العريان يتهم مذيعة على الهواء بالقبض لتشويه الأخوان

تسبب الدكتور عصام العريان -القيادي بجماعة الإخوان المسلمين- في أزمة؛ حيث قال للمذيعة جيهان منصور -مقدمة برنامج "صباحك يا مصر" على قناة دريم- أثناء محاورته وتوجيه الأسئلة إليه عن أحداث اعتداء الإخوان على المتظاهرين في ميدان التحرير يوم الجمعة الماضي: "أنا مش عايز أسألك إنتي بتاخدي كام علشان تقولي الكلام ده؟"، وهو ما رفضته جيهان جملة وتفصيلا، وأصدرت بيانا أعلنت فيه تفاصيل ما حدث.
وقد قال العريان لها: "اسمعيني، ده مش حوار، إنتي عايزة تفرضي وجهة نظرك، ومش عايزة المشاهد يسمعني، ارجعي للشريط وخلي حد بيفهم في الميديا يقول لك إنتي غلطتي في إيه، عيب يا جيهان أقول لك الكلام ده على الهواء، مقاطعتك كتير، ولا أريد أن أسألك بتاخدى إيه علشان تقولي الكلام ده".
وأصدرت جيهان بيانا قالت فيه إنها منحت العريان الفرصة في الحديث لمدة 15 دقيقة كاملة، وأعلنت أنها ستلجأ للقضاء بعد ما قاله.