45 دقيقة

محمد القاضى : اهلا بكم فى 45 دقيقة نبدأ بالعناوين
= جنايات القاهر تلغى قرار الافراج عن مبارك فى الكسب غير المشروع 0
= الشورى يبحث مشروع السلطة القضائية
= بايدى مصرية لمبات موفرة تغزو الاسواق وتثبت براعة الصانع المصرى 0
= تفعيل البطاقة الذكية لمترو الانفاق 0
= التامين الصحى حق كل مواطن مصرى 0
= مواطنوا سيناء يطلبون ابان الاحتفالات
= المنظومة المصرية الاقتصادية رؤا وحلول للعبور الى المستقبل الامن
محمد القاضى : المحكمة قبلت الطعن المقدم من النيابة وعدم الافراج عن الرئيس السابق وان لا تكون الجلسة لا تكون علانية وايه فكرة قبول الطعن وماهى الحيثيات نحاول نتفهمها من خلال الاتصال التليفونى مع د. حسن حسين حنفى وكيل كلية الحقوق جامعة المنوفية
د. حسن حسين حنفى : مساء الخير
محمد القاضى : لماذا الجلسة غير علنية
د. حسن حسين حنفى : استقزاز مبارك بتحية مؤيدية ادى الى القيام بثورة
محمد القاضى : اذن اعادة السبب الى اسباب سياسية وليست قانونية
د. حسن حسين حنفى : اسباب سياسية
محمد القاضى : تفسيرك للحيثيات
د. حسن حسين حنفى : المحكمة تسرعت فى الافراج عن مبارك وهو على قضية الكسب غير المشروع وقيام المحكمة بقبول طعن النيابة العامة بعدم الافراج عن مبارك
محمد القاضى : لو اتنفذ الحكم السابق
د. حسن حسين حنفى : تحسب لخروجة وهو على ذمة قضايا اخرى محكمة الجنيات اليوم لو قررت الافراج عنه لا يتم الافراج عنه لانه على ذمة قضايا اخرى
محمد القاضى : لو لم يقبل الطعن النهاردة كان مبارك هيخرج لبيته والا كان هيبقى مازال فى انتظار قضايا اخرى
د. حسن حسين حنفى : اليوم لو رفض طعن النيابة وبالتالى كان سيتم الافراج عن مبارك وهو محبوس لانه على ذمة قضايا اخرى ولم يغير فى الواقع المجمل لمبارك لانه على ذمة قضايا كثيرة
محمد القاضى : شكرا جزيلا دكتور حسين حنفى الجدلية القانونية موجودة وفى مجلس الشورى يبحث قانون السلطة الجنائية وسط كل ما يجرى من مشاحنات وخاصة فى السلك القضائى ووزير العدل بيستقبل ومجلس الشورى بيطرح مشروع قانون السلطة القضائية
نادى القضاه فى جمعية غير عادية اعلن موقفة مما يشهده القضاء من هجمة على حد وصفة نتعرف على ايه طبيعة هذا المشروع وايه اهم الملامح اللى فيه على الهاتف الاستاذ محمد يوسف عضو مجلس الشورى عن حزب الوسط
محمد القاضى : مساء الخير استاذ محمد
أ.محمد يوسف : مساء النور
محمد القاضى : ايه اهم مشروع قانون السلطة القضائية المطروح الان فى مجلس الشورى ؟
أ.محمد يوسف : هو الموضوع عادى جدا اطلق على المشروع المقدم من الحزب زى عبارة تطهير او مذبحة او كلام من هذا القبيل وهذا غير صحيح على ا لاطلاق اى دولة بيتم فيها اقرار دستور جديد اول قوانين تصدر هى قوانين السلطات فى الدولة المختلفة لتتوافق مع الدستور
محمد القاضى : ايه اهم ملامح المشروع
أ.محمد يوسف : المشروع المقدم بيحقق تعديل بعض النصوص الموجودة فى القانون وتخالف فى الدستور زى المادة المتعلقة بكيفية تعيين النائب العام يعين وفقا للقانون بقرار من رئيس الجمهورية بيبعث هو الاخطاروهو اللى يعينة بينما وفى حين ان الدستور نص على ان يكون من اختيار المجلس الاعلى للقضاء
