شباب بلا حدود

مشاهدينا برحب بكم وحلقة جديدة من برنامج شباب بلاحدود برنامج شهرى بالتعاون مع قناة "دوتش فيلا"الالمانية والتليفزيون المصرى ياتيكم هذه المرة من المانيا وحواريتواصل فيه مجموعة من الشباب المصرى والشباب الالمانى حول الهجرة وعواقبها الاثارالسلبية والاثارالايجابية بالنسبة للدول المصدرة والدول المستقبلة للمهاجرين الغربة ومشاكل الاندماج كضرائب بيدفعها على كل من يقدم على هذا الامر خلينا نتكلم باستفاضة اكتر فى الموضوع مع ضيوفى من الشباب المشارك اللى برحب بيهم اولا ونعرف من امبيرا بالنسبالك الهجرة موقفك منها ايه ؟موقف سلبى ولا موقف ايجابى ؟
امبيرا : انا اعتقد انى الهجرة موجوده فى تاريخ العالم منذ القدم فالانسانية تتحرك عبر القارات والبلاد وهى عملية موجوده منذ الاذل لذا يجب ان نستفيد من المزايا ونبتعد عن السلبيات
سحر ناجى : وانتى بالنسبالك ياسمين شايفة الهجرة ايه ؟ حاجة لابد منها ولا لازم قبل ما نقدم عليها لازم نفكر فيها كتير ؟
ياسمين: انا شايفة انها حاجة لابد منها لان احنا العالم اللى عايشين فيه دلوقتى هو عالم فيه عولمة فيه حرية انتقال تجارة وحرية انتقال بشر لكن قبل ما اى حد يتخذ الخطوة دى لازم طبعا يفكر فيها تفكير كويس قوى قبل ما يعملها لانها مش سهله
سحر ناجى : طب ياسمين لما جيتى المانيا كدوله مستقبله للمهاجرين مدى استعداد المهاجرين واصحاب البلد الاصليين للاندماج وفى نفس الوقت ايه متطلبات كل طرف من الطرف الاخر ؟ وكان ليكى رايى من خلال ملامستك للواقع هنشوفه فى التقرير ونرجع نتناقش فيه
تقرير
ياسمين: انا موجوده دلوقتى فى برلين حابه اعرف ازاى الاجانب عايشين فى المجتمع الالمانى وهل هما مندمجين ولا لا ؟ وفى نفس الوقت عايزه اعرف الراى الالمانى فى الموضوع ده فيلا بينا نبتدى اول حاجة انا قابلت الينا فى بيتها اتكلمنا عن الاجانب فى المجتمع الالمانى قالتلى انها معندهاش اى مشكلة ان هما يتعايشوا مع بعض فى المجتمع بس هى متخوفه ان الاجانب بيعملوا تاثير قافى على المانيا فممكن يجى اليوم ما تبقاش الشخصية اللى هى عايزة تبقاها والحاجات اللى عايزة تعملها مفهمتمش قوى هى قصدها ايه بالموضوع ده لكن لما نزلنا الشارع ولقينا اجانب كتيرة قوى من جنسيات مختلفه فهمت شويه هى قصدها ايه بعد كده رحنا اكلنا اكل عربى وسالتها واحنا بناكل انتى ايه اكتر حاجه مهمة علشان الاجانب يقدروا يندمجوا فى المجتمع فقالتلى اللغه علشان كده احنا دلوقتى رايحين المدرسة نتعلم اللغه الالمانية يلا بينا انا جيت مدرسة لتعليم اللغة الاجنبيه اكتر حاجة عجبتنى ان هما من مختلف انحاء العالم من الصين ومن بنجلادش ومن السويد ولما سالتهم انتوا ليه بتتعلموا المانى ؟ قالوا الدراسة اللى قال انا عايز ابحث عن وظيفة واللى قال علشان اندمج فى المجتمع الالمانى انا شفت ان هما بيدعموا بعض كتير قوى لكن انا عندى سؤال هل هم لما بيتعاملوا مع الالمان بنفس الراحة دى ولا لا ؟ دلوقتى يلا بينا نكمل انا جيت فى مكان فيه جاليه عربيه كبيرة فى الاول قابلت ولد عربى قال انه هو حاسس انه مندمج وعنده المحل بتاعه مفيش اى فرق قابلت ام بتتعمل المانى عمرها ما خرجت بره برلين وحاسه انها فى بلدها لان الناس اللى حواليها عرب وبيتكلموا لغتها حبيت اخد الراى الالمانى قالولى ان هما شايفين ان التنوع الثقافى بيضيف للمجتمع الالمانى مش بياخد منه لكن هما متوقعين من الاجانب فى المانيا ان هما يتعلموا اللغه بيحترموا القوانين ويحاولوا يندمجوا فى المجتمع الالمانى انا بعد ما جيت لكن رايى انه مش بيشجع الاندماج لان العرب هنا عايشين مع ناس بيتكلموا لغتهم نفس ثقافتهم المفروض يخرجوا بره ده المفروض يتكلموا المانى ويتعاملوا مع الالمان ويندمجوا فى المجتمع دلوقتى يلا بينا نتكلم بعد كده قابلت ولاء صاحبتى احنا كنا مع بعض من ايام المدرسه بقلها هنا فى برلين 3 سنين تحس انها مندمجة ومتاقلمه لكن بتواجهها بعض الصعوبات فى بعض المواقف بس هى بتؤمن ان الاجنبى اللى عايز يتاقلم فعلا يقدر يتاقلم فى المجتمع الالمانى لكن رايى ان الطرفين محتاجين يعملوا مجهود اكتر سواء الطرف الالمانى او الطرف الاجنبى علشان المجتمع يحصل فيه اندماج ويحصل فيه وحده حقيقية دلوقتى يلا بقى نشوف بعض الصور باباى .
