وجهة نظر

عبد اللطيف المناوي: السيدات والسادة مساء الخير بدأ اقل من ربع سكان مصر بقليل امس العودة الى المدارس والجامعات ازدحمت الشوارع صباحا ب17 مليون طالب في طريقهم الى المدارس انتظموا في طابور الصباح قاموا بتحية العلم او بعضهم قاموا بتحية العلم دق جرس الحصة الاولى وبدات الدراسة مثل كل عام وبدت الامور كأنها طبيعية لكن الحقيقة ان هناك عدد من القضايا الساخنة أثارت جدلا كبيرا في الفترة الاخيرة بين الطلاب والمدرسين واولياء الامور ووزارة التربية والتعليم.
السيدات والسادة بدأ العام الدراسي بمشكلة رفض وزارة التربية والتعليم ومنح تراخيص لبعض الكتب الخارجية فوجدت الاسر المصرية امام سوق سوداء في الكتاب ووقع الطلاب بين ازمتين طاحونة الدروس الخصوصية التي لا ترحم وبين امبراطورية الكتب الخارجية التي تتضخم وتساءل اولياء الامور لماذا لم تقم الوزارة بتطوير الكتب المدرسية قبل منع الكتب الخارجية ، التزمت مدارس بتسليم الكتب قبل بدء الدراسة لكن الواقع يقول ان هذا لم يحدث في كثير من المدارس،اسئلة ساخنة نطرحها اليوم في كل بيت مصري كيف استعدت وزارة التربية والتعليم للعام الجديد ما حقيقة ما يثار عن وجود نقص في المعلمين والازمة بين الوزارة والمطابع الخاصة كيف تراقب الوزارة ارتفاع مصاريف المدارس الخاصة وما بعد المصاريف وهل تعود حصص الانشطة الاجتماعية والرياضية وهل تصبح الجولات المفاجئة للوزير هي الحل لإعادة الانضباط مرة اخرى.
السيدات والسادة اسئلة مهمة وقضايا ساخنة نستمع فيها الى وجهة نظر الدكتور احمد زكي بدر وزير التربية والتعليم - اهلا بيك يافندم..بدأت الدراسة بالامس هل ما تقوم به الوزارة
د/ احمد زكي بدر: فيه واحد بيقول ان الكتاب الخارجي فيه كل حاجة للطالب دي بداية فساد التعليم دا بداية بوظان التعليم انه تدي الطالب في ايده تسقيه كل حاجة ما بتسيبلوش فرصة يفكر او يبتكر او يجيب معلومة من أي حتة فبتقتل فيه أي محاولة للاستكشاف او بذل المجهود فدا احد اسس فساد التعليم والمتعلمين
عبد اللطيف المناوي: انت متفق في البداية انه فيه مشكلة حقيقية موجودة في الكتاب المدرسي؟
د/ احمد زكي بدر: طبعا الكتاب المدرسي محتاج الى تطوير ولكن به مزايا بيضيعها الكتاب الخارجي يمكن الكتب اللي لحقناها السنة دي بتاعة ستة ابتدائي وتالتة اعدادي اضفنا اليها التدريبات والامتحانات والحاجات دي لكن الكتاب فيه ايه واولياء الامور حتى يشتكوا يقولك انظر الصورة طلع منها كذا طب دي محطوطة كده حاططها الخبراء مدين له صورة ويقوله طلع منها تخيل اسال عشان تفكر عشان تتعلم ، فالكتاب الخارجي بيقوله اللي احنا عاوزين نعلمه في المدرسة بتمحوه الكتب الخارجية
عبد اللطيف المناوي: طب الكتب الخارجية وزارة التربية والتعليم هي اللي بتعطي تصريح بطباعة هذه الكتب الخارجية؟
د/ احمد زكي بدر: احنا لحد دلوقت ما اديناش تصاريح احنا مش بنحارب الكتب الخارجية احنا عايزين نقنن ونصلح الكتب الخارجية احنا مسئولين كوزارة على أي كتاب له علاقة بالتعليم فمسئوليتنا ان انا اتاكد ان المعلومات اللي فيه صح ومعروضة بشكل علمي تعليمي سليم اتاكد انه ما بيقتلش حب المعرفة عند الطالب
عبد اللطيف المناوي: دكتور بدر انا هاخد مكان ولي الامر واسال اسئلة اتصور انت أي ولي امر ممكن بسالها السؤال هو انتوا امتى اخدتوا قرار بهذه الوقفة امام الكتب الخارجية؟ وعلى أي اساس هل انتم عملتم دراسة بهذه المسالة؟ السؤال التاني مرتبط بلماذا لم تمهدوا لنا نحن اولياء الامور هذا القرار؟ هنعمل موقف كذا وخطتنا كذا
