45 دقيقة

رغده منير : مشاهدينا الكرام مساء الخير اهلا بكم وحلقة جديدة من 45 دقيقة الحلقة عن الثانوية العامة والاستعدادات التى سوف تقوم بها وزارة التربية والتعليم مع مختلف الجهات .. هنتكلم عن نظام الثانوية العامة الجديد وتاثيره على الاسرة المصرية نبدا بالترحيب بالاستاذ حسن شحاتة الاستاذ بجامعة عين شمس وعضو المجالس القومى اهلا بك
أ.حسن شحاتة : اهلا وسهلا
رغده منير : دكتور نروح نتابع تقرير والزميل على ابو زيدان حول الترتيبات التى تجرى على قد م وساق لاستقبال الامتحانات
تقرير : ايام قليلة ويبدا مارسون الثانوية العامة حيث تجرى الاستعدادات على قدم وساق ووضع اللمسات النهائية لكافة التجهيزات لاداء 14 الف طالب وطالبة بمرحلتيها الاولى والثانية امتحاناتهم تبدا يوم السبت المقبل وتجهيز جميع الاجراءات التى تذلل كافة العقبات وحل المشكلات امام المراقبين والملاحظين والطلبة وفق تامين كاملا من الجيش والشرطة واستعدت بورصة العمليات المشكلة والمكلفة بالوزارة لمتابعة اعمال الامتحانات عبر شبكة الفيديو كونفرنت للتعامل مع اى مشكلة طارئة قد تحدث فى الامتحانات بالصوت والصورة وتخصيص خطين ساخنين وتوقيع العقوبة على الطالب المخالف والاسئلة من المقرر وفى مستوى الطالب المتوسط
رغده منير : بارحب بحضراتكم وبالدكتور حسن شحاتة معنا بالاستديو الى متى الثانوية العامة ولماذ تظل كالصداع المزمن فى راس الاسرة المصرية
أ.حسن شحاتة : اولا لابد ان نهنئ المعلمين والبيت المصرى وانشاء الله تنتهى الامتحانات بالنجاح انشاء الله نصف مليو طالب وطالبة بينهوا مرحلة تعليمية ويبداوا مرحلة جديدة لماذا كان الثانوية العامة مشكلة كل بيت مصرى لانها بتشكل مستقبل كل طالب وبناءا على مجهوده تؤهلة للكلية والجامعات المصرية غير كافية لعدد الطلبة
رغده منير : النظام الجديد للثانوية العامة ما تم تداولة سواء على لسان وزير التربية والتعليم او المسئولين فى وزارة التربية والتعليم النظام سيلغى المركزية فى نظام الامتحانات على مستوى الجمهورية المحافظات هتكون مسئولة عنه ايضا سلطة المدرس وسلطة المدرسة هيضبط الحضور والغياب وايضا حتى المدارس هيكون عليها رقابة وضبط فى عملية مراقبة الغياب لان هيكون عليها درجات ونفترض انه هيلغى الدروس الخصوصية لانه هيكون سنه واحدة الى اى مدى هذا كافى لحل هذه المشكلة
أ.حسن شحاتة : كانت قبل سنة 94 سنة واحدة امتحان فى كل المواد ثم اخذ مجلس الشعب قرار ان يكون التعليم على سنتين حتى يكون هناك مواد اختيارية من هنا انتشرت الدروس الخصوصية وتم الغاء التحسين واصبح الطالب بيحصل على درجات بنسبة 100% واصبح التنسيق
رغده منير : من هنا بدا الارتفاع الجنونى فى المجاميع
أ.حسن شحاتة : لان الطلبة كلهم فى امتحانات الثانوية العامة كان بيحفظوا والامتحان على اساس فى ثانية ثانوى محدش بيحضر يطلعوا ثالثة ثانوى لما بقوا سنتين اولى وثانية ثانوى بيحضروا مجلس الشعب المصرى كان بيتحدى الدولة والنظام ويبتدى يقولك الطالب اللى بيجيب 70% بيخش الامتحان بيجيب الاولاد شهادات مرضية وماحضروش المدارس ويخش الامتحان واصبحت الدولة بتنفق 200 مليار جنية سنويا على الدرس واصبح اولياء الامور بيتحملوا الدروس الخصوصية فى البيت واصبح الكتاب الخارجى والمدرس الخصوصى اهم حاجة احنا كنا عاوزين نطور هذا النظام لابد نعملة سنتين لما جاء مجلس الشعب المنحل اللى فات ورد الثانوية العامة الى سنة واحدة هل هو كان فاهم او كان حد من اللى كانوا موجودين فيه على وعى او على دراية بنظام الثانوية العامة نظام سنة واحدة واعادوا الثانوية العامة كما هى سنة واحدة احناعاوزين فى الثانوية العامة نتجاوز الاخطاء انا عاوز 80% من الاسئلة فى الامتحان و20% للقدرات عاوز 5 مواد تحيلة للكليات الهندسية قطاع الهندسة او خمس مواد يسهلوا قطاع الطب او خمس مواد انا لا امتحنة كل المواد