محمد القاضى : النقطة الثانية ايه
أ.محمد يوسف : المساواة المالية مابين اعضاء الهيئات القضائية النقطة الثالثة متعلقة بالسن ومايؤدى الى الاختلاف فى المراكز المتفاوتة الهدف من المشروع تعديل بعض المواد بالدستور
محمد القاضى : فى مسالة السن هناك وجة نظر بتقول ان ده هيفقد القضاء المصرى حوالى 2500 قاضى من اكثر الخبرات وتعويضهم هيكون بمنتهى الصعوبة وهناك كلام انه هيتم التعويض من خارج الهيئة القضائية بطريقة او باخرى واذا كانت مسالة السن والمساواة بين الموطفين طب ما فى جهات بتطلع 65 زى الازهرلماذا لم يطرح هذا الامر بالنسبة لهم
أ.محمد يوسف : مبدأ المساواة بيقضى اولا بتعديل كافة القوانين لتتوحد هذه المسائل ما بين المواطنين اثنين القول قصة ان القاضى لا يكون مكتسب الخبرة غير فوق الستين المبادئ القانونية اللى احنا عايشين بيها وضعها اساتذة وشيوخ محكمة النقد لما كان سن المعاش بيطلع على سن ال 60 لأ ده قول غير صحيح على الاطلاق القاضى لا يكتسب الخبرة غيربعد سن ال60 هذا غير صحيح
محمد القاضى : هتعوضوا ال 2500 قاضى دول هيجوا ازاى
أ.محمد يوسف : هيتم تعويضهم بطريقة او باخرى وان الغرض من القانون هو دخول اخرين أنت عارف مين اللى بيعين القضاة المجلس الاعلى للقضاء
محمد القاضى : هل ترى ان الوقت مناسب لطرح مشروع قانون هام زى ده وهو قانون اساسى وعلى مجلس الشورى عليه بعض التحفاظات انه يشرع ايه المشكلة لو استنينا مجلس النواب ويتم طرح مشروع القانون من خلاله وتدعى السلطة القضائية وتحضر المناقشات ويؤخذ برأيها الذى لايؤخذ به حتى الان طبقا لكلام نادى القضاة
أ.محمد يوسف : ده اللى هيعملة مجلس الشورى لان اخذ راى السلطة القضائية فى مشروع القانون ده فرض اوجبه المشرع يجب ان تاخذ رايهم والمشروع يتعرض عليهم قبل ان يصدراما قصة مجلس الشورى وليه ما تنتظرش مجلس الشورى منوط به مشروع كاملا وفقا للدستور فهل هو منوط به لمجرد اصدار بعض القوانين اللى على هوى بعض الاشخاص والا مفروض ان هو بيقوم بسلطة تشريع كاملة وفقا لما استفتى عليه الشعب انت اول حاجة بتعملها يجب اى قوانين متعلقة بسلطات الدولة بعد الدستور يجب تعديلها حتى تتوافق مع الدستور وحتى لا يكون هناك تعارض ما بين القانون القائم والمعمول به وما بين الدستور لو السيد رئيس الجمهورية قام بتعيين نائب عام له وفقا لقانون السلطة القضائية هيقال ان ده بيخالف الدستور لأ لا يخالف القانون لان قانون السلطة القضائية بيبيح له ذلك احنا عايزين نخلى الاثنين واحد بدل ما بيكون فى تعارض ما بين هذا وذاك هذا واجب عل مجلس الشورى ان يقوم بتعديل هذه القوانين وهى دى اللى تاخذ اولوية
محمد القاضى : استاذ محمد يوسف عضو مجلس الشورى عن حزب الوسط شكرا جزيلا لك ننتقل ا لى بعض الايجابيات عايزين نسمع اخبار لطيفة تبعث شئ من الامل لما نعرف ان فى بنها شباب صنعوا لمبات موفرة للطاقة تتحدى المستورد خبر يسعدنا جميعا
