45 دقيقة

عنوان الحلقة واهم ما جاء بها : خطة الحكومة للقضاء على ازمة المرور
الاعداد : سكينة حمدى اسماعيل
رانيا هاشم : اهلا بكم فى 45 دقيقة النهاردة هنناقش المشاكل التى تهم المواطن المصرى وزحمة المرور وما تسببة من مشاكل والحلول لهذه المشكلة نشوف تقرير لنعيم ابراهيم ونرجع مع حضراتكم
تقرير : بهدف رفع العبئ عن المواطنين اضافة الى تحسين الخدمة فى النقل العام فى مصر جاء قرا ر الرئيس عدلى منصور بمنع تراخيص سيارات النقل العام بعد 20 عامامن الصنع والذى يسرى العمل به بدءا من اول اغسطس لعام 201
مواطن : عايزين العامل بدل ما يجيب له عربية جديدة الاكتفاء ماديا ونفسيا ماديا الحوافز تبقى كويسة ونفسيا يركب اتوبيس جديد
مواطن : العربيات بتبقى تعبانة ويروح الجراج ويجى راكب ياخذ عربه ما يلاقيش دى تبقى مشكلة انا بابقى متضايق انما لما الراكب يجى يلاقى عربية جاهزة له يبقى حالة الراكب هتبقى مستريحة ومستقرة والراكب والكمسرى مكسب من جميع الجهات
مواطن : هنوفر وقت كبير جدا العربة هتكون جاهزة هو هيوص مكانة فى اقل من الوقت المعين له فى ربع ساعة فى تلت ساعة اما العربية اللى بياخذها دلوقتى ممكن العربية تعطل منه
مواطن : 25 سنة راكب العربية الخضراء دى وتعبانة وتعتب قوى تعبت مفروض بعد 10 15 سنة تيجى عربيات جديدة
مواطن : المهم العربيات دى تعبت قوى احنا عايزين عربيات جديدة نشتغل طول ما نلاقى عربيات جديدة الناس هتشتغل
مواطن : انا عايز عربية تشتغل لى
مذيع : المواطنون رحبوا بالقرار بما سيوفر لهم من جهد على اعطال النقل الخاص هربا من عربات النقل العام
مواطن : ده بيوفر فى الوقت والجهد وكل حاجة وده مش كتير على دولة زى مصر احنا نجدد ونحدث
مواطنة : الاتوبيسات اوالمترو ده احسن مواصلة بالنسبة لنا دلوقتى لكن يتغير كل 20 سنة ده كويس ان علشان ما يحصلش تصادمات مشاكل
مواطن : بس ياريت ما يغلوش الاسعار
مذيع : لكن ان يجد المواطن منتجا جيدا وادميا لاستخدامة ولكن باسعار معتدلة تناسب الوضع الحالى
فاصل
رانيا هاشم : ارحب بضيفى اللواء العربى السروى محافظ السويس اهلا بحضرتك
اللواء / العربى السروى : اهلا وسهلا
رانيا هاشم : المواطن من حقة طبعا يركب عربيات جديدة ويسوق اتوبيسات جديدة الاتوبيسات الحمرا كانت جديدة وكانت مكيفة المهم يبقى فى صيانة علشان تحافظ على العربية احنا فى مصر معندناش صيانة محترمة
اللواء / العربى السروى : من حق المواطن ومن حق السائق ان لما اركب تاكسى اركب تاكسى محترم كفاءتة الفنية كويسة اصل فى ميعادى لما اركب وسيلة نقل عامة لازم يكون الاتوبيس فيه كفاءة فنية عالية مظهر حضارى محترم لا يعوق حركة المرور لازم الدولة تاخذ القرار المناسب الذى يراعى مصلحة الطرفين وفى دول بتقول 10 سنين وكفاية العربية وفى دول اقل من كده اهم حاجة الاستمرار فى الصيانة
رانيا هاشم : نشوف فى المنشات المهمة جدا ممكن الاتوبيس يقف بيك
اللواء / العربى السروى : فى مشكلة عامة بتتوقف على الادارة التى تدير هذا العمل والصيانة الصحيحة
رانيا هاشم : ممكن تكون مكلفة
اللواء / العربى السروى : اى ان كان انا من سكان السويس
رانيا هاشم : فى السويس ايه اللى بيحصل
اللواء / العربى السروى : المشكلة دى اهلينا فى السويس دايما ايدهم فى عربيتهم ادارة المرور لا تترك حد فى حالة وهات التراخيص الفحص المستمر بالتالى المشكلة دى مش عندنا بالدرجة الكبيرة بعض العربيات الخاصة لازم يطبق بخصوصها القرار المناسب
