اتجاهات

هالة ابو علم : مشاهدينا الكرام مساء الخير مع غروب شمس اليوم يكون قد اكتمل عام على سقوط رأس النظام السابق و شتان ما بين عام مضى و عام حالى نعيشه ثورة تحاكى عنها العالم بأسره فى نقائها و سلميتها و لكن الاوضاع التى نعيشها نأمل فى تغييرها للأفضل لا نريد أن تتوقف الأحوال كثيرا داخل الدولة المصرية و ذلك الكل شاهده خلال عاما مضى فكان هناك تعطيل لبعض المصالح فى داخل جمهورية مصر العربية بل على العكس يجب أن نبدأ كلنا فى بناء مصر فورا فكلنا مصريون كلنا نحب هذا الوطن و لن نقبل أن يمس بسوء و لن نتسامح مع أى دخيل يحاول أن يستغل مشاكلنا و أحزاننا كلنا مصريون لا تخوين و لا عناد لا استعلاء أو تحريض لا ما يضر بمصلحة الوطن يدعو لضرورة الوفاء بحق الشهيد هو مصرى من يدعو لمراعا ة حقوق الوطن هو مصرى كلاهما وجهان لعملة واحدة فالشهيد لم يخرج و يضحى بحياته الا من أجل هذا الوطن سنعود الى روح ثورة 25 يناير و سنحولها الى طاقة متجددة البناء و ليس لهدم أو تدمير لقد عرف الشعب طريقه و لن يضله أو يضلله أحد بعد اليوم و مشاهدينا الكرام الموضوع اليوم يتعلق بالقاء نظرة واسعة و نظرة موضوعية و متعمقة على ما يدور فى مصر الأن هناك العديد من الموضوعات نريد أن نتطرق اليها مع ضيوف هذه الحلقة و يشرفنا فى الاستوديو الآن اللواء دكتور عادل عفيفى عضو مجلس الشعب و رئيس حزب الاصالة أهلا بيك
د.عادل عفيفى : أهلا و سهلا
هالة ابو علم : مشاهدينا الكرام نخرج لفاصل قصير نعود بعدها لنبدأ الحوار
فاصل
عمر سليمان : قرر الرئيس حسنى مبارك التخلى عن منصب رئيس الجمهورية و كلف المجلس الأعلى للقوات
المسلحة لادارة شئون البلاد و الله الموفق و المستعان
هالة ابو علم : نرحب بكم من جديد مشاهدينا الكرام و دكتور عادل عفيفى عضو مجلس الشعب رئيس حزب الأصالة أولا كل سنة و حضرتك طيب
دعادل عفيفى : و أنتى بالصحة و السلامة
هالة ابو علم : و كلنا نريد أن نحتفل بمرور عام على ثورة يناير 11 فبراير كتاريخ تاريخ مميز فى حياة الثورة المصرية كيف من الامكان أن يكون الاحتفال بهذه المناسبة الغير عادية
د.عادل عفيفى : بسم الله الرحمن الرحيم ما أشبه الليلة بامبارحة هذه مثل هذا اليوم من العام الماضى أعلن عن تنحية الرئيس السابق أنا من الناس اللى نزلت فى الشارع بتلقائية و عفوية و نزلوا أسر.. الدنيا طبعا كانت برد و شفت أطفال و شفت نساء فى أعمار كثيرة لأن هذه الثورة منذ أن أعتبرت 25 يناير العالم كله كان بيتابع أحداث الثورة على الشاشات لحظة بلحظة وكالات الأنباء لحظة بلحظة فلما حصلت الثورة و نجحت فى اسقاط الرئيس السابق و نظامه النظام السابق بأكمله و هو كان نظام راسيا كالجبال الراسخات العالم كله قال ثورة عظيمة لشعب عظيم رئيس الولايات المتحدة الامريكية الرئيس أوباما قال أن أحنا سوف نقوم بتدريس هذه الثورة فى كتب التاريخ لأولادنا ليتعلموا كيف تكون الثورات السلمية تسقط أنظمة حكم راسخة بهذا الشكل
هالة ابو علم : يعنى أن تقوم ثورة ملهمة مصرية ملهمة
د.عادل عفيفى : كل العالم قال كده بل اكتر عدد كبير من قادة العالم جم مصر مستر دايفيد كاميرون رئيس وزراء بريطانيا و نزل التحرير مسز كيلنتون وزيرة خارجية أمريكا نزلت التحرير و عدد كبير من قادة الكنجرس نزلوا التحرير يتفرجوا على الشعب المصرى العظيم اللى عمل الثورة ديه و قدروا يتكلموا مع الشباب و الثوار اللى فى التحرير و بعضهم أكل بطاطا مشوية عزموهم عليها الثوار فى ميدان التحرير
هالة ابو علم : أيوة لكن يا دكتور عادل النهاردة و أحنا بنحتفل بمرور عام على سقوط رأس النظام السابق هل من الممكن ان يتزامن مع الاحتفال بهذه الدعوات للعصيان المدنى و الاضراب و التوقف عن العمل و التوقف عن دفع فواتير الكهرباء و التوقف عن الدراسة فى الجامعات
