ليس لك حقوق لديها.. فافعل واجبك قبل أن تبحث عن حقّك

أنا عندي 19 سنة، وبحب واحدة معايا في الجامعة؛ بس اللي حصل إننا في الإجازة دلوقتي، ومش قادر أتصل بيها على الموبايل.. هي قالت لي أنا هابقى أتصل بيك عشان ما يحصلهاش مشاكل في البيت ووافقت على الموضوع ده.
المهم إني حصلت معايا ظروف كتير جداً، آخرها إني سقطت في الجامعة وقلت لها في "ماسج": إني "دبلرت" السنة وكان نفسي أفرّحك، قالت لي في "ماسج": ما تزعّلش نفسك، وأنا هاحاول ألاقي أقرب فرصة وأكلّمك فيها عشان عندي مشاكل كتيرة.
لقيتها بترن عليّ كل يوم الفجر رنة وتفصل، لكن ما تكلّمنيش، ولا سألت عليّ ولا حاجة.. هو مش حقي عليها إنها تسأل عليّ وتقف جنبي في الظروف دي؟
والله يا أنا بحبها وأنا تعبت جداً لأنها مش جنبي، وزعلان منها أوي، وخايف تكون ما بقيتش تحبني زي زمان.. أنا بقيت زي الطفل الصغير تايه في الدنيا دي.
م.م

لو عايز تفضفض لنا دووس هنا