نعيم ابراهيم راح بنها ورصد هذه التجربة
تقرير: اصبح الترشيد فى استخدام ا لطاقة ضرورة حتمية من الناحية الاقتصادية والبيئية وتزداد هذه الاهمية بسبب الزيادة المطرده فى عدد السكان اضافة الى الازمة الاقتصادية الكبيرة التى تعانى منها مصر فى الوقت الحالى ودعما للاقتصاد المصرى بعيدا عن مناخ التظاهرات كاميرا البرنامج رصد حالة العمل بمصنع اللمبات الموفرة للطاقة ببنها احد مصانع الطاقة الموفرة للانتاج الحربى
م . محمد صلاح : اللمبات الموفرة بترشد حوالى 80% من الطاقة بتعتنا بنتعامل مع وزارة الكهربة بمواصفات معينة واحلال اللمبات الموفرة مكان العادية
محمد القاضى : احمد عبد الرؤوف اهم عوامل نجاح الصناعة هوالتدريب اختار العامل المناسب فى المكان المناسب وعمل له دورات تدريبية
م . محمد يحيى : اللمبة كلها بتختبر على مراحل وفى محطة لاختبار العمر الافتراضى
العمال اصروا على مواصلة العمل متجاهلين المشهد السياسى للوصول بمصر الى بر الامان
الطاقة تؤدى دورا حيويا واساسيا فى التنمية الاقتصادية والاجتماعية اللازمة لتلبية تطلعات الشعوب لتحقيق مستوى معيشى افضل
محمد القاضى : الهيئة العامة لمترو الانفاق بدأت تفعل البطاقة الذكية هتقضى على التذاكر الورقية محمد عطية رصد هذه التجربة ووفانا بالتقريرالتالى
مذيعة : ركاب مترو الانفاق على موعد مع بداية تشغيل ا لكرت الذى اعلن عن بدااستخدامة المنهدس عبدالله فوزى رئيس الشركة المصرية لادارة وتشغيل المترو والذى يتيح سهولة الحركة لمستخدمى الخطوط الثلاثة
م. عبد الله فوزى : بدأ تشغيل الكارت الذكى اعتبارا من يوم الخميس الماضى 18/4
مواطن : الكرت الذكى مشروع ممتاز بيدى كل واحد حقه
محمد القاضى : الحكومة تحاول مد مظلة التامين الصحى وهذا موضوع ليس بسيط او سهل فى دول بتحاول تعمل ده الى الان صبرى يونس عنده مزيد من التفاصيل حول هذا الملف فى هذا التقرير
تقرير : بالنسبة لزراعة القوقعة دى هتدخل جديد فى نظام التامين الصحى
د. محمد قاسم : على اساس ان التامين الاول كان بيساهم بجزء من تكلفة العملية بالاضافة للفحوصات الطويلة المكلفة جدا اللى كان بيتحملها التامين بالكامل
دكتورة / العيادة بتستقبل يوميا فى حدود 4000 عيان فى عندنا جميع التخصصات حوالى 25 تخصص
د. اشرف شريف : اضفنا خدمة ذرع قوقعة النخاع مركز فى مستشفى بهتيم وهى مستشفى جديدة على احدث نظم التجهيزات الطبية احنا ضمينا خلال هذا العام اكثر من 450 الف امراة بدأوا يتمتعوا بخدمات التامين الصحى واتمنى اضافة هذه الفئات الضعيفة والمهملة
صبرى يونس : التنمية الحقيقية لا تاتى بالصدفه التنمية شراكة بين حكومات لديها خطط ورؤى مستقبلية تمتد لعشرات السنين ومواطن صحيح العقل صحيح البدن ثم بعد ذلك نطلب منه ان يكون منتميا وفعالا ومنتجا فى هذا الوطن