سحر ناجى :نقف عند رايى ياسمين فى مسالة الاندماج فى المجتمع الالمانى انتى قلتى ان الطرفين محتاجين يعملوا مجهود سواء الطرف الالمانى او طرف المهاجرين هل دا انتى محستهوش وفى نفس الوقت ايه اللى مطلوب منهم بالظبط ؟
ياسمين :هو انا حسيتوا وهو موجود لكن ليس بالقدر الكافى يعنى بالنسبة للمهاجرين فى كتير منهم بيحاول يتعلم اللغه الاجنبيه وعايز يندمجح بس كتير قوى مش عايز برضه احنا قابلنا ست عايشة 50 سنة فى فرانكفورت مش بتعرف تتكلم المانى هى مش حاسه انها محتاجة لان هى عايشة فى مجمتمع فيه ثقافتها وفيه الناس اللى بتتكلم لغتها الحكومة بتحاول والناس اللى مش قادرة تتعلم المانى هى بتدفعلها لكن فى نفس الوقت حاسه انه هما يقدروا يشجعوا الناس بصور مختلفه اكتر من كده يقدروا يوصلوا ليهم
سحر ناجى : بطريقة اسرع واسهل؟
ياسمين :بالظبط كده
سحر ناجى : طب انتى حددتى ان الطرفين عليهم مجهود انا عايزه اشوف هانز هل انت شايف ان الطرف الالمانى ما بيعملش مجهمود كافى علشان يحصل اندماج ما بينه وما بين المهاجرين ؟
هانز:ليس بالقدر الكافى يجب ان اقول هذا بصراحة واعتقد ان هناك بعض التوجهات الصحيحة وتعود بالفائدة لا سيما فى تعلم الاطفال او تعليم الاطفال اللغة الالمانية فى المنطقه المحيطة بى هناك الكثير من الاجانب وهم يحظون بقبول كبير ويندمجون ايضا بشكل جيد وهناك ايضا مشروعات كبيرة تقوم بها المدينة لتحاول اندماجهم بشكل افضل فى المجتمع الالمانى ليس فقجط هناك احجام من الاشخاص ولكن هناك تشجيع
سحر ناجى : انا عايزة برضه عند جمله قالتها الينا انا مفهمتهاش بالقدر الكافى الينا قلتى انك متخوفة ان الاجانب يعملوا تاثير ثقافى على المانيا وان خايفه ان فى يوم من الايام متقدريش تبقى الشخصية اللى انتى عايزة تبقيها لااو تعملى الحاجات اللى انتى عايزة تعمليها ايه هى الحاجات دى ؟ وهل وجود الاجانب فى المانيا بيمثلك تهديد ما اشرحيهولى ؟
الينا :فى البداية اود ان اقول لم اقل هذا تحديدا اود ان اقول ان هناك سوء فهم انا ليس لدى اى تخوف من وجود الاجانب فيه المانيا فانا اعيش فى منطقة او حى فى برلين فيه 90% من المهاجرين وهو امر رائع وانا استمتع بهذا بشكل كبير فنحن نتعلم من بعضنا البعض ونتعلم من ثقافات اخرى
سحر ناجى :اميرا انت من المهاجرين هل بتحس ان المهاجرين مش عارفين يندمجوا بما فى الكفايه فى المجتمع الالمانى ؟
امبيرا :استطيع ان اؤيد هانز فيما قاله هناك من لا يرغب فعلا فى الاندماج والمشكلة طرحتها ياسمين ايضا اللغة من جانب لان الاجيال الاولى من المهاجرين حضرت الى هنا بوصفها ضوف او عمال زكانت الفكرة ان يعود مرة اخرى ادراجهم الى بلادهم ولكنهم ظلوا هنا فى البلاد اعتقد انها كانت مشكلة مؤقته فالاجيال الثانية والثالثه ممن ولدوا هنا فى البلاد تمكنوا من الاندماج وتمكنوا من التعايش وهم نوع من الاندماج لكن هذه المرحلة الانتقاليه كانت تعنى دائما وجود مشاكل واحتكاكات
سحر ناجى :انا عايز اعرف محمد بالنسبالك اللغه الى اى مدى تفتكر هى ضروريثة علشان مساله الاندماج فى اى مجتمع غريب عليك ؟
محمد: انا اعتقد ان اللغة يعنى اهم حاجة علشان هى دى الطريقة الوحيدة اللى ممكن نتعامل بيها مع الناس ففى الايام العادية رايحة تجيبى حاجة من السوبر ماركت رايحة تدرسى رايحة تتعلمى عاوزه تتكلمى عادى تتعرفى على اصحاب جداد فعلشان كده اللغه لازم تكون اهم حاجة الواحد لازم يتعلمها
سحر ناجى :طب مصطفى انت شفت نموزج الام العربيه اللى عايشة ما بتعرفش المانى خالص وعايشة بقالها سنين وهى شايفة نفسها مندمجة انت كواحد جاى من خارج البلد هل انت شايفها كده نبقى مندمجه ؟
مصطفى :لا طبعا
سحر ناجى :تعمل ايه علشان تبقى مندمجة ؟
مصطفى :هى تعمل اللى هى عايزاها دا اختيار شخصى لكن هى المفروض علشان تبقى جزء من الثقافة وكده لازم تندمج وتعرف اللغه اللغة اهم حاجة علشان تقدر تتكلم ولادها هيبقى فيه ثقافتين فى البيت الواحد ولادها هيبقوا جيل تانى اتعلم هنا اتربى هنا صحابه المان كل حاجة فهيبقوا فيه مشكلة هى لازم تتعلم المانى علشان تقدر تتواصل مع الناس انا مش متخيل ازاى انا معرفش اللغه وهقدر اتعامل وهقدر اندمج كلمة الاندماج اساسا مش هقرب منها خالص
سحر ناجى :طيب خلينا نتعمق اكثر فى مسالة الاندماج فيه المجتمعات المستقبله للمهاجرين ونشوف شباب ذوى اصول اجنبيه واقع ودرجة اندماجهم فى المجتمع الالمانى واصلة لغاية فين وفى نفس الوقت لما الحديث عن الاندماج الناس بتتخوف من ايه ؟نشوف فى التقرير ونرجع تانى
تقرير
امبيرا:اهلى من تركيا لكنى ولدت وادرس فى المانيا واعيش فيها ايضا انا المانى
هكذا يجيب امبيرا عندما يسال عن اصوله امبيرا يتيضع مرارا فى هذا السوق وسط برلين وهو مكان يلتقى فيه بالكثير من الاشخاص من مختلف الاصول والجنسيات
امبيرا:تعتبر السوق جزءا هام فى المجتمع فيها يتعارف الناس اشك فيما اذا كان هذا التعارف يكفى للاندماج التام لكنه يعد على الاقل خطوة ايجابيه الى جانب تعلم اللغة الالمانية..