د/ احمد زكي بدر: اولا احنا ماخدناش موقف ولا محتاجة تنبيه احنا عندنا كتب تفحص ومن منها سليم وجاهز بنجيزه مقابل رسوم بيدفعه الناشر لانه مبني على كتاب المدرسة اللي الدولة بتدفع فيه اكتر من مليار جنيه احنا مسكنا الكتب وجبنا لجان متخصصين خبراء من الجامعات والتربية والتعليم فحصوا هذه الكتب طلعوا منها 140 غير صالحين للتداول والباقي فيه ملاحظات تم تعديلها لما يبقى فيه ملاحظات تخيل اللي اترفضوا فيه معلومات غلط وغير مناسبين للسن فاحنا راجعنا وقلنا عشان الكتاب يجاز لازم تصحح هذه المعلومات وظهرت ادعاءات انه المسالة فلوس كانه دي مش شغلتنا خالص
عبد اللطيف المناوي: انا هنا كولي امر اهمية الكتب الخارجية ولا هي خلاف على رسوم الملكية الفكرية اللي الوزارة دفعاها؟
د/ احمد زكي بدر: انا بقى كوزارة ببص على كل النواحي انه عارف انه زيه زي الدروس الخصوصية بالظبط اولياء الامور بيقولوا يعني اجيب كتب خارجية ولا دروس خصوصية ولا آكل ولادي واشربهم طيب لما نيجي نعمل حاجة تقنن احنا مش عايزين نحاربها بنبص لها علميا مش صح ولما نجيب من اساتذة جامعات ومسكنا الكتاب حرف حرف وكلمة كلمة عشان يلاقوه غير صالح الناس دي بدفع مكافآت بدفعها من وزارة التربية والتعليم ادفعها لكي اجيز كتاب لناشر يكسب منه ملايين هما بقى بياخدوها يدفع بقى ولا ما يدفعش وعلميا صح ولا غلط هي مكاسب وفلوس عايز يحققها انت عايز تكسب من كتاب وتطبعه هذا شأنك بس لازم تلتزم بلوايح وزارة التربية والتعليم احنا عندنا كتاب عمله خبراء من الوزارة بنديهولك مجانا وعندي مدرس بيشرحلك في الحصة وادوات تكنولوجية بتسهلك الشرح وعندي مراكز للعلوم توضح لك الحاجات دي وتسهلها لك كل الحاجات دي مع بعضها تغني جدا
عبد اللطيف المناوي: طيب هو راح السوق السودا ويجيب الكتاب بضعف سعره
د/ احمد زكي بدر: لانه احنا ادامنا الكتب الخارجية زي ما ادمنا الدروس الخصوصية لازم تاخد درس دي سنة شهادة بقالنا سنين طويلة شغالين في المسالة دي عندنا خيارين اما ان نستمر في المسالة كده لان احنا اتعودنا وفي الحالة دي ما نشتكيش بقى ان التعليم وحش ونقول ولادنا مش عارف ايه ولا بيتخرجوا ايه واما ان ننتصر على هذا الادمان وهذا هنتعب فيه شوية أي واحد متعود على أي حاجة لما بيتخلى عنها لازم هيتعب مش هيتعب ان ابنه هو الحاجة اللي متعود يعملها السنين دي كلها مش قادر انه يعملها احنا ملتزمين بتعليم ابناءكم ملتزمين بامتحاناتهم وملتزمين بمستواهم الكتاب كمادة علمية وكشرح هو اللي يمتحنوا فيه واحنا ملتزمين انه الامتحات ما يكونش من الكتاب الخارجي
عبد اللطيف المناوي: الطلبة اعتمدوا على كتاب المدرسة واعتمدوا على المدرس هل دا التزام من الوزارة اني انجح؟
د/ احمد زكي بدر: انت داخل عشان تتعلم اهم من النجاح انك تتعلم فيه فرق بين انك صاحب شهادة وبس انك تبقى متعلم في امتحان الشهادات بيطلع بيقولوا مش في الكتاب السؤال دا راجع كتاب المدرسة هتلاقي السؤال على الحتة دي مفيش ابدا امتحان خارج كتاب المدرسة لازم يكون فاهم الخلفية العلمية اللي جابها كتاب المدرسة لكن ولا عمرها حصلت ولا ان شاء الله هتحصل ان الطلبة يقولوا السؤال دا ماخدناهوش والله الكتاب الخارجي هو الحل هتلاقيه في صفحة 90
عبد اللطيف المناوي: خليني اتوقف معاك عند الكتاب المدرسي، الكتاب المردسي في مراحل التعليم المختلفة تطوير المناهج...
