعد برلماني يمثله للخليج العربي في امريكا ونأمل في الفترة الجاية يكون فيه اهتمام بالمصريين في الخارج والكتلة التصويتية تعطي ملامح عن التجربة داخل مصر ولكن دا لا يعني التكاسل
محمد القاضي:بس العدد نفسه مؤشر
محمد انور عصمت السادات :بالظبط وتاكيد على شرعية ماحدث في 30 يونيو ونتمنى حضور وتواجد قوي
محمد القاضي:ان شاء الله بعد الانتخابات يدخل الاتحادية ايه اهم الملفات اللي سيواجهها الرئيس القادم
محمد انور عصمت السادات :انا في تصوري ان البداية لابد ان نتكلم عن عودة الامن والاستقرار والناس تطمئن ودا مش هياتي الا لو طبق القانون على الجميع واي حد مش هيحترم القوانين والدستور لابد ان يحاسب مش ممكن ييجي سائح ولا يضارب في البورصة وهو مش مطمن على نفسه وماله وبتحقيق الامن الامور هتتحسن ..
محمد القاضي:فيه لجنة بتشتغل على تعديل مشروع قانوني الحقوق السياسية ومجلس النواب
محمد انور عصمت السادات :للاسف التجربة البرلمانية السابقة كانت تجربة فاشلة لانهم لم يستمعوا وبدانا نشوف كم كبير من التآمر والتخابر وقصص كتيرة جدا والنهاردة بيعملوا عملية انتحار مش عارفين يستوعبوا الحقيقة ولابد ان يقفوا مع نفسهم ويراجعوا نفسهم انقاذا لما تبقى من هذه الجماعة واتوقع مع اكتمال الاستحقاقات لابد ان يتوقفوا علشان لو فيه قدر ضئيل من الفرصة لاعادة تاهيلهم في المجتمع وربما البرلمان ممكن يطرح فكرة او طرح معين بحيث انه كل من ينبذ العنف ويحترم الدستور والقانون هنقوله اهلا وسهلا
محمد القاضي:هل نحتاج الى لم شمل المجتمع حول مشروع قومي مثل محور قناة السويس
محمد انور عصمت السادات :المشروع القومي اللي ممكن نلتف حواليه هو مصر .. ومحور قناة السويس يحتمل ان يكوون منطقة جذب فيها صناعة وتجارة وكل اللي ممكن تتخيله لانه تلت تجارة العالم بتمر من هذا المكان وللاسف لم يتم استغلالها
محمد القاضي:رايك في المشروع
محمد انور عصمت السادات :احنا سمعنا على مخطط عام والمفروض الشه القادم هيتم اسناد العملية لمكتب استشاري كبير واعتقد انه هيكون مشروع جاذب وكمان مشروع ممر التنمية وبالمناسبة الدكتور فاروق الباز كان المستشار العلمي للرئيس السادات ومعندناش حل غير دا عشان نخرج من الخنقة والزنقة وخاصة ان الدول العربية عندها استعداد للوقوف بجانبك ثقة في شعب مصر وقيادته
محمد القاضي:شكرا لك والى اللقاء