د.عادل عفيفى : أنا مبسوط من هذه الدعوات لأنة كانت النتيجة أيه أن الشارع ماستجابش فا ديه أثبتت أن الشعب المصرى عظيم برده الشعب المصرى اللى قالوا عليه جاهل و مغيب هاقول النقطة ديه بعد شوية لأ الشعب على درجة عالية جدا من الوعى السياسى المرافق العامة كانت منتظمة النهاردة فى اداء خدماتها للناس المرور منتظم التليفونات الشهر العقارى أنا أبنى و مراته راحوا يجددوا رخص القيادة النهاردة و مفيش أى مشاكل يعنى عايز أقول كل مصالح الدولة شغالة و الشعب أدرك أنك أنت لما يا شعب هتعمل اضراب أو هتتوقف طيب ما أنت بتأذى نفسك الشعب بيؤذى الشعب ما هو الاضراب العام ده و توقف الخدمات العامة و توقف المرافق العامة ما هو ده اضرار بمصالح الشعب فالشعب بجميع فئاته بجميع طوائفة أمتنع عن المشاركة فى هذا الاضراب العام صحيح كان فيه بعض تجمعات قليلة هنا أو هناك و ليست الاتجاه العام الاتجاه العام أن الشعب كله رفض هذه الاعتصامات
هالة ابو علم : طب يعنى يدعون لهذه المظاهرات و هذا الاعتصام يقولون ان الثورة لم تنتهى بعد و انه يجب أن تلتزم الفئة السياسية بمطالب هؤلاء على وجه الخصوص و هم يطالبوه بضرورة تسليم السلطة لسلطة مدنية فورا و بعض الطلبات الاخرى كيف تنظر الى هذه الطلبات
د.عادل عفيفى : مش فاهم يعنى ايه فورا يعنى بكرة الصبح
هالة ابو علم : بالضبط كده اه اقترب يعنى انتخابات الرئاسة سيفتح باب الترشيح للمجلس يعنى خلاص و الانتخابات الرئايسة قادمة
د.عادل عفيفى :هو أنا التجمعات الموجودة دول أنا طبعا زى ما حضرتك قولتى فى أول تقديمك للبرنامج احنا مافيش تخوين مبنخونش حد اللى نزلوا فى الشارع دول نزلوا بحسن نية أنا أذكر أنى أنا كنت فى قناة من القنوات ربما كانت فى قناة الحياة أو حاجة زى كده و كان معايا شاب أسمه عمرو ابراهيم من اتحاد طلبة جامعة عين شمس فا قلت له يا أبنى طيب ما هو المجلس العسكرى أعلن أنه هيسلم الحكم لسلطة مدنية و عشان يعمل سلطة مدنية عملوا تمت الحمد لله على خير الشعب و العالم كله اشاد بالانتخابات و قالوا عصر ديموقراطى و الشعب عظيم مش شعب مغيب و لا حاجة و بعدين تمت الانتخابات وأجتمع مجلس الشعب كان معاد اجتماعه 17 مارس السيد المشير قدم الاجتماع كان يوم 23 يناير و حضرتك شوفتوه أول حاجة كان حقوق الشهداء و بعدين أحداث بورسعيد فرضت نفسها علينا لكن كل لجان المجلس شغالة فى الاتجاه الصحيح اللى هو تحقيق أهداف الثورة فا هى يعنى هتتغير فى يوم أحنا هنجيب رئيس بكرة الصبح و نقول له أستلم السلطة طب هنفتح باب الترشيح هنعرض مين المرشحين نختار مين قلتله معرفش أما نفتح باب الترشيح و نشوف المرشحين و نشوف منهم المرشح على حسب قدرته و على حسب البرامج اللى هو بيعملها معانا فا الدنيا هتمشى و الشباب مستعجلين هذا الشاب قال لى و الله بنمثل الطلبة احنا فيه عدم ثقة بيننا و بين المجلس العسكرى قلت له طيب يا أبنى ماتستنى الحكاية كلها شهر فا الثورة ماشية فى تحقيق الاهداف في برلمان يدير سلطة تشريعية جديدة لم تكن موجودة من ستين سنة من أيام ثورة أتنين و خمسين
هالة ابو علم : مشاهدينا الكرام نخرج لفاصل قصير و نعود مرة آخرى نستكمل الحوار و نلتقى بضيفنا الآخر فى حلقتنا
فاصل
هالة ابو علم : مشاهدينا الكرام نرحب بالأستاذ شريف زهران عضو مجلس الشعب و الأمين العام المساعد للمجلس الاستشارى أهلا بحضرتك
الأستاذ شريف زهران : أهلا و سهلا
هالة ابو علم : سيادة النائب نبدأ بالتعليق على مسألة الأعتصام و الأضراب و كيف تنظر اليه و بالطبع البعض استجاب و البعض لم يستجب رؤيتك لهذا الموضوع