رغده منير : النظام الجديد مفروض انه 8 مواد
أ.حسن شحاتة : 8 مواد لكن هو نسى حاجة واحدة ان يبقى فى امتحان ميول وقدرات نسى ان كل مفيش حد يدخل الجامعة الا بمعيارين شرط اساسى انه نجح فى الثانوية العامة
رغده منير : المجموع بقى
أ.حسن شحاتة : ال 20% دول ميول وقدرات تضاف على ال 80% القافة الورقية اللى هما بيمتحن فيها قالوا مفيش ملحق و8 مواد ده كويس قوى لكن انا لما امتحنة عربى وانجليزى وفرنساوى ده كويس قوى اللغات دى قيمتها ايه بالنسبة للطال اللى بيخش كلية هندسة او كلية طب ملهاش قيمة لكن بالنسبة للطالب اللى بيخش كلية اداب او قطاع العلوم الانسانية ليها قيمة فانا جزء يمتحن 5 مواد كفاية ال 5 مواد دول يمتحنهم فى ثالثة ثانوى فقط مش عاوزين ثانية وثالثة ثانوى فى درجات ياخذها فى العام الدراسى بتحسب له امتحانات ترم اول وترم ثانى والامتحانات الدورية كل شهر بتمشى مع الطالب
رغده منير : ده موجود فى النظام الجديد
أ.حسن شحاتة : لأ النظام الجديد الثانوية العامة ما احطش فيها اعمال سنة
رغده منير : مش اعمال سنة بس فى امتحانات دورية
أ.حسن شحاتة : اه فى امتحانات دورية غير مؤثرة على دخولة الجامعة
اساس دخولة الجامعة معيار واحد النجاح فى الثانوية العامة فا احنا عاوزين نعيد للثانوية العامة انا لا اقدر احط امتحان الثانوية العامة عشان قدرات ومهارات ولا اقدر انقل الطلاب من ثقافة الايداع لثقاقة التفكير مرة واحدة فى اسئلة للطلبة المتميزين ويعتمد على سنوا سابقة او قوانين وقواعد موجودة فى سنوات سابقة بيكون السؤال مركب من جزئيات اكثر من جزئية
رغده منير : طب نروح نشوف تقرير للزميل احمد فؤاد عن يوم فى حياة طالب الثانوية العامة ونرجع نستكمل النقاط الاخرى
تقرير : محمد مصطفى احد ابناء الاسرة المصرية التى تستعد لاستقبال امتحانات الثانوية العامة لعام 2013 مرحلة حرجه يمر بها كل طالب
محمد مصطفى : انا ببدأ يومى اصلى الظهر ثم اقفل حجرتى عليا باذاكر اكثر دلوقتى علشان ربنا يكرمنى وادخل كلية باتمناها
رغده منير : عدنا اليكم مرة اخرى مشاهدينا والدكتور حسن عايزين نعرف شكل الثانوية العامة
أ.حسن شحاتة : هقول لحضرتك فى حاجة اسمها معايير وضع الثانوية العامة بتوضع حسب معايير تربوية عن طريق تشكيل لجنة من احد الموجهين والمعلمين واستاذ فى الجامة او من مؤلفى كتب المدرسة هناك شروط لوضع الامتحان لا تتغير ولا تختلف وتكون من الكتاب المقرر هناك طريقة لكيفية اخذ اعلى درجة اللى بيحط سؤال او سؤالين مرتبطة بالاحداث الجارية السؤال المميز بيعتمد على قاعدة درسها فى سنه اولى او ثانية مع وجود قاعدة اخرى معاها بيكون مركب من قاعدتين يعنى مش عبقرى او فيه ذكاء ولازم الطالب ما ينشنش لان كل باب فيه سؤال والسؤال عبارة عن عنوان من العناوين على كل موضوع فى كل فصل وفى الرياضيات والكيمياء والفيزياء الامثلة المحلولة بتيجى فى الامتحان هو ما بيشفهاش ويقول دى محلولة لكن مهمة جدا لا يعتمد على كتاب خارجى كتاب الوزارة
رغده منير : ده معناه انه يحفظ الاسئلة بشكلها ده لانه فى ناس بتحفظ رقم الصفحة
أ.حسن شحاتة : التنشيش ممنوع موضوع فى كل فصل سؤال لابد من التركيز على الاسئلة التطبيقية فى كل الكتاب بالنسبة للاختيارى الطالب الشاطر يعمل ايه هو مفروض بيحل 5 من 6 هو يحل 5 كويس قوى ويبين رقم السؤال لان المصحح لما يجى يصحح عينه على السؤال ورقم السؤال وانت كل جزئية بتحاول تحلها بتاخذ عليها درجة حتى اللغات العلوم الانسانية لابد تكون النقاط واضحة لان المصحح كل مصحح له رقم سؤال فكل مصحح عينه على رقم السؤال اللى بيصححة
رغده منير : انا اتمنى يبقى فى كم من طلاب الثانوية العامة يكونوا شيفنا دلوقتى الحقيقة دى كلها نصائح مهمة جدا وبسيطة موضوع التنظم بنشكر حضرتك استاذ حسن شحاتة استاذ المناهج بجامعة عين شمس ولكم الشكر مشاهدينا والى اللقاء فى حلقة جديدة .