رانيا هاشم : فى عربيات فى الشارع بتعرض الناس للخطر وبتعرض الغير للخطر
اللواء / العربى السروى : لازم المواطن يعرف ان فيها خطر على حياتة هو وخطر على حياة الاخرين لابد يكون فى جهود مشتركة فى هذا المجال بين رجل المرور وبين المواطن العادى
رانيا هاشم : نروح للمشاكل الخاصة بمحافظة السويس نتوقف مع تقرير للزميل محمود نشوف ايه اللى بيحصل فى السويس ونرجع نكمل فى نفس الموضوع مع سيادة اللواء المحافظ العربى ونشوف ايه المشاكل اللى بتحصل فى ا لسويس وايه المشاكل وكيفية حلها
تقرير : من شمال اليقين الى جنوبة تتوقف الجولات الميدانية والزيارات المفاجئة لمحافظ السويس اللواء العربى السروري فقد حانت ساعة العمل فلا وقت للمكوث داخل المكاتب وجولة اليوم مخصصة للمناطق الصناعية فى شمال غرب السويس للاطلاع على كل ما يعوق التنمية فى محاولة الوصول الى حلول واقعية
مواطن : سيادة المحافظين بيخلينا نحاول الظهور بشكل افضل علشان العمل والانتاج نحاول نخلص المشروع فى وقته وتدينا دفعة قوية ان احنا نخلص وبتدينا دفعة معنوية عالية لو فى تسهيلات معينة فى اجراءات فى تسير عمل فى عمالة مدربة عن طريق المحافظة مشاكل امنية فى القطاع حاليا نحاول بقدر الامكان تكون محلولة
مواطن : عندنا عقبات موضوع الغاز موضوع المازوة موضوع الطاقة الجديدة ده كله موضوع ان انت بتشغل ناس فى ناس بتشتغل فى توسعات
رانيا هاشم : يستمر العمل على تحسين اداء المنطقة وجذب المزيد من الاستثمارات اليها
مواطن : عندنا مشروع دلوقتى سيادة المحافظ عنده خلفية كاملة عنه وهو الطريق الحالى اللى احنا شغالين فيه والطريق استثماراته وصلت الى 17 مليون جنية هنبدا فيها اول السنة باذن الله سيادته على علم كامل بهذه التحديات وعدنا يعمل لنا الدعم الكافى نخلى الطريق بتعنا منطقة امنة زى الطريق الرئيسى
مواطن : دائما طريق التطوير بيكسب مهارة اكثر فى مجال الطرق الحاجة الاخرى التحدى الاكبر بالنسبة لنا هو ان الدولة فى القريب العاجل نصل الى حل لمشكلة الطاقة على الاطلاق
مذيع : السويس مؤهلات تنموية واستثمارية واعدة لكن يبقى تطويرها وتعظيم مصر مرهونا باعتبار سياسى جديد يدعم عملية التنمية فى كل ابعادها لتبقى السويس دائما منبع النضال وغرسة الامل
فاصل
رانيا هاشم : بعد ما شفنا التقريرمنطقة التبعة بالسويس منطقة واعدة وكلنا كنا حاطين عليها امال وطموحات انها تحل مشكلة البطالة مشكلة السويس على مستوى الجمهورية لكن للاسف الشديد السويس هى تالت محافظة على مستوى الجمهورية تقريبا البطالة هل هذا معقول ؟
اللواء / العربى السروى : هذا الموضوع موضوع الساعة عندنا مشاكل فى كل البلد مش بس السويس متنوعة ابرزها موضوع البطالة خريجين مفيش شغل العمل فى مجال الحكومة بيخضع لضوابط يبقى فى مسابقات ونشر فى الجرائد الرسمية وشروط تفرضها الوزارة المعنية وتحصيل درجة مالية من وزارة المالية الحل ان نحسن من ناحية الاستثمار ونخلق فرص عمل جديدة لاولادنا واحرر من قصة العمل الحكومى وتبقى المرتبات اكثر جدوى من مرتبات الحكومة مشروع تنمية قناة السويس
رانيا هاشم : مشروع واعد لكل المصريين
اللواء / العربى السروى : مشروع واعد للبلد
رانيا هاشم : اه