الأستاذ شريف زهران : بسم الله الرحمن الرحيم فى البداية بس أنا عايز أاكد ان التوجه الشعبى أو الثورى اذا لم يجد زخم فى تحقيقه بيظهر باهت و اذا كان الموضوع هدفه تدريجى أحنا لسة مشوفناش حاجة ديه أول حاجة لكن اللى أنا عايز أقوله فى النقطة ديه الذات أن فيه تاريخ مشابه للى بيحصل اذا كان الهدف من الأضراب العام دلوقتى أن يتنحى المجلس الأعلى للقوات المسلحة المشهد السياسى قصرا أنا ضده تماما أنا مع أن نقل السلطة يتم بانتخابات رئاسية أو انتخابات لرئاسة الجمهورية بطريقة منطقية بخريطة واضحة لأنتخابات رئاسة و مواعيد واضحة للدستور غير موضوع الست شهور موضوع الست شهور موجود فى الأعلان الدستورى لأن ده
هالة ابو علم : يعنى تغيير المواعيد
الأستاذ شريف زهران : حضرتك موضوع 10 مارس ده أنا موفق عليه 100% ٍ لكن بردو لازم تكمل ما هو 10 مارس ديه ده فتح باب الترشيح فين قفل باب الترشيح و فين معاد الانتخابات و فين معاد الاعادة و هكذا اللى يخلينا نقول ان وضوح الرؤية و الشفافية هيدى مؤشر واضح و أسباب حقيقية لانهاء حالة الاحتقان لكن مش عايزين نكون تجربة أخرى اللى هى تجربة الثورة الايرانية اللى بدأها شباب اليساريين و عاد الخومينى و طالب بالاضراب العام تحيد المشهد السياسى ثم تولى السلطة رفض الدستور المدنى فى ليلة الاستفتاء عليه و فرض دستور دينى شيعى على البلاد و تم الاستفتاء عليه بلجان بالفكر الدينى اللى هو راجع بيه ثم طاردت الثوار أينما كانوا فا لازم الناس تبقى شايفة و فاهمة أن تاريخ الاضراب العام اللى فرضه الخومينى كان 11 فبراير 1973 فا ديه نقطة مهمة جدا أن الناس تبقى على وعى و لازم تبقى باصة على المرحلة اللى هى فيها و باصة للمراحل التانية و المراحل التانية اللى بعد كده لأن التوازن القوى ديه حاجة و ان كانت موجودة حاليا فا ديه هدف من الأهداف اللى أحنا عايزين نوصله أن أحنا يبقى عندنا توزيع سلطات عندنا سلطة قضائية قائمة قائمة بذاتها مستقلة عندنا سلطة تشريعية قائمة بذاتها مستقلة و تقوم بتشريع و رقابة على الحكومة عندنا سلطة تنفيذية ممثلة فى مؤسسة رئاسة و مؤسسة حكومة مستقلة و تحت رقابة متبادلة بين التلات سلطات فالشعب يطمئن و ينهض الاقتصاد لأن سواء كانوا مستثمرين داخليين او مستثمرين خارجيين عارف أنه هو جى فى تشريعات و قوانين منضبطة جى فى قضاء مستقل هيجيبله حقه جى فى دولة سياستها واضحة خططها الاسترتيجية موجودة و كلنا كشعب و كتنفيذيين و كتشريعيين و كقضائيين تروس فى منظومة المؤسسات.. المؤسسات المصرية المفعلة و ليست المؤسسات الصورة التى عشنا فى ظلالها عهود كثيرة
هالة ابو علم : يعنى سيادة النائب حضرتك بتطالب بوجود مؤسسات دولة او سلطات قوية فى الدولة سلطة قضائية سلطة تشريعية سلطة تنفيذية ما رايك فيما يثار الأن من تشكيك فى هذه السلطات المختلفة تشكيك فى السلطة التنفيذية الحكومة وعلى رأسها الدكتور كمال الجنزورى والوزراء وعمل الوزراء تشكيك فى السلطة القضائية وأن القضاء لا يقوم بواجبة تشكيك اضافى البرلمان ووجود البعض الذى له أجندات خاصة يعنى هل هذا التخوين والتشكيك المستمر فى مؤسساتنا هل هذا يؤدى بنا ما تطمح الية يطمح الية كل مصرى ؟