جميلة ولدت هى الاخرى وتربت فى المانيا لام المانية واب فلسطينى وهى تحب الطعام العربى وزتشعر فى الوقت ذاته بانها مندمجة فى المجتمع الالمانى لكنها تدرج جيدا ان هذا الشعور ليس سائدا لدى جميع الشباب ذوى الاصول الاجنبيه
جميلة:عندما يدورالامر حول الاندماج يخاف معظم الناس من فقدان هويتهم الثقافيه لكنهم فى الوقت ذاته يكونون مرغمين فى الوقت ذاته على الاوضاع هنا اعتقد ان ايجادة الطريق الوسط هو نموزج الاندماج الناجح
يحضرامبيرا صديقته فرانسى من عملها ولا تلعب اصوله الاجنبيه بالنسبة لها اى دور لكنها تلاحظ احيانا بعض الفروق بينها وبين صديقها
فرانسى :احيانا يغالب باقرار السيطرة ادرج حينها با،÷ تركى فيما عدا ذلك يتصرف كالالمان
امبيرا :لا يهمنى ان كانت صديقتى المانيه او اجنبيه الامر الوحيد الذى يهم هو مشاعرى تجاهها
تتوجه جميلة الى فاعليه يلتقى فيها الطلبة الالمان مع الفلسطينيين وهى تستهدف دعم الطلبه عن طريق سرد تجاربها فى المانيا عليهم وفى الوقت ذاته تحاول التواصل مع جذورها الفلسطينيه
جميلة:اعتقد ان هذا التلاقى يمثل الاندماج الناجح وهو ان تتلاقى الثقافات معا وتتعلم وتتبادل من بعضها البعض
تعشق جميلة المسرح وتشارك فى مشاريع فنية مختلفه وترى ان هذه المشاركة تساعد على تجاوز ما قد يحولوا دون اندماج الاجانب فى المجتمع الالمانى
جميلة: عبر قيامك بانشطة مختلفة مثل المسرح والموسيقى والرياضه تتوقف عن تحديد هويتك عبر انتماءك الثقافى او العرقى او اللغوى وتجد نفسك فى نفس مستوى الاخرين لانك تقوم بنفس النشاطات وفى لحظة تدرج ان الناس جميعا متساوون
ينحدر امبيرا وجميلة من اصول مختلفه لكن ما يجمعهم انهما جزء من مستقبل المانيا
سحر ناجى :نرجع لجميلة جميلة ام المانية وزاب فلسطينى وانتى اتربيت هنا فى المانيا بتشعرى انك انتى مجتمعه فى المجتمع الالمانى ايه اللى انتى بتعمليه وما بيعملهوش غيرك علشان تشعرى بهذا الاندماج ؟
جميلة:الاندماج لم يكن ابدا مشكلة بالنسبة لى كنت دائما اشعر اننى من هذا المجتمع فانا ولدت هنا وذهبت الى المدرسه هنا وتعلمت اللغه وتحدثت بها وكل الهوايات المسرح الموسيقى وكل هذا الاشياء بديهية بالنسبة الى
سحر ناجى :مسالة اختلاف الثقافات ما كنش فيه اى اختلاف فى الثقافتين ؟
جميلة:هذا هو ما نراه عندما يتم الركيز على ذلك ان يكون هناك احتكاك بين الثقافات ولكن لم يكن مسموح لى بالذهاب الى الديسكو مثلا وكنت اكافح من اجل حريتى فى بعض الاحيان
سحر ناجى :احمد بالنسبالك هل ممكن تعيش فى مجتمع وتحافظ فيه على ثقافتك وانتماءاتك ولا لازم هيحصل بصورة او باخرى قطع للجذور وقطع للثقافه اللى انت جاى منها
احمد: انا شخصيا لو قاعد فى دولة طبعا هحترم كل القوانين اللى موجوده فيها لو لقيت فى عاداتهم وتقاليدهم عادات انا اعرف اتعامل بيها انا بالنسبالى متشكليس اى نوع من الضرر او من الضيق لا انا بالنسبالى مش هيبقى فيه اى مشكلة لكن برضه هبقى محتفظ نسبيا ببعض التقاليد او العادات اللى انا متعود عليها فى بلدى وبحب انى انا اعملها
ماريا:أنا اريد ان اقول انا ايضا لست المانيا ولديا ايضا خلفية قائمة على الهجرة واستطيع ان اقول ان مشكلة الاندماج فى المانيا بوجه عام لان الالمان لا يقبلون الثقافة الاجنبيه وهذه هى المشكلة او صلب المشكلة ففى المانيا هناك نوع من الانغلاق الى حد ما ولا يرغب الكثير فيه ان يكون له علاقة فى الوتاصل مع المختلفين ليست المشكلة وحدها هى اللغه ولكن القبول قبول وجود ثقافة اخرى وان يشعر الاخرين بشعور الاخر لهم ايا ان كلا منهم لا يقبل ثقافة الاخر
سحرناجى :هايدى انا عارفة ان والدتك مصرية والاب المانى ازاى ممكن نحل المشكلة دى فى المانيا المشكلة الى اتكلمتى عليها ماريا ؟تقبل الاختلاف فى الثقافات ده
هايدى:انا شايفه ان كل واحد من حقه ان هو يبقى عنده حاجلت شخصية عادات معينة يعملها وهو ما بياذيش بيها حد طالما انا باذيش اللى قدامى وبضايقه فى حاجة خلاص يعنى يعنى انا مش دى ممكن تسبب مشكلة فى مجتمع او مشكلة فروق فى ثقافات يعنى انا مش شايفة الكلام ده كبير قوى على انه فى موضوع بسيط جدا ممكن يبقى فيه انسان مرتاح فى عادات وتقاليد معينة طالما هو ما بيضرش بيها حد يمارسها ايه المشكلة فى ده
