على أخرك ومش طايق روحك.. حلك عندنا!

كل يوم وفي نفس المكان
هنشاركّم وسيلة جديدة نغيّر بيها ولو ساعة في حياة الناس اللي حوالينا..
ونتغير معاهم للأحسن إحنا كمان وخليكم دايما فاكرين "الدال على الخير كفاعله"..
يالا بينا نغير ونتغير

في رمضان دايما بنلاحظ إن الناس على آخرها، ومش طايقة روحها، واللي يسأل مالك؟ تكون الإجابة الحر والصيام، رغم إن التكشير مش هيقلل من إحساسه بالحر، ولا هيخلّي نهاره في الصيام يعدّي بسرعة، بالعكس ده ممكن يخسر ثواب صيامه، لمّا يتخانق مع كل اللي رايح واللي جاي، في حين إن ابتسامة واحدة كفيلة بإنها تخلّي النهار فعلا يعدّي، حتى لو تعبان أو حران.
ابتسم وسلّم على اللي تلاقيه قدامك، وهتستغرب قد إيه هيفرح حتى لو متضايق، وكمان قد إيه إنت هتعدل مزاجك لما تلاقي نفسك سبب في فرحة حد قدامك، ومن غير ما تبذل أي مجهود.
ها ناوي تجرب؟!