محمد القاضى : امس وزارة البحث العلمى اقامت الملتقى الاول لتنمية سيناء ومحور قناةالسويس احنا داخلين على ابواب اعياد تحرير سيناء هذا الملف له اهمية خاصة سؤال هل يمكن ان تكون سيناء اذا تم الاهتمام بها ان تمثل بعثا حقيقيا لاقتصاد مصر الفترةالقادمة نتفهم ابعاد هذاالسؤال مع ضيفنا الدكتور صلاح جوده المستشار الاقتصادى للمفوضية الاوروبية مساء الخير يا دكتور
د. صلاح جوده : مساء الخير يا افندم
محمد القاضى : د. هل ترى ان سيناء من الممكن بالمعطيات الحالية تتحول الى بعث جديد للاقتصاد المصرى ومحور قناة السويس ومحور تنمية سيناءمن جهة اخرى الاجابة بعد التقرير التالى :
تقرير: ايام قليلة وتحل ذكرى تحرير سيناء وهى محطة ثانوية للوقوف على ما يتحقق من مشروعات للتنمية على ارض ا لفيروز ومناسبة للتذكير باهمية رفع وتيرة التنمية فى هذا الجزء العزيز من الوطن وقطاع الزراعة يشكل اهم محاور التنمية وهويعانى الكثير من المشكلات التى تحول دون تطويرة وتحسين جودة منتجاتة
سيناوى : احنا مولودين بزمام قرية الابطال ولا نحصل على مستلزمات الانتاج من نفس المنطقة وبالتالى لابد يكون فى لينا حيازات ولنا جمعية خاصة بالمكان لنحصل على الاسمدة بشكل قانون من سنة 2006 ونحن نعانى من مشكلات كثيرة اهمها مفيش بنية اساسية احنا عملناها وصرفنا عليها كل الناس بتزرع بمجهوداتها الخاصة
مواطن : احنا مش لافيين ميه للزراعة
مواطن : مش لاقيين مستشفيات ولا حاجة ونطلع على الطريق لا نجد عربيات
مواطنة : لا فى نور ولا مية ولا وحدة علاجية ولامواصلات
مذيعة : هناك مشكلات اخرى تواجه هؤلاء المزارعون مع بدو سيناء تشكل مصدر قلق دائم
محمد القاضى : د. صلاح عارف لما هتكلم معاك عن تنمية سيناء هتقولى اتاخرنا وكلناعارفين متاخرين قوى السؤال هو احنا ممكن نلحق نحول سيناء لبعث لاقتصاد المصرى ام فات الاوان كما يقال
د. صلاح جوده : اذا بدأنا اليوم نستطيع خلال 3 سنوات 36 شهر ان تعود سيناء قاطرة للاقتصاد المصرى والعربى بالكامل احنا بقلنا من 25 /ابريل /82 اول ما اخذنا الارض بتعتنا لحد النهاردة كمان يومين ثلاثة انت بتتكلم فى 31 سنة غزينا سينا ب 3 حاجات الاغانى الارهاب اللى دخل لهم الشرطة اللى داخلة تحط البدو فى خانةاليك اللى موجودة دول ال 3 حاجات اللى مصر عملتهم نشوف الاول سينا امكانياتهاايه اللى عندنا سينا مساحتها 61 الف كيلومتر 6% من مساحة مصر الاماكن الاهلة فى مصر كلها ال مليون كيلومتر مربع ال 238 مليون فدان احنا مستغلين منه 5.5 % فقط يعنى اقل من سيناء يعنى لو كل اللى فى مصر راحوا قعدوا فى سينا يبقى مصر كلها فاضية وخالية السؤال الثانى الكعبة موجودة فين فى السعودية مكه فى اى كعبة تانى فى اى دولة من 193 دولة مفيش قبر الرسول عليه الصلاة والسلام فى المدينة فى قبر ثانى مفيش ده نوع من الاحتكار للمزارات الدينية والسياحية الموجودة مصر ربنا حباها فى سيناء ب 3 حاجات زى مكة نفس الجو ده ومش موجودين فى اى دولة فى العالم مسار خروج اليهود مع سيدنا موسى مش موجود الا فى سيناء
محمد القاضى : مزار سياحى