د/ احمد زكي بدر: اولا عملية تطوير المناهج سنة ستة ابتدائي وثالثة اعدادي دي اتطورت ، تطوير المناهج مش مرة واحدة باستمرار فيه علم جديد وفيه تكنولوجيا جديدة ولازم يؤخذ بها اذن دي عملية مستمرة الحاجات الجديدة وما يناسب كل سن وكل عمر ونعمله له عمرنا لو رضينا لو مستوى الكتاب يبقى كده وصلنا للكمال ويبقى هنا فيه حاجات ناقصة محتاج تطوير الحاجات اللي عايزين نحذفها نحذفها الحاجات اللي محتاجة وسائل ايضاح بنعملها والخبراء بيحسنوا ويطوروا فيها اولياء الامور بقى انه كل هذه المشاكل على فكرة موجودة برضه في الكتاب الخارجي والكتاب الخارجي لا يستطيع ان هو يحذف ولا يزيد ولا ينقص دا هو بيعمل كتاب بيغطي المنهج
عبد اللطيف المناوي: يبقى اذن المشكلة في المنهج
د/ احمد زكي بدر: لا المشكلة مش في المنهج لو فيه مشكلة في المنهج هو التاني بيستغل حاجة مهمة بيستغل ان الكلمتين دول بيحفظهم وتدخل الامتحان هتلاقي كلهم ان مكانش تلت ارباعهم بحيث تضمن النجاح الكلام دا طبعا ما ينفعش والدليل ان الكتاب الخارجي مثلا مليان موضوعات انشاء وفيه ملايين الطلبة يقولوا الطفولة واهتمام الدولة بالطفولة اكتب في ذلك..اكتب في ذلك يعني لازم افرق بين واحد قاريء قرا كتب وقرا جرايد ونت وشاف وسائل اعلام فلما كلهم بيحفظوهم بعد الامتحان بيروح الكلام دا .. دي برضه سببها ايه ان الامتحان بيقولك يسمع دا مش الامتحان الحقيقي فاحنا بدانا فعلا ان الامتحان جزء بيقيس الذاكرة جزء بيقيس الابداع حاجات كتيرة جدا لازم تكون موجودة وانت عندك المادة العلمية وبالتالي يبقى واحد عارف يعبر كويس قوي وواحد فاهم بس مش عارف يعبر كويس قوي
عبد اللطيف المناوي: اصبح دلوقت حضور المدرسة- الطلاب هما الضحية؟
د/ احمد زكي بدر: اصبح حضور المدرسة الطالب هو الضحية اصبح دلوقت لما الطالب يقعد في البيت تنام وتاخد دروس وتاخد الكتاب دا ...