سحرناجى :طب ياسمين ليكى تعليق وعايز اسال برضه سؤال قولى تعليقك ؟
ياسمين:بدايتا لديا تعليق على موضوع اللغه فانا رايى انه يجب ان يتواصل الجميع بعضهم مع بعض فاذا لم يكن احدهم يفهم الاخر واذا كان هناك شخص لا يستطيع ان يقول ما يرغب فيه ان يشرحه للاخر اذنا يكون هناك نوع من عدم الثقه يشعر المهاجر بالاهتزاز ثم يرتد مره اخرى الى دائرته التى يفهم فيها الناس لذا اعتقد ان عدم الفهم يؤدى الى عدم الثقه
ماريا:انا مقتنعة تماما بان اللغة ليست هى الاساس من اجل التفاهم فانا اعرف بعض الاجانب الذين لا يتحدثون لغة بعضهم البعض ولكن هم كمهاجرين يتفهمون بطريقة او باخرى ولكن الثقافات لا تفهم بعضها البعض اذنا ان اللغة ليست هى المشكلة الرئيسيه المساله تتوقف على الثقافة والتسامح
سحر ناجى :تتوقف على انا عايز اتقبلك ولا لا ؟ علا ليكى رايى انا شايفاكى عايزة تقولى
علا:اه بالظبط كنت بالظبط بدور على الكلمة اللى ماريا لسه قايلها من شوية وهى فكرة التسامحخ متهيالى دى اهم حاجة فى موضوع الاندماج يعنى يعنى مش على اللغه ما هو انا ممكن ابقى مصرية دلوقتى قاعده فى المانيا مبتكلمش المانى بس عارفه اتعامل مع الناس التانية بالانجليزى بالفرنساوى بى اى لغة تانية فى الحياة
سحر ناجى :بس احنا مش عايزين نطلق عليها تسامح التسامح ده يعنى انتى عملتى فيا حاجة غلط وانا هسامحك عليه
علا:لا انا محدش عمل فيا حاجة غلط التسامح بمعنى التفاهم انى انا لازم ابقى متقبله اللى قدامى محترماه على رايه حتى لو هو شايف انه بيعمل حاجة صح هو اكيد فكر فى الموضوع ده فانا احترمه كده زى ما هو نتهيالى دى اكتر حاجة مهمة فى الاندماج ومتهيالى دا كان قصد هايدى وماريا زى ما فهمت بس انا ممكن اقول يعنى اننى منفعش متقبلش حد لمجرد ان هو عاداته وتقاليده بيختلفوا عنى اه مش اللغة بس بس اللغه عامل اساسى ومعاه حاجات تانيه العادات والتقاليد مش بتفرقنا انا متاكده ان العادات والتقاليد مش هى الحاجة اللى بتخلينا نحس انا مش هندمج مع اللى قدامى علشان هو مختلف يعنى يعنى انا لازم احترم اللى قدامى بيقول ايه ؟
سحر ناجى :هايدى
هايدى:هو انا شايفه حاجة ان الانسان اصلا طبيعته بيخاف من حاجة اللى مختلفة عنه اصلا يعنى انا لو شفت انسان مختلف عنى فى طريقة كلامه فى عاداته فى تقاليده اكيد هخاف منه اكيد هرجع لورا وهحس بالالفه مع الناس اللى زى دا طبيعة بشريه فهى مسالة ان احنا نحاول ان احنا نقلاب من بعض نفهم بعض نفهم دا وجهة نظره ايه ؟ ونحترمه برضه انا مش شايفه ان فيه اى مشاكل افهمه ما ممكن يكون لى وجهة نظر تانيه مش لازم نقنع بعض ولا ان احنا نحترم بعض
سحر ناجى :طيب احنا شفنا واقع الحال فى المانيا خلينا نشوف واقع الحال فى مصر لان الامر هناك لا يتعلق بالاندماج ولكن يتعلق بموضوع الهجرة هناك من الشباب من يبحث عن الهجرة ويلجا للمخاطرة وهناك من لا يبحث عنها نشوف ايجابة لهذه التساؤل بعض التقرير
تقرير:فى مكتب لخدمات الهجرة يسال مصطفى عن الشروط والمتطلبات المفروضه للهجرة فهو الان يقوم بالتدريب لدى مهرجان القاهرة للافلام ويرغب فى الهجرة من مصر
مصطفى:عايز الاقى مستوى اقتصادى احسن بالنسبالى عايز فرصة حياه افضل الاقى اكون ذاتى واحقق طموحى اكون مستوى فكرى مستوى ثقافى ومستوى اجتماعى ومستوى اقتصادى احسن
محمد لم يسافر منذ ولادته قبل 23 عاما الى اى دولة اخرى عاش فى القارهة ذهب هناك الى المدرسه وبعدها الى الجامعه وهو لا ينوى الهجرة الى خارج مصر ابدا
محمد:تنصت علا الى هايدى وهى تلقى قصيدة باللغة الالمانية تربت هايدى بين ثقافتين فامها مصرية وابوها المانى رغم انها تملك الجنسية المزودجة الا انها لا تشعر بانتماءا حقيقى لايا منهما
هايدى:بالنسبالى بفكر كتير قوى فى الهواية لانى انا كنت طول عرى مقسومة مقسومة نصين دا لانى انا بتكلم فى البيت المانى وفى المدرسه رحت مدرسة المانى
وفى مصر انا فى مجتمع مصرى فدايما كنت بفكر انا مين
بينما يقص مصطفى عن موعده لدى مكتب الخدمات للهجرة يدرك ان الهجرة لن تكون بالامر السهل كما كان يتوقع
مصطفى: الصعوبات اللى هواجهها الحصول على الفيزا صعبه جدا الحصول على الفيزا بالنسبة لفرصة عمل معرفش هحصل على فرصة عمل هناك ولا لا خاصنا ان انا مش مواطن .
