الرز البسمتي بالبازلاء والجزر على "سفرة دايمة"

النهارده هنعرف مع بعض طريقة عمل الرز البسمتي بالبازلاء والجزر، وتقدري تقدّميه كطبق جانبي.
الرز البسمتي بالبازلاء والجزر
المقادير:
2 كوب رز بسمتي
1⁄4 كيلو بازلاء
1⁄4 كيلو جزر مقطع لقطع صغيرة
1⁄2 كوب بصل مقطع لقطع صغيرة
ملعقة كبيرة زيت نباتي
1⁄2 ملعقة كبيرة زبدة
مكعب مرقة دجاج
ملح وفلفل أسود
4 كوب ميه
الطريقة:
1- اغسلي الرز وسيبيه على جنب ينشف، وبعدين شوّحي البصل في الزبدة وسيبيه على جنب، وبعد كده حطّي البازلاء والجزر في ميه على النار وضيفي عليهم الملح والفلفل الأسود وسيبيهم على النار لحد ما يغلوا.
2- ضيفي عليهم مرقة الدجاج والبصل وسيبيهم على النار لمدة 3 دقائق، وبعد كده ضيفي عليهم الرز وسيبيه يستوي على النار لمدة 15 دقيقة، وبعدين سيبيه يبرد لمدة 5 دقائق، وبعدين قلّبيهم كلهم مع بعض كويس، وقدميه.. وبالهنا والشفا.

خلصت وصفتنا النهارده..
استنونا كل يوم مع وصفات جديدة..
سلام،،،