عبد اللطيف المناوي: هل احنا محتاجين الى تغيير في طريقة تفكيرنا؟ الكتاب الخارجي الدروس الخصوصية حالة الاستسهال لانه عشرات السنين العملية التعليمية تمت بهذا الشكل
د/ احمد زكي بدر: طيب ازاي بقى تعملها ازاي انا بقولك انت جبت كتاب خارجي او ماجبتش كتاب خارجي مش هيؤثر خالص لكن مقدرش انه بعد السنين كلها اني اسيب له كل حاجة متاحة واقوله انت بقى اوعى تروح تجيبها لازم فيه شئ ، التقنين والترتيبات اللي جواك لازم تتغير والا مفيش حاجة هتتغير لما بتشرب سجاير واقولك دي مضرة هتبطل سجاير انت بتقلل وبعدين يقولك خد سيجارة اللي مش عارف ايه وبعدين يقولك خد بدالها البونبوني بحيث ان انت في النهاية تقلع خالص
عبد اللطيف المناوي: يعني مسالة التقنين اللي مطلوبة دلوقت هدفها اعادة الامور الى الطبيعية اتنين ان الدولة تاخد حقها وبالنسبة لحكم المحكمة اللي خرج منذ ايام؟
د/ احمد زكي بدر: القضاء نجله وننفذه فورا انت دلوقت هما بيقولوا انت مالكش حق ودا مش حق ابداع ودي مادة علمية للدنيا انا بشوف السيناريوهات اللي ممكن تحصل ايه دي مالهاش لها صاحب وما تقدرش تحط عليها رسوم انا بقى مش هعمل حاجة انا هاخد الكتاب زي ماهو واطبعه مجانا هتبيع انت بقى ..؟ الحكاية برضه انا عاوز اقول لاولياء الامور واقول للناشرين انه ليس هناك صراع ولا خلاف
عبد اللطيف المناوي: يعني الغرض مش ان انا احصل فلوس
د/ احمد زكي بدر: الوضع الحالي الكتب مجاتلناش معدلة وحكم المحكمة لسه ماجاش ان احنا غلط دي برضه تجارة غير مشروعة بدون تصريح دا انت يا اخي لو بتبيع أي حاجة لازم تاخد تصريح واحنا شخصيا ما بنتخذش أي اجراءات احنا بنبلغ الجهات المسئولة دي بنقوله والله احنا معندناش ترخيص واذا كان فيه كتب خارجية موجودة في السوق وبتتباع هذه مخالفة ولهم الحق انهم يصادروها
عبد اللطيف المناوي: والاهم من كده ان الرسالة لاولياء الامور ان الكتب الخارجية هو شكل من اشكال الادمان والاعتياد وليست له فائدة على الاطلاق
د/ احمد زكي بدر: انت عايز تجيب كتاب خارجي عشان ادمنته انت مش عايز تودي ابنك المدرسة عايزه يفضل ياخد دروس
عبد اللطيف المناوي: ودا مش هيحصل في ظل التطوير؟
د/ احمد زكي بدر: الدراسة مدرسة.. تربويا وفيه حاجات قانونية القانون واضح جدا يقولك اللي يحضر اقل من 75% يحرم من الدخول هل يجرؤ أي انسان انه يخالف القانون دا قانون لو انا ماطبقتوش المفروض ان انا اتحاكم روح بقى اشتري الكتب الخارجية اللي موجودة كلها اللي متهربة واللي بتروحلك البيت واللي على الرصيف وروح جميع الدروس الخصوصية ملك الفيزيا وملك الكيما لو ماحضرتش مش هتدخل الامتحان هتعمل ايه بقى..؟ فيه ناس حرمت من دخول الامتحان وبعدين فيه نظام بيربط جميع المدارس وبينفذ تدريجيا بحيث اصل الى جميع المدارس
عبد اللطيف المناوي: وصلاحياتك عاطيها في كل المدارس؟
د/ احمد زكي بدر: كل الصلاحيات واحنا السنة دي عاملين تفويض كامل لجميع المحافظين لانه هو اللي شايف وهو اللي عارف ظروف محافظته ولو حضرتك شفت مديري المديريات التعليمية ونزولهم ومتابعتهم هتلاقي مجهود رائع وعظيم لا ينبئ الا بكل خير
عبد اللطيف المناوي: هل انت مع مسألة المرور المفاجئ
د/ احمد زكي بدر: اه - احنا وكلاء المديريات على مستوى الجمهورية كلها قلنا لهم في كل حتة للمتابعة لانه مهم في الفترة دي حكاية المتابعة لو انا قاعد في مكتبي كل واحد مش عارف ايه اللي بيحصل
عبد اللطيف المناوي: كمتابعاتك وزياراتك المفاجئة منقسمة فيها الاراء هناك من يعتقد انها مفيدة بالفعل وهناك من يعتقد بانه ليست الجولات مفيدة وللعلم بترد بايه على الرأي التاني