الأستاذ شريف زهران : كلام حضرتك جاء على نقطة مهمة جدا نقطة التخوين علشان كلنا نعيش فى مصر اللى أحنا عايزنها ومصر تبقى الحاجة اللى كلنا بنتمناها لازم ننحى هذا التقييم جانبا ونعتبر أنفسنا زى ماباقول لحضرتك بالضبط تروس فى المنظومة المصرية يعنى دلوقتى أنا مسلم أو مسيحى أو سلفى أو ليبرالى أو ليا أى توجة سياسى أو ليا أى ديانة أنا مصر أو كل دول بيضربوا فى منظومة واحدة أو فى خلاط واحد بيطلع حاجة اسمها مصرى ننسى كل الأبعاد الثانية ديت ونقول أحنا مصريين مفيش حاجة أسمها مصرى ثورى ومصرى مش ثورى كلنا مصريين اذا كانت فى مجموعة قامت بالثورة أنا بايدها وبانضم لها علشان كدة عدينا الكتلة الحرجة فى 11 فبراير فربنا أدانا نتيجة بفضل الله سبحانة وتعالى ببداية جنى الثمار والتنحى يوم 11 فبراير ثم بانتخاب برلمان يدافع عن الشعب وأنى باؤكد أن مسئولية مجلس الشعب هو استكمال تحقيق أهداف الثورة شاء أم أبى ولابد أن يكون على مستوى الحدث ولا ينظر الى أى مهاترات أو أى اتهامات بتتوجه له لأن دورة أهم وأكبر من كده وأتمنى بل وأرجو توزيع الأدوار الكثيرة والمهام الكبيرة لمجلس الشعب على مهامة النوعية وعرض تقاريرها على الجلسات العامة علشان نجنى ثمار سريعة ده بالنسبة لمجلس الشعب بالنسبة للسلطة القضائية السلطة القضائية التشكيك فيها فى كل المراحل وكل الجرائد ومن زمان لكن السلطة القضائية معروفة انها دائما تعمل فى صمت وثقة الشعب المصرى فيها متناهية وان كان عندنا مشكلة فهى ليست مشكلة قضاة فهى مشكلة قوانين مترهلة لابد أن يتم تغيرها ودى مسئولية كبرى من مسئوليات مجلس الشعب والقضاة فى مصر الشرفاء أن يدلوا بدلوهم ويساهموا مساهمتهم حتى نغطى هذا الاعوجاج ونعيد القضاء المصرى الى طريق الاستقامة بقوانين وقضاة ومنظومة قضاء مستقل دى مقومات السلطة القضائية السلطة التنفيذية الرد فيها أو الهجوم اللى عليها أنا مش معاة المرحلة اللى أحنا فيها ديت مرحلة
هالة ابو علم : حضرتك لو تلاحظ فى الفترة الأخيرة النهاردة فى صحف اليوم النائب خيرت الشاطر أعلن أن هو مش عضو مجلس شعب
الأستاذ شريف زهران : هو نائب المرشد
هالة ابو علم : نائب المرشد العام للأخوان المسلمين أعلن أنه يريد تنحى حكومة الدكتور كمال الجنزورى وأن حزب الحرية والعدالة يقوم بتشكيل الحكومة الجديدة وفى بعض التصريحات الأخرى فى حكومة ائتلافية حضرتك رأيك ايه أو تعقيبك أيه دكتور عادل عفيفى
د.عادل عفيفى : احنا شنفا الكلام ده النهاردة فى الجرايد وقالوا ان حزب الحرية والعدالة هو حزب يجر وما الى ذلك وفى الصحافة سألونى قلت لهم والله أنا كفاية على هذا الموضوع وأنا مش داخل فى هذا الموضوع وأنا أرجو أن أحنا الدكتور الجنزورى بس ياخذ فرصته هى رسالة لطبيب هو والصديق اللى معاة فى غرفة عناية مركزة مصر هى المريض وعنده حاجات كثيرة جدا
هالة ابو علم : وامراض مزمنة
د.عادل عفيفى : وامراض مزمنة لايجب استعجالها أول حاجة أيه واحد دخل عناية مركزة عنده حاجة فى القلب والكبد والكلى ومش عارف أيه لازم الأول يفوقة بما يحتمل الأزمة أنه يحتمل الأزمة ويوقفها على رجليها ويبتدى يفوق المريض وبعدين يبتدى يشوف وبعدين يعمل له خطة للعلاج أو يعمل التشخيص الصحيح
هالة ابو علم : يعنى على أى أساس تم اصدار هذا التصريح أو الاعلان عنه يعنى أنا تصورت أن نائب البرلمان لأنه علشان يقدر يقول حاجة زى كده يبقى البرلمان بيتدخل
د.عادل عفيفى : أنا
هالة ابو علم : فى مسألة فقد الثقة
د.عادل عفيفى : اللى أنا قلت معرفش لقيتة مكتوب النهاردة فى الجرائد كلها فى الأهرام وكلة وبتاع لكن والله لا أعلم يعنى يمكن ظروف البية يمكن سيادة النائب يكون عنده معلومات لكن قبل ما نخرج على موضوع الهجوم على السلطة التنفيذية أنا أود عايز اؤكد حاجة للسادة المشاهدين أن جنود وضباط وأفراد الشرطة دول دول هما وطنيين بردوا يعنى هما شخصوا كشف المعتدين فى مصر عشان استمرار الهجوم علية يبقى بالطريقة دى لجنة تقصى الحقائق اللى عملها المجلس راحت مستشفى الشرطة .. فى لواء شرطة فى أحداث وزارة الداخلية فقد عينة تماما ونايم فى المستشفى وفى عساكر وفى أفراد