طالما هو حاجة وأهله حاجة ليه تأخديه بذنبهم

أنا مخطوبة بقالي سنة ونص، وخطيبي شخص ممتاز من ناحية أخلاقه وأفعاله، وتفكيره يشابه تفكيري؛ بس المشكلة هنا في أهله، لا بيسألوا عليّ ولا حتى تليفون؛ برغم إنهم موافقين عليّ.
وحاسة إن أنا ما بارتاحش معاهم وبعضهم ما عندهوش صدق، ومش واثقة فيهم، وخايفة أستمر يطلعوا ناس مش هاقدر أتحمّلهم والآخر تبقى فيه خسارة كبيرة.
كمان كل ده بيخليني أشكّ في خطيبي وأقول إزاي هو مش زيهم؟! أكيد هو زيهم في حاجة وأنا مش عارفة أكتشفها دلوقتي، وخايفة بعد الجواز ألاقيها زيهم.
محتارة أوي، وأهلي حالياً متضايقين منهم بعدم سؤالهم ده، وليه أخ أصغر منه كان خطب وخطيبته سابته لأنه كان بيعاملها وحش ونفس أفعال أهله برضه.. وباتعب لما حد يتكلم عليهم لكن هم مش بيعملوا حاجة عشان أدافع عنهم، ولسة 6 شهور على الجواز.
تعبت أوي، وخايفة آخد قرار أندم عليه، وخايفة أسيب خطيبي وأكون غدرت بيه ويطلع مش زيهم، وأنا جربته في بعض الأفعال وأهلي كمان طلع قد المسئولية.
ganna

لو عايز تفضفض لنا دووس هنا