محمد يعمل فى قسم خدمة العملاء لدى شركة هواتف نقاله خلال عمله يتعامل كثيرا مع الاجانب ويقول من واقع خبرته بان الاجانب يمكنهم الاندماج فى المجتمع المصرى والشعور بالراحة فى مصر باتباع اساليب معينة
محمد:يعنى يتعلم اللغة العربية هتبقى اسهله كتير ان هو يتعامل مع المصريين يتقبل العادات والتقاليد وان هو ما يعزلش نفسه مع الاجانب اللى عايشين فى البلد لا يبدا ينزل الشوارع يتكلم مع المصريين يفهم اكتر علشان يقدر يعيش فى البلد
خلال لقاء الاصدقاء الثلاثه فى مقهى يتطرقون للنقاش حول الهجرة الغيرالشرعية فقط ارتفع عدد المهاجرين المصريين غير الشرعيين فى الاعوام الاخيرة هايدى لا لاتبدى اى تفهما لهذا التصرف
هايدى:لو الواحد عايز يهاجر ممكن فيه مكاتب معينة ممكن الواحد يروح يسال فيها بحيث ان هو يهاجر هجرة شرعيه لكن انى انا اخاطر بحياتى واخاطر بحاجات كتيرة قوى علشان انا اسافر ومش عارف هسافر ليه اصلا انا ضد دا جدا
الشباب المصرى بين متشبس بوطنه واخر يحلم بالهجرة بحثا عن مستقبل افضل
سحر ناجى :نرجع لمصطفى انت قلت فى التقرير لا امانع فى الهجرة ببحث عن مستوى اقتصادى افضل فرصه افضل لحياتى اكون ذاتى اكون مسنوى فكرى ثقافى اجتماعى اقتصادى احسن هل كل دا ما تقدرش تعمله فى مصر ؟
مصطفى :ابدا كلامى انى انا غرضى الهجرة لا انا متبس ببلدى متشبس ببلدى قوى ودا السبب اللى هيدفعنى اهاجر لان جزء من احلامى ان انا اخلى بلدى احسن محمد على خلى الناس تهاجر تسافر بره للتعليم انا مش عايز هجرة انى اعيش بره الهجرة مؤقنه الهجرة المؤقته دى اقدر فيها انى انا احقق لنفسى كمستوى ثقافى اقتصادى اجتماعى كل حاجة
سحر ناجى :ودا متقدرش تعمله فى مصر ؟ تحسن من نفسك من ناحية التعليم من ناحية الثقافة والمستوى الاجتماعى ؟
مصطفى :اقدر احققه فى مصر بس ما انكرش ان دى فرصة للتعليم فى مكان احسن فيه فرصه انى انا اطور نفسى فى مكان احسن مننكرش ان فيه حضارات مختلفه مننكرش ان اوروبا اتقدمت بالشكل ده لما كانت بتروح لاسبانيا وبيروحوا الشرق ما ننكرش ان احنا حصلنا تطور فى القرن ال 18 و 19 بسبب البعثات اللى بعتها محمد على ومن بعده الخديوى اسماعيل وغيره دا بيفهمنا ان الهجرة بننقل الثقافات والحضارة اللى عندنا لبعض
سحر ناجى :طيب عايزين نسمع رايى محمد علشان محمد قال فى القترير انه معندوش استعداد خالص يسيب مصر هو عاوز حتته واهله وناسه ويعنى متشبس بيها ايه {ايك فى الكلام اللى بيقولوا مصطفى ؟
محمد:هو انا بالنسبالى هجرة ما ينفعش اقول صح او غلط لانها بتختلف من شخص لى شخص ممكن شخص بيكون فيه حاجات مش عجباه فى البلد فبيهاجر
سحر ناجى :ايه اللى بيخليها تختلف من شخص لى شخص ؟ وليه انت عندك الشعور انك عايز تقعد وهو عنده الشعور ان هو عايز يروح ؟
محمد:فيه مشكلة بالنسبة للساب ان هو عايز كل حاجة سهله يعنى عايز مثلا اتخرج يكون عندى العربيه مش عارف ايه البيت اللى قد ايه وكل حاجة على طول فممكن يكون فاكر ان دى هتبقى اسرع له بره لكن انا شايف ان الشباب يعنى فترة الشباب دى هى فترة كفاحك فانتى كل ما بتكافح اكتر وبتتعب اكتر بتحس بالحاجات دى قدامك انا دى من وجهة نظره يعنى
سحر ناجى :نادية انا عايزة اعرف الاول راى ناديه ناديه انت المانية ايه الظروف اللى لو انتى اتحطيتى فيها تقدمى على هجرة من المانيا ؟
ناديه:طبعا الوظيفة قد تكون السبب الاساسى فانا بالطبع اريد ا، اسافر لى سنة او لبعض الوقت فنحن نتعلم من اجل الحياه فانا اعلم القانون الالمان واعرف كيف نعيش هنا ونشعر هنا وكيف يشعر الاجانب المهاجرين هنا ايضا ولكن انا اريد ان اجرب شعورا ما وامارس تجربة ما فى بلد اخرى لمد ثلاثة اشهر سواء فى اوروبا او فى خارجها وهذا مهم بالنسبة على المستوى الشخصى لذا لا افهم ا،ت قلت انك لن تسافر ابدا الى الخارج لاول مرة فى حياتك سافرت الى الخارج الان
محمد:اه دى اول مرة فى حياتى اطلع بره مصر بس عن طريق النت تقدرى تعرفى اى حاجة فى اى بلد مش لازم تسافرى طبعا السفر دا جزء مهم علشان تعرفى ثقافة او تعرفى لغة بس انا اتعلمت سواء انجليزى او فرنساوى من كتب المصريين كانه بيعلمونى مش لازم اروح البلد علشان اتعلمها
سحر ناجى :لا هى قصدها ان بعد ما خض تجربة السفر لى بره هل مازلت متشبس بفكرة قعادك فى مصر ؟ ولا عاوز برضه تهاجر ؟
محمد: اكيد
سحرناجى : اكيد ايه ؟
محمد:اكيد هبقى قاعد فى البلد
سحرناجى : اوكيه طب نايه انا عايزة اعرف حاجة انتى لما فكمرتى تهاجرى لمده صغيرة او لمده كبيرة هتروحى فين ؟ ايه البلد التانية اللى هتروحلها ؟ هل البلد دى لازم تكون احسين مستوى من المانيا متقدمة اكتر من المانيا ولا دا مش شرط؟