يعنى حاجة مؤسفة جدا بس من الأمانة تلاقى أن تقصى الحقائق برياسة النائب أسامة ياسين عايزين بردوا الحاجات دى الناس كانت محتاجة أنها تعمل لنا كلمة مواساة أو كلمة تشيع من هنا أنا يعنى أحيهم وأتمنى لهم الشفاء وأقول لهم هذا قدركم وتحتسبوا ما جرى لكم عند الله .. فانت الشرطى اللى واقف يحمى وزارة الداخلية ده انسان هو نفسة انسان وراءة حقوق مقررة لحقوق الانسان كلها احنا بنقول ان الشرطة ما تضربش متظاهرين احنا ضد ذلك تماما لكن واحد دخل بيحدف على فرد الشرطة اللى واقف بيحمى وزارة الداخلية اللى عايز يحرقة بالمولتوف المولتوف لو مسك فى الجندى هيموت يتحرق وهو واقف ويمكن يخش يقتحم وزارة الداخلية ويحرق وزارة الداخلية وده اسقاط للدولة لهيبة الدولة ووزارة الداخلية لو سقطت ماحدث فى تقصير فى احداث بورسعيد التقصير ده موضوع التحقيقات الداخلية فى تحقيقات مجلس الشعب بعث لجنة تقصى وفى تحقيقات والنائب العام بيعمل تحقيقات فننتظر
هالة ابو علم : يعنى المشهد اللى أحنا رأيناه دكتور عادل على شاشات التليفزيون عندما حضر رئيس الحكومة دكتور كمال الجنزورى ووزير الداخلية جلسة مجلس الشعب وكان الجميع محتقن والجميع يشعر بالاسى والحزن الشديد لاحداث بورسعيد وهذا امر متوقع يعنى الحقيقة هذا الحزن أصاب الشعب المصرى كلة بكل فئاتة ولكن الهجوم الكاسح المكثف الذى أصاب رئيس الحكومة وأصاب وزيرالداخلية هل كان يتم معالجة هذا الأمر بهذه الطريقة والا حضرتك شايف المشهد الدليل على أعلاء الديمقراطية فى مصر
د.عادل عفيفى : والله انا كنت عضو فى اللجنة اللى ذهبت الى ميدان التحرير لوقوف على الحقيقة وزرنا المستشفيات الميدانية وزرنا مستشفى قصر العينى وزرنا مستشفى الشرطة
هالة ابو علم : ده فى أحداث الداخلية
د.عادل عفيفى : فى أحداث الداخلية وللأسف الشديد يعنى مش عايز أقول لحضرتك يعنى كون أن حد يموت بخرطوش فى صدرة فدى حاجة حرام أنا مش متخيل وقف أهلة بصراحة يعنى أنا أسف أنى أقول أن أحنا دخلنا مشرحة وشفنا جثتة علشان أحنا لازم نوصل للحقيقة يعنى موقف لم أرى مثلة كان موقف صعب جدا فا السؤال اللى عاوزأوصل له لية نوصل للدرجة دى ليه نوصل أن واحد يموت ويتشرد رحنا لقسم الرمد فى ناس عينها راحت زى ما فى لوا شرطة عينة راحت فى ناس كثير من المدنيين عينهم راحت لما واحد ضابط يضربة فى وشة من هنا على بعد متر والخرطوش يدخل عينة ورقبتة وودنة ووشة لية مهما كان الاحتقان اذا كنت أنت شايف أخوك فى وشك هتعمل كده ياجماعة فى اختراع أسمة القبض اقبض علية ما تموتهوش ما تضرهوش أقبض علية وأعمل فيه اللى انت عاوزة أثبت علية كل حاجة وأعمل فية اللى أنت عايزة لكن أنك تسبب له عاهة هيعيش بيها طول عمره أو تموته وأهله يوصلوا للحالة اللى أحنا فيها دى ده ما ينفعش لازم يبقى عندنا منظومة مختلفة للتعامل مع البنى آدميين عشان خاطر نحس فى المواطن المصرى أنه بنى آدم وبعدين نحسسة أن البلد فيها ثورة قامت من أجل الكرامة الانسانية وبعدين ندور بقى على المسئوليات السياسية والمسئوليات الجنائية والكلام ده كلة لحد هنا وكفاية دم أنا قضيتى من قبل ما أدخل مجلس الشعب لحد ما أموت هى الدم قال رسول الله صلى الله علية وسلم
هالة ابو علم : عليه الصلاة والسلام
