بيض على الطريقة الإنجليزية

النهارده هاقدّم لكم طريقة جديدة وسهلة جدا لعمل البيض على الفطار، وعلى فكرة الطريقة دي مش هتاخد منكم أكتر من ربع ساعة؛ يلّا بينا على المطبخ نشوف هنعملها إزاي...
بيض على الطريقة الإنجليزية
المقادير:
* 3 شرائح توست
* ملعقة كبيرة زيت زيتون
* ثمرة طماطم مقطّعة شرائح
* بيضة مسلوق مقطّع شرائح
* كوب صغير جبنه موتزاريلا مبشورة
* ملح وفلفل
الطريقة:
1- ادهني شرايح التوست بشوية زيت زيتون، وبعد كده حطّي على كل قطعة توست شريحة طماطم.
2- فوق شريحة الطماطم حطّي شرائح من البيض المسلوق، ورشّي عليها الملح والفلفل.
3- على الوش حطّي الجبنة الموتزاريلا، ودخّلي التوست في الفرن لمدة 3 دقائق أو لغاية ما تلاقي إن الجبنة ذابت تماما، وبعد كده طلّعيه من الفرن.. وبألف هنا وشفا.
وبكده تكون خلصت وصفتي النهارده..
ماتنسيش تجرّبيها وتبعتي تقولي على النتيجة..
سلااااااااااااام،،،