ناديه: لا ليس بالضرورة لا على الاطلاق فانا احب العالم العربى لانه مختلف تماما وكنت افكر فى ان ازور الدورة اتعلم اللغة العربية سابقا كنت اريد ان اسافر الى اسبانيا والى سويسرا ولكن الامر ليس له علاقة بالاكثر تطورا من المانيا ممكن ان اعيش فى مكان مهجور تماما لكى امارس او اغالب شعور الحياه فيه اماكن مختلفه
سحر ناجى : محمد لما المصرى بيقدم على الهجرة هل لازم تكون بلد متطورة اواكثر تطورا من مصر ولا مش شرط ؟
محمد:كمصريين المشكلة هما بيسافروا علشان الفرصة زى ما محمد قال فاستحالة يفكر يسافر فى بلد اقل تقدما الا لو هو امكانياته الشخصية اعلى من البلد دى هو رايح علشان يساعد فيها ودا قليل قوى ان هو بيحصل فكل المصريين بيفكروا ان هو عايز يسافر بلد متقدمة عايز ياخد مرتبات عاليه عايز يعيش عيشه مش شايفاها فى مصر وفيه بلاد كتيرة قوى عندهم مقومات تشد البنى ادم ده لكن البلاد التاني مفيش حد هيرحلها
هانز:كنت اعتقد ان نقول بالنسبة للشباب عموما انه ليس منا من سيسافر لانه لا يعرف يتتغل فرصا معينه كل شىء بامنا ان نفعله هنا فى المانيا لذا اعتقد من يسافر يسافر رغبه منه فى الخروج الى العالم ليس فقط من اجل الوظيفة مثلما هو الحال بالنسبه لبعض المصريين ولكن السبب الاساسى بالنسبه الينا قد يكون هو اكتشاف العالم بشكل او باخر ولكن دون اسباب جوهرية اخرى
سحرناجى : لوكس ل راى ؟
لوكس:كنت اريد ان الامر يبدوا كما لو كان فى المانيا الجميع الى بلاد ا×رى مثلا الى لند فقط للتعرف على العالم لاننا كما يدعى البعض كل الفرص متاحه امامنا ولكن قد يكون هذا متوافر للبعض فى دوائر اجتماعية معينه ولكن هناك ايضا عائلات لسيت لها وظائف وتعانى من البطالة او منهم من يسافر ايضا الى بلاد اخرى مثلا الى لندن لانهم لا يجدون اعمال هنا فى المانيا ولكن فى انجلتر يتقاضون رواتب اعلى
سحرناجى :قد يكون ايضا موجود فى الامانيا ولكن بدرجة اقل لانى اسمع كثيرا ان المصريين بتسافر لايجاد فرص عمل بره او فرص تعليم زى ما كان مصطفى بيقول يعنى فيه حاجة هى موجوده فى مصر مش موجوده فى المانيا ان الاعلام بيلعب دور كبير قوى على الشباب المصرى بيشوف الالام الشاب المصرى لسه متخرج بيسافر بره بيشتغل شوية شغلانه بسيطة فى الاول بعد كده بيعمل فلوس كتير قوى وبيرجع مصر معاه العبية متجوز وعنده بيت حلة فانا شايفه الاعلام بيدى صورة للشباب ان الهجرة سهلة وبيعمل فلوس بسرعة ودا مش حقيقى هما متخيليين الصعوبات اللى ممكن يواجهوها
سحر ناجى : طب يعنى الاعلام ما بيعملش كده يا جميلة ما بيعملش زى فى مصر ؟
جميلة:انا اتساءل انكم تحكون هذا الناس تسافر من مصر لتحسين مستوى الدراسه او المستوى الاقتصادى او العوده على وظائف اكتر هل هناك اهتمام بثقافات اخرى ؟ اليست هذه مشكلة؟ ايضا عند الهجرة الذهاب الى بلد اخرى رغم اختلاف الثقافة او انه لا يهتم بالثقافة ولكن رغم هذا يرغب فى تحقيق ذاته
سحر ناجى : عموما جميلة هنعود ونجاوب على سؤالك بعد الفاصل وحوارنا حول الهجرة ورؤية الشباب لاثارها السلبية والايجابية على الدول المصدرة والدول المستقبله
فاصل
سحر ناجى : مرة تانيه هنواصل حوارنا مع الشباب المصرى والالمانى حول الهجرة الفرص المخاطر المشكلات والاثار الناجمة عنها فى البلاد المصدرة للمهاجرين وفى البلاد المستقبله وقبل ما نديهم الفرصه ليوجهوا لبعض الاسئله خلينى ارجع لجميلة لسؤالك اللى كنت بتقوليه قبل الفاصل وجيهه تانى ونشوف مين ممكن يجاوبك عليه ؟
جميلة:كنت اتساءل اذا كان الاهتمام بالهجرة والرغبة مثلا الهجرة من مصر هو العمل والدراسة فقط و لايمكن اذنا ان تنجح الاندماج اذا ل يكن هناك اهتمام بالحضارة والثقافه
علا: انا شايفه فعلا ان دا سبب لعدم الاحساس بالانتماء لان دايما بيبقى الموضوع متوقف على انا مسافره ليه اصلا يعنى انا لو مسافرة دلوقتى علشان اتعلم اكيد هبقى متفتحة اكتر هبقى متقبله ارائهم اكتر يعنى هبقى محترمه رايهم ايا كان هو ايه فلعاشان كده احس انى انا مندمجة معاهم من ناحية التفاهم بس مش من ناحية اللغه زى ما احنا كنا بنتكلم اما لو كنت مسافرة ومهتمة قوى انى انا اعرف عادات وتقاليد الناس اللى انا عايشة معاهم مش انى انا رايحة علشان هدف معين وراجعة تانى خلاص مش هتفرق معايا ساعتها البد دى بتفكرازاى او لو انا عايز اندمج مع عاداتهم وتقاليدهم ولا لا ؟
سحر ناجى : ولكن فيه احيانا ناس بتسافر علشان تعرف ثافات تانيه بس مبتبقاش هجرة علشان نعرف ثقافة البلد بيكون سفر لمجرد الفسحة لبعض الوقت وارجع تانى ياسمين كان ليكى سؤال للشباب الالمانى
ياسمين:انا السؤال بتاعى الاجانب فى المانيا اما بيوصلوا سن 18 سنه لازم يختاروا بين الحصول على الجنسية الالمانية او الابقاء على جنسيتهم الاصليه فهل انتم شايفين ان قانون زى ده عادل ولا لا ؟
