الرغبة في الارتباط

الحلم:
حلمت إني أتقدم لي عريس، والعريس ده زميلي في الكلية وبيحبني وأنا بحبه، وبنت خالته كانت قاعدة معايا في البيت، وهو ووالدته جم عندنا فخرجت علشان والدته تشوفني، فلما شافتني قالت لابنها: "هي دي اللي أنت عايزها، ده أنا مختارة لك واحدة أحسن منها"، وهو ماتكلمش خالص، وبعد كده دخلت الأوضة وخرجت لقيتهم قروا الفاتحة واتفقوا، وأنا خرجت وقعدت أصرخ وأقول: "مش عايزاه"، واللي حواليّ قعدوا يقنعوني.
يشير هذا الحلم إلى تفكيرك المشروع في الحب والزواج على سنة الله سبحانه وتعالى، وسنة نبيه الكريم صلى الله عليه وسلم، وفي نفس الوقت رغبتك -عندما يحين الأوان- في أن يتوحد الجميع ويقفوا إلى جوارك ويمنحونك من الرأي ما يجعل الأمور كلها تسير في مسارها الطبيعي بلا منغصات ولا مشكلات، غير أنك لا تثقين في ذلك، وتخشين أن يتحول هذا الأمل أو الحلم إلى شيء لا ترغبيه.