أحمد مالك عن تكرار تقديمه للأعمال الشعبية: مش حابب أحصر نفسي في نوع واحد والشعبي قماشة كبيرة

تحدث الفنان أحمد مالك عن رؤيته لاختياراته الفنية، بعد تفاعل الجمهور مع عودته لتقديم الشخصية الشعبية في عمله الرمضاني الجديد "سوا سوا"، مؤكدًا أنه لا يميل إلى وضع نفسه داخل قالب واحد أو نوعية محددة من الأدوار، وأن التنوع جزء أساسي من تكوينه كممثل.
تصريحات أحمد مالك

وقال أحمد مالك في تصريحات تليفزيونية: "أنا ممثل وأقدم أي حاجة ومش حابب أحصر نفسي في حاجة واحدة، والشعبي قماشة كبيرة لازم ندرك بنقدم إيه وحتى لو اتنين أخوات في بيت واحد بيكونوا مختلفين"، مشددًا على أن الفن مساحة واسعة تسمح بتعدد التجارب والرؤى.
وعن تكراره للشخصية الشعبية بعد نجاحه في مسلسل "ولاد الشمس"، أوضح أن الأمر لا يتعلق بتكرار بقدر ما هو اختلاف في التفاصيل والطرح، مضيفًا: "الممثل يقدر يقدم أي شخصية ومش عاوز أحصر نفسي عاوز أقدم كل حاجة، والشعبي مش مياه واحدة، ده عالم كبير جدًا، كل شخص منهم مختلف عن التاني، الأخوات بيكونوا مختلفين وهما من نفس البيت".