اللواء / العربى السروى : تحت مظلة هيئة قناة السويس وتولى السيد رئيس هيئة قناة السويس رئاسة المجلس التنفيذى موجود لجنة من وزراء الحكومة المعنيين السيد رئيس الوزراء اعلن خلال نهاية هذا الشهر سيشمل المشروع كله المشروع مش جديد المشروع بدا من فترة وبدا من العين السخنة للسويس يعنى المشروع له جذور توجد شركات تعمل اى مشروع من دول هيستوعب فرص عمالة غير عادية من 10 ايام استدعينا 10 دول من شرق اسيا بيتعرفوا على المنطقة اقتصاديا وعلى النشاط داخل السويس وقالوا لى بالحرف الواحد هذه هى النقطة دى منطقة واعدة احنا هنستوعب عمالة عددهم هيصل الى 20 الف احنا كان لنا شوط مع الشركات دى او مع الشركات الموجودة فى المناطق الحرة كنا فى اجتماع احنا قلنا لنا شرط ان العمالة يبقى من ابناء السويس الاعداد اللى المشاريع بتتقدم بيها انا هستوعب العمالة اللى فى السويس وفى الجمهورية كلها لان النشاط اللى احنا موافقين عليه 21 الف فرصة عمل انا عندى حوالى 20 الف شاب لا يعملون فى القطاع الحكومى هذا المشروع بعد تفعيلة هيستوعب كل البطالة داخل محافظة السويس ومدن القناة بشرط عمل اختبار للشاب او المتقدم للعمل فى هذه الشركة احنا بندرب اولادنا
رانيا هاشم : الفكرة دى موجودة فى المحافظة من فترة طويلة الشاب يتدرب وبيكون له الاولوية فى التعيين
اللواء / العربى السروى : عندنا مركر السويس للحام واللحام تحت الميه شغلناه
رانيا هاشم : كان متوقف بسبب الثورة
اللواء / العربى السروى : لأ هو مكنش اشتغل المحافظين اللى قبلنا تم بناء المبنى ومتوقف له 3 سنين ضمن 3 حاجات مركز لتدريب اولادنا من الشركات واللى معاهم مؤهلات مناسبة للعمل فى هذا الموضوع بحيث يقدم للشركة اللى هيبقى له الاولوية لان هوده اللى هيجتاز الامتحان بسهولة لان العمالة الفنية بندربها ودى مهنة مش موجودة فى الشرق الاوسط هى اللحام تحت الماء بتحتاجهم دول الخليج
رانيا هاشم : وايطاليا بردوا
اللواء / العربى السروى : عايز اطمن ولادنا الامل فى المرحلة الجاية هو التعليم الصناعى لمنطقة مدن القناة والسويس بالتحديد وخريجى التعليم الصناعى هم هيبقى لهم الاولوية فى العمل فى مثل هذه الشركات لان ده هيبقى مجالهم
رانيا هاشم : موضوع التعليم
اللواء / العربى السروى : من غير التعليم ومن غير صحة هنكون متاخرين من اهم حاجة فى الدستور الجديد خاصة بالبنك الميزانية 4% فى التعليم 4% من الميزانية العامة فى الدولة 2% تعليم جامعى 1% للبحث العلمى وصحة 3% دى حاجة هايلة جدا فى دستورنا الجديد
رانيا هاشم : عملت ابحاث لقيت المدارس بتخلص الساعة 3 -3 ونص الى 4 يعنى اليوم تقريبا بيبقى ضايع خالص قبل كده الطالب كان بيبقى له فترات ترفيهية له رياضة بيعملها فبتالى كان بيبقى فى انتماء طالب متكامل حالتة النفسية نفسها بتبقى كويسة لكن انا شايفة فى ضغوط مش بس على الطالب لكن على ولى الامر نفسه العملية معقدة جدا
اللواء / العربى السروى : عندنا نظام الفترتين وفى بعض المحافظات فى 3 فترات فى طابور والاذاعة المدرسية والمدرسة لها ميعاد بنقفل البوابات الوجبات لصالح المدارس الابتدائى والمدارس الخاصة الفندقية لها وجبات خاصة
رانيا هاشم : كان فى تعطل لكذا مشروع مستشفى مركز الكبد مستشفى السويس العام الجديد مستشفى الامراض ا لنفسية فى مشروعات كثيرة جدا مهمة الناس كانت بتتمنى تتم على ارض الواقع متوقفة ليه ؟
اللواء / العربى السروى : فى قطاع الصحة فى مجهودات كثيرة بتتعمل وفى حاجات كثيرة خلال الفترة الجاية
