غيّر واتغير.. وادفع مصاريف حد محتاج

سمر علي
كل يوم وفي نفس المكان..

هنشاركّم وسيلة جديدة نغيّر بيها ولو ساعة في حياة الناس اللي حوالينا..
ونتغيّر معاهم للأحسن إحنا كمان..
وخليكم دايما فاكرين "الدال على الخير كفاعله"..
يالا بينا نغير ونتغير..
اعمل الخير في رمضان بأنك تدفع مصاريف الناس المحتاجة؛ يعني مثلا روح عند البقال شوية، ولمّا تلاقي حد غلبان جاي يشتري منه حاجة، ادفع أنت حقّها.

أو روح محل ملابس، وشوف طفل محتاج بيبيع حاجة قدامه أو بيشحت، وادخل المحل اشتري له هدوم، وممكن تاخده ينقّي كمان اللي هو عايزه.

روح عند الجزار، وشوف حد غلبان مش قادر على تمن اللحمة، واشتريها له، وادفع إنت تمنها.

ها ناوي تجرّب؟