حافظي على بواقي كرامتك!!

إزيكم، بجد موقع جميل.
أنا مشكلتي إني بحب واحد جداً؛ بس هو عنده صحاب بنات كتير معاه في الكلية؛ بس فيه واحدة مش معاه في الكلية، وهي بتحبة، وهو بيكلمها؛ بس بيحبني أنا؛ فأنا طلبت منه إنه يقول لها إنه مرتبط بيا أنا، عشان تشيل اللي في دماغها ما رضيش، وقال لي لا حرام عشان ما تزعلش، وكمان أنا مش باحبها؛ يعني ما تشغليش بالك بيها، أنا بحبك إنت.
بس أنا فضلت مصممة إنه يقول لها ما رضيش يقول لها، وقال لي: إنت شكّاكة خلاص مش هينفع نكمل مع بعض خلينا صحاب وإخوات أحسن؛ فقلت له خلاص مش عاوز تقول لها خلاص أنا آسفة ما تزعلش، قال لي لا ما رضيش، وقال لي مش هينفع نكمل مع بعض؛ قلت له هابقى خدّامة عندك بس ما تسبنيش، ما رضيش وعاوزنا نكون صحاب وإخوات، وأنا طبعاً ما اقدرش أعتبره كده عشان أنا بحبه.
salysaid8

لو عايز تفضفض لنا دوس هنا