د. صلاح جوده : طبعا مسار العائلة المقدسة السيدة مريم والسيد المسيح عليهم السلام مش موجود فى اى مكان ثانى مسار الحج القديم اللى اتعمل ايام الملك عبد الله بن مروان من مصر حتى الحجاز ال 3 مسارات دول مفيش مكان تانى فى حته تانى فى دولة تانى غير الجبال الله عز وجل كلم عليهم سيدنا موسى الكلام ده مش موجود فى حته فى العالم انت مش واخده خالص
محمد القاضى : السياحة بس
د. صلاح جوده : طبعا هدى لحضرتك مثل سكان العالم 7وربع مليار50% على الاقل منهم مسيحيين 3 مليار ونص احناعاوزين 1% يعنى 35 مليون سائح يجى 30 بس مزار لو كل سائح صرف 10الاف دولار من7 ال 25يناير ادى 300 مليون دولار يدخلوا لك الصبح واحنا قاعدين انا بدى لك مثل حاجة ثانية غرب امريكا قاعدة وادى السيكلون هناك وامريكا طالعة به ومطنطنه فى العالم وبتسمع وطيارات وكمبيوتر وشرائح وكلام من ده نسبة نقاء الرمل اللى عندها 69% انت عندك منطقة وسط سينا الخير كله فى العالم كله عندك رمل وسط سيناء نسبة النقاء 98.5 % للاسف الشديد احنا من كتر اهمالنا وعدم وعينا وعدم ادراكنا ومفيش ادارة رشيدة ومفيش ناس عندها فكر ومفيش نا س عندها حلم ومفيش ناس عندها رؤية بنبيع الرمل ده بالطن بنبيعه لمين ل3 دول ايطاليا وتركيا واسرائيل ياخدوا الطن ب 13 دولاركلام محترم نسال بيعملوا به ايه هناك 3 مراحل الرمل يخش فيها الاولى يقوم بغسيلة عشان نفصل الرمل عن ال 98.5 اللى هو الرمل الزجاجى اخذ انا منه الرمل الزجاجى ده يبيع لى الطن منه اللى طالع من طن الرمل ابو 12 دولارب230 دولاراخذه كمصر هنا
محمد القاضى : غسلة هاى تكنولوجى
د. صلاح جوده : الماكينة ب 2 مليون دولار
محمد القاضى : فقط
د. صلاح جوده : اه
محمد القاضى : ممكن شوية الرمل دول نغسلهم هنا
د. صلاح جوده : بالضبط كده احنا بنشترية من عنده ب 320 دولار طب اصنعه زجاج اطلع شرائح للسلكون فى الكمبيوتر وخلافة واستوردة من اسرائيل الطن يطلع لى منتجات ب 23 الف دولار السؤال لماذا اصدرة خام الا اذا كنت انا رجل خام ده واحد بند نقول كمان
محمد القاضى : مش عارف اقول لك ايه
د. صلاح جوده : بلاش عرق بتستورد نحاس من بره سنويا بما يعادل 3.5 ملياردولارعرق النحاس فى سينا فى شمال سينا قريب هناك ماشى على الارض اسرائيل بتستخرج النحاس من 16 مترتحت محتاجة تكنولوجيا وتكاليف بالغة العامة بيسموه عرق النحاس على الارض المصنع يجى يطلع النحاس تبىق حضرتك دخلت فى حزام تصدير النحاس الموجود هى دى الافعال الموجودة
محمد القاضى : هو المعلومات اللى حضرتك بتقولها دى مصدرها ايه فى دراسة اكدت كلام حضرتك
د. صلاح جوده : اه الكلام اللى بقولة مسئول عنه 24 قيراط والدولة عندها بيان باللى انا باقولة ده
محمد القاضى : ازاى
د. صلاح جوده : انا بعثنا الكلام ده انا انا صلاح جودة مدير مركز الدراسات الاقتصادية فى الكلية بعتناه حضرتك للنظام السابق ولوزارة احمد نظيف واحمد شفيق وعصام شرف والجنزورى والدكتور قنديل فيه ايه تانى وقلنا حاكمونا لو الكلام اللى بنقولة غلط صح اعملوا بيه
محمد القاضى : الفوسفات
د. صلاح جوده : مصر بتصدر سنويا 4 مليون طن فوسفات
محمد القاضى : خام بردوا
