أنتِ مش سعيدة لأنك متأكدة إنك كنتِ بتعملي حاجة غلط

مشكلتي إني مترددة، أو بمعنى تاني خايفة؛ خايفه أتجوز واحد ويطلع مش كويس؛ مع إن عندي يقين وثقة في الله سبحانه وتعالى إنه مش هيختار لي حد وحش؛ لأنه قال {وَالطَّيِّبُونَ لِلطَّيِّبَاتِ}.
أنا اتقدم لي زميل لي في الدراسة أكبر مني، ولسه ما خلّصش دراسة، وأنا خلّصت.. هو ما جاش البيت؛ لأن بابا رفض إنه يدخل البيت، لأنه لسه مش متخرّج، قال لما يخلّص يبقى ييجي؛ لكن ماما قلقت وطلبت إنها تشوفه، وفعلاً راحت وقابلته هي وخالتو.. خالتو انطباعها عنه كويس؛ لكن أمي مش أوي، وشايفة إن ممكن ييجي أحسن منه.
المشكله دلوقتي إنه كان مفهّمني حاجات قبل ما يطلب مني إنه يتقدم؛ يعني مثلاً كان مفهّمني إنه بيصلي بانتظام، وكنت فاهمة إنه حد مجتهد وعلى طول بيشتغل، لما قربت منه واتكلمنا كتير لقيته على طول الوقت في البيت حتى وقت الصلاة، وأنا اللي باقول له قوم صلي.. وكلامنا دخل منطقة غريبة أنا مش متعودة عليها؛ بس هو كان بيقنعني إن ده حاجة عادية.. كنت في الأول شايفة إنه حد كويس؛ بس من طريقة كلامه حاسة إني مش مستريحة.. كمان بيكلم بنات على الفيس بوك وعلى النت، ولما فتحت معاه الموضوع ده قال لي ده نت؛ بس أنا مش بادخّلهم حياتي؛ كله هزار وضحك وتهريج، ولما أنا أكلّم جاري يبقى يوم أسود.
بِعِدت عنه لحد ما يخلّص كلية وييجي البيت؛ لأن أنا باخاف ربنا.. أنا مش عارفة أعمل إيه.. أنا تعبت والمفروض هو خلاص هيخلّص امتحانات وهييجي البيت.
عايزة أعرف رأيكم؛ أبعد عنه، ولا ممكن يتغير؟ بالله عليكم ادعوا لي إن ربنا يرزقني بزوج صالح.
as
لو عايز تفضفض لنا دوس هنا