احمد عفيفي يكتب : انطق بالشهادة يا أاوباما .. وإلا .. ليلة اللي خلفوك سودا!!

مش عارف ايه اللي حصل بالضبط لاخوانا السلفيين .. ايه اللي بيعملوه ده .. وايه اللي بيقولوه ده .. والمظاهرة بتاعتهم امبارح كان فيها شىء وشويات .. عدد مش قليل خلّوني احس ان مصر بلد ، أهلها مشركين بالله من أيام قريش وان الحرب عليهم فرض عين لإخراجهم من الظلمات إلى النور .

كأننا بنعبد الأصنام ونُشرك بالله الواحد الأحد .. ونشرب الخمر ونعاشر النساء بدون زواج ولا ضابط ولا رابط.. مع ان 60 % من الشعب المصري مش لاقي ياكل .. فازاى وهو مش لاقي اللضى .. حيروح يشتري خمرة ويشربها .. هو لاقي ميه نظيفة يبلع بيها ريقه اللي نشف من الكلام والصراخ .. يا ناس احنا مسلمين وبتوع ربنا بالفطرة والسليقة .. فروحوا انتوا الأول اعرفوا ربنا على حق وبعدين تعالوا نتفاهم.


المسألة مبقتش مصر وبس .. والطموح السلفي لإعلاء كلمة الله - حسبما يدّعون - وصل إلى أمريكا ذات نفسها .. فعلى موقع الموجز التقطت كام تصريح مضحك وساذج لشيوخ سلفيين .. من ضمنها مثلا واحد اسمه الشيخ علاء مفتاح بيقول لك نسعى لان ينطق بالشهادة الجالس في البيت الأبيض .. يقصد اوباما وعيلته وحكومته ورجالته وكل حاشيته .

ويتوعد للرئيس الأسمر اللي نجح كمان مرة وخلّى رومني ياخد بومبة محصلتش .. يتوعد له ان لم يسلم وينطق بأن لا اله الا الله وان محمدا رسول الله ، والا فليلة اللي خلفوا أهله سودا .. ارجع لأصولك يا اوباما .. جدك كان مسلم وجدتك برضه مسلمة وحجت بيت الله .. وانت خرجت عن طريق الصواب وتتنكر الآن للإسلام .. لذا فقد وجب عليك القصاص ومُهدر دمك .. انت واهل بيتك الست ميشيل وكل اللي شافونا ومصلوش ع النبي.

وشيخ تاني اسمه مصطفى العدوي برضه ع الموجز يقول لك : لا ضرر ان تتزوج الفتاة قبل سن البلوغ ما دامت تتحمل المعاشرة الجنسية .. خلاص كل مشاكل مصر اتحلت .. والفقير بقى غني ، والجعان بقى ياكل ، والعريان بقى يلقى هدمة تستره ومفضلش عندنا غير حكاية زواج البنت في سن التاسعة .. وحسب عم الشيخ العدوي ممكن كمان قبل التاسعة اذا كانت مربربة وكلبوظة وتقدر تتحمل " حلوف " ينام فوقها ويعاشرها معاشرة الازواج .. كأن المطلوب في المسألة الجنسية ان يستمتع الراجل فقط ويُفرغ شهوته دون اى حق للطرف الأخر في عملية الاستمتاع .. وهذا ما يؤكده عمنا الشيخ مصطفى .

وأرد على الشيخ المتخلف .. قبل سن البلوغ كيف لفتاة ان تدرك المشاعر الجميلة للعلاقة الحميمية .. دون ان يبرز لها ثدى وتتكور اردافها وينعم صوتها وتدرك انها أصبحت أنثى .. لو اخذنا بمفهوم هذا الشيخ اللي مش جليل ابدا .. فهو يبحث للرجل عن اى " خرم " يزنق فيه " ... " ويرمي قرفه .. ان شالله مع كلبة او حمارة .. المهم هو ينبسط ويستمتع وتتحرق اللي تحت منه بجاز .. ماهو ربنا خلقها من وجهة نظر الافندي الشيخ عشان متعة الراجل فقط لا غير .. ولما ربنا يكرمها وتجيها العادة ، تبقى تحبل ، وتجيب له عيل عشان تزيد ثقته بنفسه انه قادر على المعاشرة والإنجاب كمان.


مجرد مناقشة أمر كهذا الأمر اعتبره تخلفا عقليا .. ووالله .. والله المفروض ان اللي يفتح الكلام في موضوع زواج البنت في التاسعة يتقدم فيه بلاغ للنائب العام ويتسجن ويتعلق من قفاه ، وينضرب على مؤخرته كام شلوت محترم عشان بعد كده يتخرس خالص ويحط جزمتين مقاس 50 ، ووسخين في بقه.


نيجي بقى للمجاهد في سبيل الله احد قتلة السادات باسم الدين طارق الزمر .. وتصريح له أفزعني حيث قال : الاستعمار لن يخرج من مصر قبل تطبيق الشريعة الإسلامية .. تصدقوا اني افتكرت عشان انا في الكويت وبعيد عن بلدي ان الانجليز رجعوا واحتلوا مصر تاني .. وان اسرئيل مخرجتش لسه من سيناء ودخلت ع القاهرة واحتلتها هى كمان .. عشان كده الزمر ينادى امة الإسلام حيا على الجهاد لطرد المستعمر وانه لن يخرج من بلادنا إلا بالرجوع الى الله وتطبيق شريعته .


نهارك اسود ياطارق الزمر .. انت شارب حاجة اصفرة وصحيت لقيت نفسك " حامل " لواء الدفاع عن الإسلام ضد المستعمر الأجنبي .. وان مصر بتضيع ياوديع ولازم نلحقها قبل مابطنها تعلى وتبان وتجيب لنا العار .. خلاص يازمر بقي الليبراليين والعلمانيين كفرة وولاد كلب ومستعمرين عايز تطهّر البلد منهم زي ماقالها قبلك الشيخ وجدي غنيم اللي كل يوم يخرج من اى داهية قاعد فيها ويطرش في وشنا بكلمتين اوسخ منه .. ويشرشح لنا .. وناقص يطلّع لنا " ... " عشان يثبت لنا انه راجل بتاع ربنا ولا يخشى في الحق لومة لائم.


اللهي يارب ياخدكم كلكم .. فضحتونا وجرستونا وخليتوا اللي يسوى واللي ميسواش يجيب سيرتنا ويبص عليكم و " يتف " على مصر كلها عشان لسه فيها شوية جهلة متخلفين .. ولسه صابرة عليهم.