د. صلاح جوده : طبعا يا بيه الخام يصدر خام على طول الرجل الخام يحب الخام بنصدره بكام قول اى رقم يخطر على بالك
محمد القاضى : انا معرفش سعر
د. صلاح جوده : 4 مليون طن فوسفات قول اى رقم يعجبك موافقين عليه قول انت يارب تقول بجنية اناموافق معاك
محمد القاضى : بمليون دولار مثل والا حاجة
د. صلاح جوده : مش كده احنا بنصدرة شوف الحلاوة بقى بنصدرة وبندفع عليه 80 مليون دولار
محمد القاضى : ازاى ندفع واحنا بنصدر
د. صلاح جوده : اه مااحنا ناس خام بردوا ال 4 مليون طن بيصدرهم 4 من شركات القطاع العام ومجموعة من الشركات الخاصة يصدر الطن ب 10 دولاريرجع ياخد من صندوق دعم الصادرات اللى موجود فى مصر هنا علشان هو عمل عملية تصدير لحاجة موجودة 20 دولار على الطن يبقى الاربعة مليون يكلفوا الدولة 80 مليون دولار يبقى الدولة خسرت الفوسفات بتعها ودفعت من جيبها 80 مليون دولارقول لى بالله عليك اى عقل هذا لأ الاشد من كده بقى انا من ضمن الدول اللى بصدر لها الاردن وبالصدر الغاز بتاعى بسعر المتر المكعب المليون وحدة الموجودة بما يعادل 10 سنت يعنى 60-70-80 قرش النهاردة انا باشترية من الشريك الاجنبى المتر المكعب ب 3 دولارتقول اتفاقيات قديمة ممكن تتلغى قانونا باصدر الفوسفات للاردن خام وباصدر لها الغاز خام وبادفع 80 مليون دولار على الفوسفات الاردن بتجوزهم لبعض وتطلع لى فوسفات تبيعة لنا استورده منها ب 3.5 مليار دولار
محمد القاضى : اطلعت على المحور
د. صلاح جوده : شوف يا بيه الرئيس جمال عبد الناص لما جاء يامن محور قناةالسويس سنة 56 والخطاب الشهير بالاسكندرية يعين واحد اسمة محمود يونس رئيس هيئة قناة السويس معاه صلاحيات ايه رئيس جمهورية فى المنطقة لما جينا نبنى السد العالى جبنا رجل محترم اسمة صدقى سليمان بدرجة رئيس وزراء قاعد فى اسوان بانى كشك وقاعد فيه بدرجة رئيس وزراء لما ياخذ قرار يمشى على كافة المعنيين تحت ايده بتاع البترول بتاع الرمل بتاع
محمد القاضى : نفس القصة
د. صلاح جوده : نفس القصة انا عاوز هناك لسينا راجل يقعد هناك 3 محافظات موجودين ولازم سينا تقسم 3 محافظات احط خطة للتنمية بالاضافة الى 3 محافظات السويس الاسماعيلية وبورسعيد ال 6 محافظات دول لازم لهم واحد بدرجة رئيس وزراء اذا ما كنش بدرجة رئيس جمهورية معاه صلاحيات يعنى يمضى يطلع قرارا ت جمهورية
محمد القاضى : الوضع الامنى وما يخص اتفاقية السلام اتفقوا عليها
د. صلاح جوده : ابدا الكلام اللى كان بيتصدر لنا كله كلام فارغ لايوجد فى اتفاقية السلام الموقعة فى 79 الموقعه بين مصر ودولة اسرائيل برعاية امريكا فى كامب ديفيد موجودة فيها ما يجعل مصر انها تقوم بتصدير الغاز اوالبترول لاسرائيل البند الوحيد اللى كان فيها من حق اسرائيل انها تتقدم للعطا كان الاول ممنوع اتقدم ممنوع اخش من الباب من حقى اتقدم حضرتك توافق ماتوافقش ده فيلم تانى
محمد القاضى : دكتور صلاح جودة المستشار الاقتصادى للمفوضية الاوروبية مش باشكرك بس لكن انامش هقدر اسمع اكثر من كده باشكرك وشكرا لكم مشاهدينا غدا حلقة جديدة تابعونا .