ماريا:عندما يكون الشخص مولود هنا يمكنه ان يقرر بعد سن الثامنه عشر اما حنسيته الاصليه من حيث اتى والديه او الالمانية انا اعتقد ان هذا قرار صائب لان هناك نوع من الازدواج ولانه ليس هناك ازدواج فى ذلك اى ان الجنسية الالمانية
جميلة: اعتقد انه من الاعدل انه يبقى الشخص على كلا الجنسيتين انا ليس لديا الحق ان ابقى على جنسيتى الفلسطينيه مثلا واتعقد اذا كان رايى يتخذ او ياخذ به فانه كنت افضل الابقاء على الجنسيتين
شاب المانى: انا شخصيا لا ارى فى ذلك مشكلة انا اعلم اننى ساعيش فى المانيا وانا اريد ان اقضى مستقبلى ايضا هنا لذا قررت لصالح الجنسية الالمانية بحيث يمكننى ايضا ان اسافر بهذه الجنسية وهذا الجواز اما اذا كنت قررت لصالح الجواز التركى فكنت سوف ادفع مصاريف الدراسه مثلا فى انجلتر وكان هذا سيكلفنى كثيرا لذا اجد هذا موقف جيد من الالمان ان يسالوا بشان هذا القرار
احمد:يعنى انا لو معاييش الباسبور الالمانى لكن انا مولود فى المانيا وعايش طول عمرى فى المانيا مبقباش المانى
سحر ناجى :لوكس عندك ايجابه ؟
لوكس:الامر يتوقف على الشخص فهذا الصراع صعب للغايه هناك من يقول مثلا يمكننى ان ابقى على اتصال فى كلتا الحضارتين ولكن على جواز سفر واحد ولكن هذا لا يعنى اننى سلمت جواز سفرى موطنى الاصلى اننى فقدتى ديانتى كمسلم مثلا او شيئا مثل هذا او اننى لا يمكننى ان اكل طعام عربى او المانى اما تاريخى الشخصى يعنى بالنسبة لى كافة الحقوق
سحر ناجى :خلينا نروح لزواية تانيه غير موضوع الحصول على الجنسية او الجنسية المزودجة ونشوف ازاى انه بالرغم من كل الكلام اللى قلناه من اول الحلقه لاخرها فيه ناس بتلاقى فى الهجرة انها الطريق المفتوح لالا حلم مشروع او حتى حلم يائس هذا الامر ادرجته منظمة الهجرة الدولية وخلته من اولوياتها انها توعية لمخاطر الهجرة غير الشرعيه نشوف التقرير ونرجع تانى
تقرير
تزور علا المنظمة الدولية للهجرة ويشرحلها الذى يدير مشروع فى المنظمة انها تنفذ برامج للتحكم فى الهجرة ومراقبتها وعودة اللاجئين الى بلادهم وتتصدر فى الوقت الحالى حملات توعية الشباب حول الهجرة غير الشرعيه وعواقبها اولويات المنظمة
المسئول فى المنظمة الدولية:يؤسفنى ان معظمهم لا يملكون اى شهاده او خبره كما انهم لايجيدون لغة بلد المقصد ما يدفعهم للجوء الى الهجرة الغير شرعيه دون ان تكون هناك اى ضمانات للنجاح فى حياتهم حتى ولو كتب لهم الوصول الى بلد الهجرة المقصود
من الانشطة العديدة التى تقوم بها المؤسسه تنظيم دورات تحضيريه للاجئين وهى تساعدهم عل التاقلم فى البلد الذى سيتجهون اليه وتسعى المنظمة عبر ذلك ذلك الى ادماج الاشخاص فى بيئتهم الجديدة علا تحدثت اليهم حول الهجرة وادرجت امرا هاما
علا:هما يمكن بيشوفوا ان دى فرصه احسن فى حته تانيه بس ما بيبقوش عارفين هى ايه بالظبط فمش بيحضروا نفسهم كويس وما بيبقوش متوقعين حاجة من السفر ده غير انى عيشتهم هتتحسن مرة واحده ,رغم المصير المجهول تبقى فكرة الهجرة مثيرة للعيد من الشباب
سحر ناجى :شوفنا فى التقرير اهتمام المنظمات الدولية بموضوع الهجرة الغير شرعيه ولكن عايزه اعرف من انكا هل انتى شايفه انى هى المفروض تحظى بالاهتمام من المنظمات الدولية ولا الموضوع ما يستدعاش كده وهى حق مشروع لكل الناس
انكا:اعتقد ان مثل هذه المنظمات تقوم بدور كبير وهى مهمة من الجانب الالمانى اعتقد ان ذلك يتم بشكل ينطوى على مزايا كثيرة فنحن نتحدث مثلا انه اذا جاء واحد من ايطاليا او انجلتر او السويد فالحديث دائما يكون على الحضارة العربيه والتركيه اذنا هذه الاحكام المسبقه تشكل جانب كبير من المشكلة
سحر ناجى :علا انتى رحتى وشوفتى الانظمة اللى بتقوم بيها المنظمة الدولية للهجرة فى التوعية بشان الهجرة الغير شرعيه ايه شكل التوعية اللى بيعملوها؟
علا: هو اكبر توعية او اكبر حاجة كانت بتساعد الناس دى على الهجرة كانت الموقع بتاعهم كانه عاملينه موجود باللغه العربيه و بالانجليزى برضه والواحد ممكن يدخل عليه البلاد اللى بتوفر او بتساعد انى الواحد يهاجر ليها يعنى مكتوب فيه كمان الشروط اللى المفروض تتوفر فى الواحد ده مكتوب فيها غلوظايف اللى ممكن الواحد يشتغلها
سحر ناجى :لكن هما بيعملوا حملات توعية يعنى هل انتى شايفة ان الموضوع بهذه الخطورة؟ وينبغى فعلا يتعملوا حملات توعية
علا:
انا شايفه ان الموضوع بخطورة قوى كده لانها دلوقتى لو قررت انى انا اهاجر وحولت الموضوع بطريقه غير شرعيه لطبيعيه جدا ولقيت انى مفيش مساعده من الناس او مفيش مساعدة من البلد اللى انا عايزة اروحها فانا اكيد هحاول بطريقة تانيه لو انا فعلا مش مبسوطه فى البلد اللى انا عايشة فيها او اللى انا جايه منها اصل فحاول بطريقه غير شرعيه اصلا انى انا اسافر فلو احنا ابتدينا من الاول خالص وساعدنا الناس دى ان هى تهاجر بطريقة شرعية وسليمة محدش هيفكر بطريقة غير شرعيه انا شايفه الحقيقة الموضوع مهم قوى ويستاهل الةاحد يفكر فيه ويهتم بيه
