حبيبي عنيد...؟

أنا عندى 22 سنة وبحب واحد كان زميلى فى الجامعة وهوه بيحبنى بس أنا سافرت دولة أجنبية علشان أدرس وقولت لوالدتى عليه وقالتلى لما ننزل فى الاجازة اقابلة وحصل ووالدته كلمت والدتى واتفقنا انه هيحصل خطوبة بعد موافقة والدى الاول لما يشوفه الاجازة الى بعدها .. هوه اتخرج من كلية هندسة هوه مجتهد جدا وبيعمل الى عليه باحسن وجه وبيحاول دايما يحسن من مستواه الدراسى والعملى .. المهم جاله جيش لمدة سنة هوه مش حابب موضوع الجيش لانه اولا هيضيع سنة على الفاضى ثانيا لانه شايف ان فى الجيش العساكر بيتهانو بالسب والالفاظ الغير لائقة كان قبل مانعرف انه هيدخل الجيش سالنى انه يدخل اكاديمية عسكرية بحيث يطلع ظابط مهندس وليها مميزات كتير اوى عيوبها انه ممنوع يتجوز واحدة معاها جنسية تانية ولو اتجوزته لازم اتخلى عن الجنسيه .. عايزة اقول ان سفرنا البلد دى اجبر والدى انه يسيب شغله ونسيب مستوى مادى عالى فى مصر وبعدنا عن اهلنا واتغربنا على اساس الدراسة والجنسيه كنوع من الشهادة وضمان العيشة فى اى بلد لو لقدر الله حصل اى حاجة فى مصر .. وقتها قولتله صراحة انا مش هسيب الجنسية بالسهولة دى وخاصة هوه فيه حاجة بتخوفنى منه اوى وبالذات موضوع العناد والكبر وبحس انه كتييير بيهملنى بيحسسنى انى انا الى بحاول اوصله مش بياخد رائي فى حاجات كتير واكتشفها بالصدفة والشئ ده قولتله يغيره بس مفيش لعلم اننا مرتبطين من 4 سنين تقريبا وكلها معاملة على النت والتليفون .. المهم قالى مش هدخل خلاص الاكاديمية ومتسيبيش الجنسية بعد ماقالى انى انانية ومش بفكر غير فى نفسى وخناق كبير مع انه شاطر واى مكان هيسافر فيه هيبدع وممكن يجى البلد الى انا فيه هيبقى احسن واحد هنا .. بعد ماظهرت نتيجة الجيش قالى انا عايز ادحل الاكاديمية سالت مامتى قالتلى قوليله يدخل احنا منعرفش ايه الى هيحصل خاصة هيا مش مقتنعه بيه اوى غير لانى بحبه وهو بيحبنى .. وقولتله ادخل بس طبعا زعلانة جدا مش عايزة الموضوع ده يتم و حاسة اننا بنقرب على نهاية علاقتنا خلاص .. وقولتله الكلام ده متجاهل تماما انى مش موفقة واكنه ماصدق انى اقوله ادخل .. واجهته بالموضوع طلعنى وحشة اوى وانانية وبايعة مع انى بتمناله انه فعلا يكون احسن انسان سواء معايا او مع غيرى ونفسى ميدخلهاش لانى حتى مضمنش والد هيوافق انه اسيب الجنسية بالسهولة دى وانزل اعد فى مصر للابد .. على العلم انى اتعودت على العيشة هنا جدا وحاسة بكرامة وحقوق مش متحققة فى مصر للاسف .. ياريت تفيدونى اعمل ايه خايفة نسيب بعض خاصة انى عنيد اوى ومش بيعترف بغلطه ودايما بيطلعنى غلطانه مع انى بسال ناس كتي يقولى انتى الصح سبيه لانه انانى
صديقتنا العزيزة
أولا استخيري الله في كل أمورك فإن كان خير سوف ييسره لك, ثانيًا يجب أن تفكري جيدًا في الأمر فهناك بعض الأمور يصعب علىك تغيرها في شخص آخر خاصة إذا كان الآخر مقتنع بأن رأيه هو فقط الصواب , فالعلاقة الزوجية يا صديقتي مشاركة في كل شيء يجب أن تبنى على الحوار البناء يستمع كلاً منكما للآخر ويأخذ برأيه لأن النتيجة ستعود عليكما معًا فحاولي تثبيت هذه الفكرة بينكما فإن لم تستطيعي فأعتقد أن الأمر سيصبح صعبًا، كما أود أن أذكرك بشيء أنه ليس بالضرورة أن ينتهي الحوار بالأخذ برأيك فقط حتى يكون حوارًا ناجحًا ولكن حاولى أن يكون هناك نقطة تلاقي لتصلا بها إلى الحل الأمثل.