غيّر واتغير.. وجرّب إماطة الأذى عن الطريق

سمر علي
كل يوم وفي نفس المكان..

هنشاركّم وسيلة جديدة نغيّر بيها ولو ساعة في حياة الناس اللي حوالينا..
ونتغيّر معاهم للأحسن إحنا كمان..
وخليكم دايما فاكرين "الدال على الخير كفاعله"..
يالا بينا نغير ونتغير..
وإنت ماشي في طريقك رايح تجيب حاجة أو رايح تصلّي أو حتى خارج مع أصحابك، لو لقيت حاجة في وسط الطريق شيلها على جنب، يعني لو لقيت حجر أو قطعة خشب ممكن تكعبل عيّل صغير أو راجل مسن ابعدها عن الطريق.

لو كل واحد فينا عمل ده كل يوم وهو ماشي في طريقه هنساعد في نضافة الشوارع من غير ما نعطّل نفسنا، أو نكون قاصدين، وكمان كل واحد هيشوفك بتعمل كده هيعمل زيّك وهيتعلّم منك حاجة جميلة.

وماتنساش إن إماطة الأذى عن الطريق.. صدقة.