د/ احمد زكي بدر: سيادتك لو جبت احسن كتب وجبت احسن مناهج في العالم وجبت مدرسين من احسن جامعات العالم وجبت احسن تكنولوجيا وحطتها في المدارس وتلاقي الطالب مش بيروح والمدرس مش بيروح يبقى كل اللي عملته مفيش فايدة لازم نتأكد من انه فيه انضباط وكل يؤدي دوره لو حسبت لك بنشتري كمبيوتر بقد ايه في السنة
عبد اللطيف المناوي: تكلفة كبيرة ومحتاجين اكتر كمان
د/ احمد زكي بدر: جدا ..اكيد طبعا لو ماحصلش انضباط يبقى انا كده اهدرت المال العام اول حاجة في اصلاح التعليم في انه ينضبط
عبد اللطيف المناوي: الانضباط الخاص بالطلاب هو ال75% السؤال هو طيب لو رحت مكان او مدرسة لا يوجد فيها مكان ويوجد فيها مدرس غير مهتم اعمل ايه
د/ احمد زكي بدر: لو انا قلت انضباط وماوفرناش الكلام دا يبقى كده انت عندك حق ولكن هل ننتظر انه الدنيا تتصلح جدا وبعدين اقول للطلبة روحوا المدارس مش معقول لازم تيجي تدريجي دي نمرة واحد تاني حاجة انه الحاجات دي قابلة للاصلاح المدرسة احنا عارفين انه فيه اكتر من 3 الاف مدرسة هيزيدوا لانه احنا في تطوير مستمر وتحسين مستمر التكنولوجيا والاجهزة والمدرسين والمعلمين مستمرين لحد النهاردة في تطوير وكادر المعلم الجديد زادت فلوسه انه بنقول ان المعلم دا له كادر خاص بيبني مستقبل الراجل بنقوله خد الطالب دا وابنيه اذن دا الرمز الاول الميزة التانية المدرس دا مستمر مستمر يبقى مهتم وحاصل على شهادات الICDL كان زمان ترقيته مرتبطة بحضوره دورات معينة النهاردة المعلم في تطور مستمر ، كان زمان عندنا السبورة السودا دلوقت السبورة الذكية يبقى الطالب قاعد ويرد على الشاشة
عبد اللطيف المناوي: ايوة دي منتشرة بنسبة قد ايه؟
د/ احمد زكي بدر: مش في كله طبعا المدارس لما تروح بقى وهل دي حاجة محسوسة ولا لا انزل المدارس اللي موجودة في القرى طبعا مش كلها بنشوف مدرسين بيستعملوا دي طبعا حصل نقلة في المشروعات اللي عملتها السيدة سوزان مبارك في الاقصر دا معناه انه فيه فعلا خطوات كبيرة جدا
عبد اللطيف المناوي: دور ولي الامر في حالة ما لو انه كل ما يتحدث عنه الوزير غير موجودة بشكل كامل ان انا هبعت ابني على المدرسة ايه اللي اعمله؟
د/ احمد زكي بدر: حضرتك بلغني او بلغ الادارة التعليمية لانه فيه حاجات زي الفصول اللي كثافتها عالية دي مع الوقت مع المدارس اللي بتتبني يعني فيه المناطق اللي فيها كثافة سكانية عالية بعد المدارس الجديدة هتقل الكثافة في الفصول برضه هل نروح نتحمل في الفصل المزدحم ولا نقعد في البيت لحد ما المدارس تتصلح..؟
عبد اللطيف المناوي: في حالة وجود شكل من اشكال التقصير؟
د/ احمد زكي بدر: عايزك تساعدني الجمعيات المدنية دلوقت بتساعد دلوقت الجمعيات الاهلية المشروع بتاع ال100 مدرسة دي جمعيات اهلية كان اسمه ال100 مدرسة دلوقتي بقوا 400 مدرسة الناس بتدعم ليه لانها مهتمة انها تقدر تساعد لو لقيت تقصير برأي ممكن تتحسن العملية التعليمية ، مستقبل البشرية ومستقبل ولادنا الصغيرين في دا
عبد اللطيف المناوي: فكرة تأخر الكتب الدراسية هل دا له علاقة بالكتب الخارجية؟