رانيا هاشم : فى رجال اعمال كثير
اللواء / العربى السروى : خلينى اوجه دعوه لكل المجتمع المدنى من خلال البرنامج رئيس الاتحاد الاقليمى وكل الجمعيات فى السويس اصحاب رؤوس الاموال والشركات ان القطاع الصحى فى السويس تحتاج دعم الجميع خاصة هنعمل مجمع طبى متكامل داخل السويس
رانيا هاشم : فى مجموعة من رجال الاعمال حصلت على اراضى بالمنطقة الصناعية لعمل مشروعات لكن توقفت هل هما خايفين والا مش عايزين ؟
اللواء / العربى السروى : بندعم فيه لصالح انشاء مصانع الموضوع تحت السيطرة
رانيا هاشم : موضوع الشباك الواحد
اللواء / العربى السروى : من خلال هيئة قناة السويس عندى مستثمرين جادين وفى نشاط غير عادى يكملة السياحة
رانيا هاشم : المواطن اللى عايز يسكن مش عارفين يوصلوا لسكن
اللواء / العربى السروى : دى من اكبر المشاكل فى مجهودات كبيرة تمت خلال الفترة اللى فاتت اتعمل عدد كبير من المساكن لكن عندنا مشكلة مرافق بحلها الان عملنا 6 الالاف وحدة سكنية بقدم تحياتى للاستاذ ابراهيم محلب على المجهودات اللى بيعملها مع مواطنى السويس
رانيا هاشم : المظاهرات والا الموضوع ده مش ماثر عليوا
اللواء / العربى السروى : بتحدث يوم الجمعة انا بافتخر بالمواطن السويسى هو عنده وعى احنا بدأنا الشرارة الاولى للثورة وعندهم حنكة يوقف امتى ويبدا امتى كل واحد ياخد حقة احنا عندنا امن محترف والجيش الميدانى موجودة بس المواطن ما بيوصلش الامور الى اكثر مما تحتاج لما صدر قانون التظاهر قانون تنظيم التظاهر فى مادة بتعطى الحق ان هو يختار قناة للتظاهرات التى لا تحتاج له انا فكر فى الموضوع اوفر مكان فى وسط البلد مكان محترم فيه دورات ميه خدمة تقدم لم يود ان يتظاهر ميه مشروبات بحيث لا يخرج بره التظاهر فى الميادين
رانيا هاشم : دخول الحاويات وصاحب الشركة لم يتم مقاضاتة حتى الان هو موجود
اللواء / العربى السروى : هذه الحاويات كان يتم تداولها
رانيا هاشم : هى مرت من فرنسا للمغرب لبورسعيد ثم الى السويس
اللواء / العربى السروى : اخر التطورات فى هذا الملف هما قالوا فيها مواد اشعاعية قالوا فيها مواد مسرطنة ما تم من اجراء هو الاتى فى لجنة وزارية عقدت وزارة شئون البيئة ووزارة النقل موانى البحر الاحمر والقوات المسلحة والهيئات التى لها علاقة وكلفت وزارة الحرب الكيميائية فى القوات المسلحة ادا رة محترمة جدا لما اخذت هذه الادارة عينات من الحاويات حللتها واكتشفنا الاتى نتائج التحليل بتقول نمرة واحد لا اشعاعات لكن هذه المادة عبارة عن حبيبات من مادة اسمها الاينداين لما المادة دى بتتحرق بتطلع بعض الابخرة قد تسبب السرطان
رانيا هاشم : بس بيقول ان هى كان مكتوب عليها غير مصرح لها بالدخول للبلاد
اللواء / العربى السروى : انا بتدى من حيث انتهى الاخرون يهمنى اخلص من هذا الموضوع اتفق على الحاويات هيتم نقلها الى دول عندها امكانية انها تحرق هذه المواد فى افران خاصة وشئون البيئة ومنحة مقدمة من الاتحاد الاوروبى ومنظمة الاغذية والزراعة هو موضوع وقت ملفه هيتقفل قريبا جدا انشاء الله
رانيا هاشم : على عهده حضرتك ان هو مفهوش اى خطورة على المواطن داخل السويس ولا اى محافظة اخرى من مصر
اللواء / العربى السروى : انشاء الله
رانيا هاشم : اشكر اللواء العربى الشرورى محافظ السويس ولكم الشكر مشاهدينا والى اللقاء