د.عادل عفيفى : كل المسلم على المسلم حرام دمة ومالة وعرضة فا مش عايز أقول نتائج اللجنة لأن أحنا قلناها وأتنشرت فى كل الجرائد وأتزاعت لكن اللى أنا عايز اأكد علية أن فى أساليب على قدر عالى جدا من العلم والحفاظ على حقوق الانسان للتعامل مع المواطن المصرى لابد من استخدامها حتة بقى وجود الديمقراطية اللى بتتكلمى عنه ببساطة جدا اللجنة أعلنت تقريرها والوزيرأدى دورة ودى كانت نقاشات من أعضاء مجلس الشعب بعضها كانت خارج الاطار وعن حماس زائد أو عن غضب نتيجة اللى حصل أو عن أى شئ أخر لكن الأهم أن أحنا بقى عندنا برلمان قادر على محاسبة الحكومة وقادر على أن يوجد وزير الداخلية الذى لم يدخل برلمان مصرى من 40 عاما فهذا نجاح أراه نجاح لكن الأهم التنفيذ لجنة عملت شغلها وقدمت توصياتها وأتخذ بها قرار من المجلس لابد من تنفيذ القرار حتى تاتى لجنة تقصى الحقائق وتعرض تقريرها يوم الأحد وتعطى توصيات وتقررتوصيات المجلس وتنقذ الشعب المصرى لابد أن يشعر بكرامة لابد ان يشعر أن فى آلية تنفيذية عدالة اجتماعية حتى يشعر أن البلد بها ثورة عملنا لجان كثير عملنا أجراءات كثير لابد أن يشعر الشعب المصرى أن فيها ثورة وأن البلد فيها كرامة ويحس أنه هياخذ حقة
هالة ابو علم : هو حضرتك شايف الثورة مستمرة لو البعض بيقول الثورة الثورة 25 يناير لم تنتهى بل هى مستمرة
د.عادل عفيفى : هى عدالة اجتماعية أحنا قلنا حرية عدالة اجتماعية
هالة ابو علم : هل العدالة الاجتماعية تتحقق فى أيام
د.عادل عفيفى : ما أنا باقول لحضرتك آليا يعنى هى بتوقيتات من أى حكومة سواء حكومة موجودة قبل كده
هالة ابو علم : يعنى اتذكر بثورة 52 قامت وكان هذا شعارها عدالة اجتماعية تحقيق العدالة الاجتماعية
د.عادل عفيفى : بالضبط
هالة ابو علم : يعنى احنا النهاردة فى عام 2012 بتتحقق العدالة الاجتماعية
د.عادل عفيفى : عندنا علم أسمة علم التنظيم وعلم النقيض الاستراتيجى لية عندنا ناس بتخطط استراتيجى علشان تهد مصر وأحنا كمؤسسات مصر معندناش تخطيط استراتيجى علشان نبنى مصر وكلنا ادوات لتنفيذ
هالة ابو علم : مين حضرتك المنوط ببناء مصر ؟
د.عادل عفيفى : طبعا السلطة التنفيذية والسلطة التشريعية عليها رقابتها
هالة ابو علم : لوحدهم
د.عادل عفيفى : أيوا طبعا تضافر جهود الشعب لتنفيذ الخطة طبعا حضرتك التخطيط مسئولية حكومة
هالة ابو علم : هنقول التنفيذ أو البناء يعنى
د.عادل عفيفى : نحط كل مواطن فى مكانة
هالة ابو علم : بالضبط كده
د.عادل عفيفى : كل مواطن فى مكانة
هالة ابو علم : هو حضرتك يعنى دكتور عادل وجدنا أن الشعب المصرى منقسم على نفسة وهناك حالة من التشكيك والتخوين ونجد بعض الفصائل ونجد بعض القوى السياسية تريد أن نسيطر على المشهد ولا يعلو صوت آخر فوق صوتها بمعنى آخر لا يقبلون ثورة 25 يناير قامت من أجل الديمقراطية الديمقراطية هو أحترام الرأى والرأى الأخر رأى الأغلبية هو رأى الأقلية الأن عندما نكون بصدد طرح أراء مختلفة نجد بعض الأطراف لا تتقبل الأراء الأخرى المشكلة كمان مش بس فى عدم تقبل الرأى الأخر ولكن فى مشكلة التشكيك والتخوين هذه المرحلة اللى أحنا بنطلق عليها مرحلة البناء مرحلة المصالحة مرحلة التوافق كيف نبنى مصر وهذا الجو هو السائد الأن
د.عادل عفيفى : لابد أول حاجة من الوفاق الوطنى والتصالح الوطنى زى ما حضرتك قلتى أن كل أفراد الشعب كلنا مصريين سيادة النائب قال محدش يخون حد الناس مختلفة فى الأراء لأن هما طول 60 سنه مكنش حد بيقول رأية مكنش فى غير رأى واحد الحزب الوطنى ولو أى حد قال حاجة غير كدة لا يسمح له ابداء الرأى فا التنوع فى الأراء ده كويس مطلوب لأن هيحصل تفاعل فى الأراء وبعدين هنوصل للأحسن انشاء الله دون تخوين لكن تقدم مصر يأتى على الشعب كلة هو لمس موضوع خطير جدا فى مستقبل مصر التخطيط أول حاجة فى الادارة فى ادارة دولة أو مؤسسة أو ل حاجة التخطيط بأحط خطه خطة خلال الخمس سنين دى هعمل أيه عشر سنين والخطة لاتتغير بتغير الأشخاص يعنى مثلا أن الدراسة فى الابتدائى 6 سنين جه وزير التعليم الدكتور أحمد فتحى سروروقتها قال لأ تبقى 5 سنين اللى