مشغول بالسياسة

انا كنت مشغول بالسياسة كل يوم
كل اما شوف حد بيتكلم ويقول وطن اتفزع واقوم
كان مكتوب عليا اعيش حياتى مشغول بوطن
بحلم بلقمة عيش وجوزاه على القد وعشة للسكن
قلت لما بلدى تقوم بثورة وتنفزع وتصرخ
كل شئ هيتغير وهتبقى الاشية معدن
وساعتها كل يوم هقوم اتكلم فى السياسة
كنت مفتكرها حل مشكلة السعادة
بس هى ديما سبب التعاسه
ازاى اقول للناس انى الزعيم وانا قلبى اساسا مش سليم ؟؟
ايوة طبعاً مش سليم هو علشان اتكلمت فى السياسة
اكون رئيس واكون زعيم ؟؟ هو داه تفكير قلبى لانه اصلا مش سليم
هقولها تانى مش سليم ..!!! اللى بيحب الوطن مش شرط يكون رئيس
ولا حتى حاكم ولا قاضى او بوليس
الوطن محتاج ضميرى وضميرك فى كل شئ
الوطن محتاج كلام ؟؟؟ لا مش محتاج كلام
الوطن محتاج لامن محتاج سلام ومحتاج عمل مش كلام
الوطن محتاج قلوب جواها خير ليها بس ؟؟
لا ..!! محتاج لخير افكر فيه لنفسى بس قبله ديما افتكره للغير
طيب سؤال منى كمان ؟؟
امتى حسيت بالامان ؟؟ لما انت حد فى حالك
وفى يوم بتشوف اللص جارك سكت عنه وقلت وانا مالى
يا عم هو بيسرفنى انا ولا بياخد من مالى ؟؟
داه بيسرق مال حكومة والحكومة مالها سايب
وانت طبعا مطمئن واد مصحصح بس جن
انت وطنى مش بتاخد بس ساكت
شوفت بقى اصل الكلام
هنرجع نتكلم فى السياسة
والحيطان له ودان وانت واد طيب بس للاسف جبان
بس يا عم ما تزعلش ولا تكشر
انت مش عندك ضمير خليك لبلدك خفير
بس مش تمسك بندقية اوعى لا تلبس قضية ..!!
الحكومة هتمسك انت ومراتك والعيال وتقول عليكوا بلطجية
اقول على سر خطير انا برده بخاف ومش بحب السياسة