اتجاهات

مسعد ابو ليلة : اعزائي المشاهدين السلام عليكم ورحمة الله وبركاته اهلا بكم في حلقة جديدة من اتجاهات حول قاعدة بيانات الناخبين سيكون موضوع حلقة الليلة وضيفنا في الاستوديو المهندس طارق سعد عضو الامانة العامة للجنة العليا للانتخابات واتجاهنا النهاردة حول قيد المواطنين في قاعدة بيانات الناخبين عشان نفسر كيف بداية تنشا قاعدة بيانات الناخبين وايضا تجدد وتحدث وايضا كيف يتنم قيد الناخبين
م . طارق سعد: بالنسبة لانشاء قاعدة بيانات الناخبين الحقيقة دي بيحكمه قوانين مباشرة الحقوق السياسية قانون 73 قال انه تنشأ قاعدة بيانات الناخبين من بيانات الرقم القومي يقيد فيها كل من له حق الانتخاب ولم يلحق به مانع من موانع مباشرة الحقوق السياسية هذه الموانع ممكن من النيبابة والاحكام او الجوازات والجنسية او افراد الجيش والشرطة ولكن قاعدة بيانات الناخبين مختلفة تمام الاختلاف عن قاعدة بيانات الرقم القومي التي تستمد بياناتها من الرقم القومي ولكن يطرأ عليها تغييرات مستمرة ويتوقف التعديل فيها بدعوة الناخبين زي مثلا الاستفتاء على الدستور ولكن التحديث مستمر على مدار العام
مسعد ابو ليلة : نروح لملخص الدعوى التي قالت ان عملية قيد الناخبين تدينا ملخص عما دار في هذه الدعوى
م . طارق سعد: الدعوى تقدم بها اتنين من النواب السابقين عن المنوفية وتدخل معهم مجموعة اخرى على حاجتين عدم اعتماد قاعدة بيانات الناخبين وبطلان الانتخابات من اول استفتاء مارس حتى الاستفتء على الدستور ودي ليا فيها تعليق صغير في مارس مكانش فيه قاعدة بيانات الناخبين لانه تعديل قانون مباشرة الحقوق السياسية تم في مايو 2011 وفي مارس 2011 الاستفتاء على التعديلات الدستورية كنا بنروح وناخد البطاقة وهما اللي كانوا بيكتبوا اسامينا فدي سقطة لم تكن في محلها وهذه الدعوى بناء على ان مقيميها اخذوا نسخة من بيانات الناخبين في دائرتهم بنطلق عليبها نموذج 27 هذا النموذج بيبقى مكتوب فيه اسم الناخب فقط .. المدعي الاول خد هذا النموذج وحوله الى شكل تاني يمكن التعامل معه اثناء هذا التحويل ترتبت اخطاء كثيرة مبنية على خطأ فني في الاول
مسعد ابو ليلة :ايه هي الملاحظات اللي لقاها المدعين في الدعوى من وجهة نظرهم انها جديرة بالمناقشة وجديرة بالطعن عليها وحضرتك ازاي رديت عليها
م . طارق سعد: نمرة واحد انه كانوا بيقولوا انه فيه تكرار في الرقم القومي والمهندسين قاوا انه لا يوجد تكرار في الرقم القومي كاملا 14 رقم واحب اوضح ن تكرار ال7 ارقام الاولى لا يعني التكرار ولا يعتبر تكرار جزء من الرقم القومي هو تكرار للرقم القومي تاني حاجة انه عدد الناخبين في 2011 اللي لهم حق التصويت كانوا 37 مليون بناء على ما ذكر في الدعوى وما اصدره الجهاز المركزي للتعبئة العامة والاحصاء لو جمع مظبوط هيكون 49 مليون والجزء التاني انه بعض الكشوف بتسمي التشابه تكرار بمعنى التشابه في الاسماء وما يفرق بينها هي الرقم القومي ووقت الدعوى لما حددت حالات محددة جبنا البطاقة بتاعة هذا لاشخص وجدنا اسم زوج مختلف واسم زوجة مختلفة
مسعد ابو ليلة :نشوف ماخلص اليه التقرير في هذا الشان
م . طارق سعد: الللي خلص التقرير جزئية توصيات فنية وجزئية وتوصيات قانونية والتوصيات الفنية انا احترمها جدا وتنم عن فهم عميق وكمان ان احنا نعمل الية لنسخ الناخبين اللي فيها المرشحين هذه الالية لا يمكن اختراقها عشان مفيش مرشح يتعامل معها ويستنتج نتايج عنها
مسعد ابو ليلة :كيف ترى هذه التوصيات
م . طارق سعد: ارى انها توصيات ممتازة ونتايج ايجابية ستاخذ بيها اللجنة والجزء الموضوعي قبول الدعوى شكلا ورفضها موضوعا والزام المدعين بالمصاريف
مسعد ابو ليلة :نرجع لقاعدة البيانات قيل غان احد المستندات كشف بالمقارنة بين سن الابناء والامهات ان الامهات سنهم بيقل عن سن ابنائهم
م . طارق سعد: هو تحديدا بيحصل انه قاعدة البيانات بتيجي من مصلحة الاحوال المدنية كلا من بلغ 18 سنة واستخرج بطاقة وعلى قيد الحياة اللي بيحصل انه لما ييجي شخص معين اجيب اسم والدته من البطاقة بتاعته اوالسجل في الاحوال المدنية قد تكون هذه الوالدة متوفية رحمها الله او تفقد البطاقة لو انا تاريخ ميلادي 38 والدتي اكيد هتبقى متوفية فمش هتبقى موجودة في قاعدة بيانات الناخبين من هنا حصل انه مالقاش الاسم دا او بيختار اصغر واحدة ويقول هي دي الام عشان كده لما كشفنا عن اسم الالدة اللي هما جابوها لقيناها انسة مش ام ..