كانوا موافقين على 6 سنين هما هما اللى وافقوا على ال 5 سنين الخطه أتغيرت بتغيير الوزير بعد ما مشى جه الدكتور حسين كامل بهاء الدين جه قال لأ دا الابتدائية لازم تبقى 6 سنين اللى وافقوا على الخمس سنين هماهما لأ الكلام ده ما ينفعش أبتدت الدولة بقى تتلخبط من كل واحد وزير يجى يلغى الانجازات أو الخطوات يمسح اللى عملة ويبتدى من جديد وهو مش هنتقدم ولا خطوة هقول لحضرتك لابد من خطة قصيرة الأمد ومتوسطة وخطة طويلة أنا هعمل أيه أنا لغاية سنة 2012- فى سنة 2025 هيبقى تعداد مصر كام محتاج كام مستشفى محتا ج كام مدرسة محتاج كام مصنع وبعدين هنجيب موارد مالية منين و2050 او 2030 هيبقى تعداد السكان أد أيه محتاجين هذه خطة حتى فى الكورة الناس بتتفرج على الكورة المؤرخين يقولوا أيه دى كانت معركة بين المدربين واحد عامل خطة ده نزل ده هنا وطلع ده والخطة دى قابلة للتغير لأى ظروف أو حاجة بلدنا كانت ماشية ارتجالى ولذلك اللى يقال فى كتب الأدارة أيه أدركت أهمية التخطيط أنشات وزارة خاصة بالتخطيط والعجيبة أن أحنا عندنا وزارة للتخطيط لكن أنا قلت لحضرتك أى خطةبتتغير بتغير الظروف وبتغيير الأشخاص أحنا هنمشى فى اتجاه الخصخصة هنبيع هو كان فاضل أيه أحنا ما بعناهوش ماهو فاضل الهرم والآثار كنا نبيع القطاع الخاص يجوا الخواجات يشتروها
د.عادل عفيفى : اتباعت خلاص كل حاجة ضاعت
هالة ابو علم : طب انا عاوزة أسال
د.عادل عفيفى : شارك فيها الشعب كلة الشعب لما نعمل خطة هيشارك فيها كلة
هالة ابو علم : طب أستاذ شريف تنظر أيضا للبيان اللى أعلن بالأمس المجلس الأعلى للقوات المسلحة هل وجدت بعض الأجابات على الأسئلة التى تدور فى الشارع الآن ؟ يعنى الشارع يتساءل يعنى عن زى ما حضرتك قلت الخطة المقترحة للترشح لرئاسة الجمهورية ما ينوى عملة المجلس الأعلى فى الفترة القادمة هل وجت فى هذا البيان ردود شافية لمسالة الاسئلة التى تدور فى أذهاننا
الأستاذ شريف زهران : بصراحة لأ المجلس الأعلى للقوات المسلحة عنده مشكلة اعلامية خطيرة وده هنتعامل معاها فورا لابد أن يعلم ما يحتاجة الشعب المصرى فى الوقت المناسب ولابد أن تكون هناك ارادة سياسية حقيقية فى البلد فى الثلاث شهرو اللى جايين وأن يتم التعامل بشفافية مطلقة
هالة ابو علم : مثلا هو قال أنه
الأستاذ شريف زهران : الجيش
هالة ابو علم : أنا هقود البلاد الى أن أسلم السلطة الى سلطة منتخبة يعنى هل ده
الأستاذ شريف زهران : بلا نقاش يعنى يجى حاجة حصرتك
هالة ابو علم : ماهو دى الشعارات اللى موجود ة فى الشارع
الأستاذ شريف زهران : المعلومة الجديدة حضرتك بتأكد على حاجات موجوده لازم تتبنى على وضع جديد علشان الاحتقان ينتهى حضرتك تاكيدك على المعلومة دى حاجة كويسة ومطلوبة
هالة ابو علم : هو ده الشعار الموجود والشعب يرد علية
الأستاذ شريف زهران : ما أنا باقول لحضرتك حتة أن هو يأكد ماشى كلام مظبوط لكن الآلية التنفيذية زى ما قلت لحضرتك كدة زلام يكون فى اذا كان تم الاعلان عن فتح باب الترشيح اين باقى التواريخ
هالة ابو علم : طب يعنى هل المجلس الاستشارى وانتم تعاونون المجلس الاعلى يعنى تقدمت بهذه الأقتراحات يعنى تم رفع مقترح أو مقترحين للمجلس الأعلى للقوات المسلحة خلال اسبوع لكل هذه الأمور فتح باب الترشيح بميعاد غلق باب الترشيح بميعاد الطعون والتنازلات فى ميعاد ميعاد الأنتخاب ميعاد الأعادة ميعاد تسليم السلطة اذا ده نزل الناس هتبقى عارفة بين مؤيد ومعارض
هالة ابو علم : يعنى هى دى بس المشكلة فقط