د/ احمد زكي بدر: هذا ماقيل افك باطل اللي اتكتب كده او اتقال كده دا غير صحيح بالمرة .. احنا السيد رئيس الوزراء راح زار مدرسة في 6 اكتوبر لا يوجد شكوى واحدة من عدم وجود كتب انا مقدرش اقولك فيه كتب وتكون فيه كتب مارحتش وقلنا قبل كده كل المناهج اتطورت ماعدا المنهجين الجداد اللي هما 4 كتبي في ستة ابتدائي وتالتة اعدادي دي بتنزل لاول مرة اتعملت من نوفمبر دي لحقناها واضفنا عليها الامتحانات بتاعة المحافظات دي هتتأخر شوية لكن كل حاجة تانية مفيش مجال للشكوى 75% من هذه الكتب اللي هي ستة وتالتة اعدادي موجودة في المدارس المفروض انها تتوزع على الطلبة واللي كتب دا يقولي انا رحت المدرسة الفلانية ولقيت الحد الفلاني ماخدش كتب ويقول لي لانه قد يكون ثغرة نحلها
عبد اللطيف المناوي: موضوع الطباعة انتم طلبتم الطباعة الحكومية مع انه يتعارض مع التوجه بتشجيع القطاع الخاص والمطابع الحكومية لجأت الى التعامل مع المطابع الخاصة من الباطن للانتهاء من طباعة الكتب
د/ احمد زكي بدر: دا برضه غلط احنا بيحكمنا قانون هي المناقصات لايد لي ولا لغيري عملنا مناقصة للمطابع كلها يقولك شركة مطابع ولكنها لاتملك مطابع ومطبعة محمد تلاقيها هما الاتنين في مكان واحد دا بقى دي شغلانة لو تم توزيع بوتاجاز توزيع عيش المناقصة اتعملت السنة اللي فاتت وكان فاضل كتابين اتنين ، الممارسة دي ماشية مع القانون اللي بيقول اني اعمل مناقصة او ممارسة او لو انا جهات حكومية اسند لها على طول بالامر بالطباعة لو حد من اللي بيشتكوا دول يقول لو انا منعت حد او اديت حد بالمخالفة الممارسة اللي عملوها دخلت الشهر اللي فات وكلهم دخلوها ووزعوا حصص ودا اللي كملنا عليه احنا لاني مكانش عندي وقت اني اعمل مناقصة جديدة
عبد اللطيف المناوي: انا عايز اعرف اللي جاي- هيتم ازاي؟
د/ احمد زكي بدر: انا مابوزعش حصص انا لست وزارة تموين
هنطرح وهندي للرخص يعني سيادتك انت بتشتغل في الوزارة وعندك مطبعة ماتدخلش سيادتك امكانياتك ماتطلعليش كتاب المدرسة زي ما انا عايزه ماتدخلش وفيه مطابع تستبعد لانها تضرني وتضرك لانها تطبع الاول الكتب الخارجية وبتيجي الشكاوى من ان الكتب ماجتش انا بطلب حاجات محددة في توقيتات محددة
عبد اللطيف المناوي: هل هناك تفرقة بين المطابع الحكومية؟
د/ احمد زكي بدر: في حدود ما يسمح به القانون ممكن تدي بالامر المباشر على طول وممكن تعمل في الجرايد تعالوا خدوا كراسة الشروط لكن محدش يقدر يقولي انت خالفت القانون او انت عملت غلط لكن المطابع اللي مش موجودة اصلا واللي يعمل واحد باسمه وواحد باسم مراته..لا
عبد اللطيف المناوي: فيما يتعلق بمسألة المصروفات؟
د/ احمد زكي بدر: احنا جات لنا شكاوى انه فيه مدارس زودت مصروفاتها وبعتنا لجان وثبت فعلا ومفيش فلوس زيادة عن المقنن وزيادة عن القانون احنا بقى اللي بندير المدرسة الى ان ينصلح حالها ويتوبوا وينيبوا هترجع تاني وعلى فكرة المدارس دي لا نفرق بين خريج المدارس الحكومية وخاصة لانه كلهم بيعلموا ولادنا وكلهم بيخضعوا للقانون تمشي بقى تبع القانون اهلا وسهلا وفيه موضوع مخطط له ان يبدا مع اولى ثانوي 2011 هيعرض على مجلس الشعب في دورته القادمة بحيث اذا تم هيبقى مع اللي داخلين اولى ثانوي
عبد اللطيف المناوي: مما يعني ان النظام في العام الماضي هو بتاع السنة دي؟
د/ احمد زكي بدر: عندما يقر هينفذ على اللي داخلين اولى ثانوي مش هينطبق عليهم القديم في الثانوية العامة هيبقى فيه اختيار مواد وتدريب كتير قوي على اللي داخلين اولى ثانوي 2011
عبد اللطيف المناوي: تطوير التعليم هو المخرج الوحيد لكي نصل الى ما ينبغي ان نكون عليه
د/ احمد زكي بدر: وآن الوان بقى ان احنا نتعاون كلنا احنا عمالين نشتكي كتير جدا للكن لو تعاونا كلنا عشان تكون هناك نهضة تعليمية
عبد اللطيف المناوي: دكتور احمد زكي بدر شكرا جزيلا لك السيدات والسادة الى لقاء اخر باذن الله