مسعد ابو ليلة :معانا عبر الهاتف المستشار هشام مختار المتحدث الرئيسي للجنة العليا للانتخابات سيادة المستشار نود ان تلقي لنا الضوء الى ما انتهى اليه تقرير هيئة مفوضي الدولة بشان تقرير الدعوى التي كانت مقامة على الجداول الانتخابية بالنسبة الى اللجنة العيا للانتخابات
مستشار .هشام مختار- المتحدث الرئيسي للجنة العليا للانتخابات: هو الحكم عبارة عن تقرير من لجنة انتدبتها المحكمة والتقرير تضمن جميع الاتهامات التي اقامت عليها الدعوى من الناحية الفنية والقانونية من واقع المستندات او من واقع الجهات اللي قدمها المدعين انفسهم ... وانا بقول انه اي حد يتق الله ولا يطلق الاتهامات جزافا حتى لا يشككوا المواطن البسيط والناس دي فعلا بتشتغل بال17 ساعة ولا تحصل عليها الا مرتبها والحقيقة كانوا ناس في منتهى الاحباط ولكن بعد التقرير اللي رد على كل المزاعم
مسعد ابو ليلة : شكرا جزيلا لك .. ايه حكاية الفرق في الصوت بين كشف لجنة الناخبين
م . طارق سعد: فيه 3 نماذج بيعملوا قاعدة بيانات الناخبين اول حاجة نموذج العرض عشان اللي عنده حاجة عايز يصلحها يصلحها ونموذج 27 والقائمين على عمل ذلك اخدوا جايزة من الامم المتحدة يعني المجهود اللي اتعمل دا بيقدر في الامم المتحدة بيقدر دوليا
مسعد ابو ليلة : هل يمكن للناخب اللي ليه بيانات غير صحيحة ان يصلح بياناته
م . طارق سعد: ليه يافندم بس في الفترة دي القانون حددها انه بعد فترة العرض مينفعش وعلى فكرة فترة العرض دي موجودة دلوقت انت لو دخلت دلوقت على موقع اللجنة وشفت بياناتك ولقيتها متسجلة في حتة تانية من حقك تروح للجنة وتقولها بياناتي دي غلط لغاية قرلار دعوة الناخبين وبعدها ميحصلش تعديل وكمان ممكن ادخل على بيانات الرقم القومي بتاع والدي الله يرحمه والاقي بياناته موجودة لازم الناخب يودي شهادة الوفاة
مسعد ابو ليلة : قاعدة بيانات الناخبين دي هل تعتبر امر سري ماينفعش الاطلاع عليه وهل طلبت الحكومة نسخة من قاعدة البيانات
م . طارق سعد: مفيش حد طلب اي نسخة من قاعدة بيانات الناخبين واللجنة العليا للانتخابات مفوضنا في الاعمال الفنية وحتى الاعمال الفنية مفيش واحد من العمل الفني عنده المعلومات كلها .. مكل واحد بيشتغل في الجزئية بتاعته والغرض الحيطة طبعا لانها بيانات امن قومي والخصوصية ..
مسعد ابو ليلة : نظام الانتخاب الالكتروني عن طريق الكمبيوتر برضه في الاستفتاءات الماضية طرحت هذه الفكرة ايه التحفظات على هذا الامر وهل من ضوابط ناقصة تعوق الاخذ بهذا النظام
م . طارق سعد: احد هذه المحاذير انه هذه جربت في اماكن ولم تنجح في دول اخرى وفي الهند تصويت الي مش الكتروني واحنا محتاجين عشان نطبق التصويت الالكتروني محتاجين وقت
مسعد ابو ليلة : يعني رصدت سلبيات
م . طارق سعد: طبعا يعني اقول ببساطة عشان اعمل تصويت الكتروني لازم اضمن كذا حاجة لازم اضمن ان الصوت اللي المواطن بيحطه بيوصل لمكانه الصح وان اللجنة لما يوصل لها الطعن تلاقي حاجة تقدر تدرس هذا الطعن بيها ولازم القانون يسمح بذلك لانه لغاية الان القانون بيقول ان المواطن يوقع ويغمس صباعه في الحبر الفسفوري
مسعد ابو ليلة : اعتقد انه هناك اكثر من فكرة طرحت من اكتر من شخص او اكتر من جهة وقدموا بعض الانظمة التني كن تالممكن ان تنخذ بها هل درست هذه المقترحات او البرامج من قبل اللجنة العليا للانتخابات
م . طارق سعد: درست انما انا اعتقد ان الوقت مكانش مناسب اني ابدا تجريبة جديدة ولكن بعد الاستقرار ستطرح هذه الافكار لدراستها
مسعد ابو ليلة : مهندس طارق سعد عضو الامانة العامة للجنة العليا للانتخابات وشكرا لحضراتكم في حلقة جديدة من اتجاهات