الأستاذ شريف زهران : أنا هقول لحضرتك على حاجة بس حتة أن هى دى المشكلة سواء أمتى المجلس الأعلى للقوات المسلحة قال هذه خريطة تسليم خريطة حتى التسليم قال تاريخ 31/6 وبعدين قال تاريخ تانى 10/3 ماشى كلام مظبوط بس أنا عايز أقول على حاجة الخوف على المعلومة هنا ملوش موقع من الأعراب المعلومة بالنسبة للجيش حاجة كبيرة جدا ومهمة جدا الكتمان والسرية كلام موجود بس على مستوى السلطة السياسية ما ينفعش أن تقوم بدورك كمؤسسة عسكرية حاجة لكن أن تقوم بدورك كمؤسسة سياسية أو دور مؤسسة الرياسة كسلطة تنفيذية لابد أن يكون هناك قدر عالى جدا من الشفافية خصوصا أن البلد فيها ثورة فدى نقطة مهمة جدا يعنى عارفة حضرتك لو قلت لك أنا هسلم 1/3/ ازاى يمكن ما أوافقش على تسليم 1/3 وهتجلى 30/6 بردوا هقول أزاى ليه يعنى أنا دلوقتى فى تطور التقيم لأن أنا أدونى فرصة أن أنا أفكر وأاقول رأيى ده مكنش موجود
هالة ابو علم : هل هناك أدلة تستحق النزول الى الشارع ودعوات للعصيان المدنى والتظاهر
الأستاذ شريف زهران :ما أنا باقول
هالة ابو علم : مسالة وضع خطة هل تستحق كل ذلك
الأستاذ شريف زهران : باشوف ادارة الأزمة وأستنى لغاية على ما أفكر وأخلص عملية عدم الثقة دى أزاى بوضوح وشفافية
هالة ابو علم : هل نعتبر أن ده دور المجلس الأستشارى الذى تكون من أجل معاونة المجلس الأعلى للقوات المسلحة فى ادارة الناحية السياسية يعنى هو مجلس عسكرى لم يوضع فى هذا الموقف من قبل يعنى مسالة ادارة البلاد سياسيا لم يختبرها من قبل
الأستاذ شريف زهران : هقول لحضرتك أنا باتكلم معاكى بأقصى درجات الوضوح والشفافية تم رفع مقترح تفصيلى للمجلس الأعلى للقوات المسلحة بألية ومواعيد انتخابات رئاسية وله الحق لأنه هو السلطة ونحن نصدر توصيات بس تعليق بسيط جدا على موضوع التخطيط اللى بيتكلم عنه سيادة النائب أانا أحاسب الوزير على أيه على الخطة الموجودة أنما دلوقتى أحاسب الوزير على أيه على موقفة
هالة ابو علم : طيب أنا باستأذن حضرتك دلوقتى البرنامج عايزة آخذ من حضرتك دكتور عادل عفيقى يعنى رؤيتك كيف أو ما هى الرؤية من أجل ادارة البلاد ادارة سليمة وادارة سلمية وأزال الاحتقان من الشارع لعودة من هم موجودون الأن فى الشارع الى المنازل أو الى المصانع أو الى المؤسسات لاستكمال عجلة الأنتاج والعمل وهو مايريدة الشعب المصرى
د.عادل عفيفى : هما النهاردة فى عملهم الحمد لله حضرتك المصانع شغالة والمرافق العامة شغالة والخدمات العامة موجودة وبالتالى نجح الشعب المصرى بردوا فى تجاوز الأزمة بتاعت النهاردة توقف العمل اللى عايز أقولة بس حاجة أيه هى أن أحنا لما هنفتح باب الترشيح فى 10 مارس الأنتخابات ما قلتش يعنى المدة أد أيه حنتصور انها شهر علشان الدعاية والمرشحين والكلام ده قانون الأنتخابات الرئاسية سنة 2005 عشان بس تعليقا على الطعون القضائية قا ل ايه قرارات اللجنة العليا للانتخابات الرئاسية نهائية غير قابلة
هالة ابو علم : يعنى حضرتك شايف انها تحتاج تعديل
د.عادل عفيفى : لأ هما عملوا قانون جديد أحنا لسة ما شفناهوش سمعنا عنه فى المجلس وقلنا لازم نجيب القوانين زى قانون الازهر بس الأحداث فرضت نفسها علينا فأنا عايز أقول أن المسالة ماشية المسالة ماشية بسرعة يعنى ايه فتح باب فرصة للمرشحين للدعاية وأنا من حقى كناخب ب أن انتخب رئيس جمهورية أعرف مين ده ومين ده
هالة ابو علم : ومن حق أيضا المرشح أن يكون له التعريف بنفسة
د.عادل عفيفى : أعتقد انها هيتم فى ميعادها فى 1/6 انشاء الله تسلم السطة
هالة ابو علم : باذن الله
د.عادل عفيفى : لسلطة منتخبة ولرئيس منتخب
هالة ابو علم : أشكرك شكر جزيل اللواء دكتور عادل عفيفى عضو مجلس الشعب رئيس حزب الأصالة وحضرتك بالشكر سيادة النائب شريف زهران عضومجلس الشعب والامين العام المساعد مشاهدينا الكرام أشكركم والى اللقاء