كيك الكراميل على "سفرة دايمة"

النهارده على "سفرة دايمة" هنقدّم لك كيك الكراميل على طريقة الشيف أسامة، والكيكة دي بتبقى مخلوطة مع بعضها، وأول ما بتدخل الفرن وتستوي بتتقسم طبقات، كل طبقة لوحدها، تابعينا علشان تعرفي بتتعمل إزاي..
كيك الكراميل
المقادير:
2 بيضة
كوب دقيق
1/ 2 كوب زيت
كوب سكر ناعم
ملعقة بيكينج بودر
2 ملعقة كبيرة لبن
رشة فانيليا

لعمل الصوص:
2 كوب سكر
5 بيضات
1/ 2 كوب سكر
1/ 2 كيلو لبن
رشة فانيليا
الطريقة:
1- لتحضير الصوص، حطي السكر في طاسة على نار هادية، وسيبيه لحد ما يسيح، وبعدين صبيه في القالب اللي هتسوي الكيك فيه، وحطيه في التلاجة يتجمد لغاية ما تجهّزي الكيك.
2- لتحضير الكريمة؛ حطي البيض، والفانيليا، ونصف كوب سكر واضربيهم شوية، وبعدين صبي عليهم اللبن تدريجيا، واستمري في ضرب البيض علشان يمتزج مع اللبن.
3- لتحضير الكيك هاتي طبق كبير، واكسري فيه البيض، واضربيه كويس، وبعدين حطي فيه السكر والفانيليا والبيكنج بودر والزيت، واستمري في ضرب الخليط كويس أوي علشان تتأكدي إنها امتزجت مع بعضها.
4- بعد كده حطي الدقيق واللبن وقلبيهم كويس؛ لحد ما العجينة يبقى قوامها سميك إلى حد ما ومتجانس.
5- طلّعي القالب اللي فيه صوص الكراميل من التلاجة بعد ما يكون اتجمد، وصبّي فيه الكريمة، وبعدين صبي خليط الكيك.
6- حطي القالب ده في قالب أكبر منه ويكون فيه ميه سخنة، وده علشان الكيكة لازم تستوي في حمام ميه، ودخليها الفرن على درجة حرارة 180، وسيبيها لحد ما تستوي، وبعدين طلعيها واقلبيها في طبق التقديم.. بالهنا والشفا.

خلصت وصفتنا النهارده..
استنونا كل يوم مع وصفة جديدة..
سلام،،،