سحر ناجى :طب عايز اعرف احمد انت شايف ان فيه ضمانات لنجاح هجرتك لمكان ما
احمد: هو مش ضمانات على قد ما هى حاجات ممكن تساعد نجاح التجربه
سحر ناجى :زى ايه ؟
احمد:اننى انا اكون رايح مستعد من ناحية اول حاجة المؤهلات بتاعتى تكون كويسة مش رايح لسه ادورعلى مجهول زى ما محمد بيقول وتانى حاجة اكون انا فهمت اكترعن البلد اللى انا رايحها وفهمت اكتر عن طريقتها وازاى عاداتها متقاليدها علشان اسرع عمليه الاندماج
سحر ناجى :هانز اتفضل
هانز:اريد ان اوجه سؤال فى هذا الصدد يبدوا هذا رائع ما قلته ولكن المشكلة التى تواجهنا دائما الجميع يقول نحن فى موقف يجعلنا نخطط بشكل واعى تماما او يمكننا ان نعيش حياه جيدة فيه بلادنا ولكن ما اره طبيعيا فيه فى مصر هناك اشخاص او فيه بلاد اخرى حياتهم لا تسير على ما يرام ويرعبون فى التغفيير ولا يمكنهم التخطيط بل يرغبون ببسلطة شديدة الخروج من هذه البلد الا يمكن ان ننطلق من هذا الموقف لا يمكنهم التخطيط فيه هذه الحالة
احمد:انت كلامك صح ما ينفعش نخطط فى الحالة ديه ولكن فى الحالة ديه فى نفس الوقتا دا هروب مش هجرة يعنى اختلف المفهوم هو عايز يهرب من اللى هو فيه باى طريقة يعنى تجربة ممك تبقى فاشله واحنا بنتكلم على الضمانات الحاجات اللى ممكن تساعد على نجاح التجربة فى حاجة زى كده ممكن تؤدى الى فشل التجربة وان يبقى يظهلا حالات زى الست التركيه اللى لسه لغاية دلوقتى ما بتكلمش المانى بس
سحرناجى: بس هى عايشة مندمجة فى المجتمع الالمانى ومبسوطة
احمد:انا شايف ان هى مش مندمجة فى المجتمع الالمانى هى عايشة فى مجتمع مصغر من مجتمعها الاصلى ودا ما يسماش اندماج هى عايشة فيه فقعه صغيرة مش عايزة تطلع براها
شاب مصرى:الانتقال انتقال مجتمع كامل ما كنش انتقال فرد جوا مجتمع لا فيه مجتمع صغير انتقل فى مجتمع تانى وابتدى يتعايش معاه
سحر ناجى:طيب خلينا نروح نشوف فى المانيا ازاى عملية دعم الاندماج بتيجى على راس الوليات لجهات متعدده وايه المبادرات اللى بيعملوها علشان يدوا الاجانب ويشجعوهم فى الحصول على جنسيه المانيه ؟ نشوف فى التقرير ونرجع تانى
تقرير
تلتقى يا سمين ولوكس اليوم بمفوض شئون الاجانب بولاية برلين السيد جونتر بيريج فهناك حوالى نصف مليون اجنبى يعيشون فى برلين وقد اطلق السيد بيريج هذه هويتى بهدف تشجيع الاجانب على التقدم للحصول على الجنسية الالمانية لدعم اندماجهم وتشكيل الوضع الالمانى
السيد جونتر بيريج:نريد تشجيع الاجانب للتقدم بطلبات الحصول على الجنسية الالمانية نتمنى منحهم المعلومات الكافيه ونريد فى الوقت ذاته توعية الاغلبيه الالمانية بان جواز السفر الالمانى متعدد الاوجه
تملك ياسمين جواز سفر المانى لكن ذلك لا يعنى انها تعتبر نفسها المانيه او ان الاخرون يعتبرونها كذلك
ياسمين: لا اعتقد ان الامر يتعلق بجواز السفر فقط بل بالشعور الشخصى وردود فعل الاخرين التى تظهر مدى قبولك فى المجتمع هذا هو الحال للاسف
اما لوكس فلديه توقعات محدده من من المهاجرين الذين باتون الى المانيا
لوكس: ينبغى على الاجانب ايجادة اللغة الالمانية والتعرف على الثقافة الالمانية بشكل كافى والانفتاح على الاخرين يتمتع الشباب الاجانب الذين يحملون الجنسية الالمانية بنفس الحقوق الذى يتمتعون بها المواطنون الالمان لكن ذلك ليس كافيا لاندماجهم
سحر ناجى:ياسمين شوفتى معانا مبادرة هذه هويتى اللى بتشجع الاجانب على الحصول على الجنسية الالمانية علشان يندمجوا اكتر فى المجتمع وانتى من والدين تركيين وعندك الجنسية الالمانية عندك نفس الحقوق ونفس الواجبات هل بتشعرى بالاندماج ولا لا ؟
ياسمين:اريد ان اصحح الامر امى هى التركيه وابى المانى
سحر ناجى:ولكن لديك جواز سفر المانى ؟
ياسمين:نعم لديا جواز المانى منذ سن الخامسة عشر حصلت على هذا الجواز ولكن الامر ليس له علاقة بجواز السفر اذا ما كنت مندمجه فى المجتمع ام لا فانا تربيت فى اسرة المانيه وكنت اواجه اختلافى هذا سواء اختلاف لون بشرتى وشعرى حتى من الجانب الركى ايضا اذا ذهبت الى اسرة تركيه دون او سافرت الى تركيا دون ان اتمكن ان اتحدث التركيه بطريقة سليمة لذا الاندماج له علاقة كبيرة بى ردود افعال الاخرين من الخارج وليس بجواز السفر وحده طبعا من خلال جواز سفرى استطيع ان اختار امور كثيرة حتى هنا فى المانيا ولكنى لا اعتقد انه اساس فى الاندماج
ماريا:اريد ايضا ان اضيف شيئا تساعد الاجانب على الحصول على الجنسية ولكننى انا لا لارى فى ذلك الاندماج فنحن نرى الالمان يشاهدون الاخرين لا يقبلون ثقافتهم اى انهما بمجرد ان يحصلون على الجنسية ودون ان يتقبل بعضهم البعض
سحر ناجى:طب خلينا نسال ناديه هل انتى شايفه ياسمين المانية هل شايفه ماريا المانيه؟وهم من اصول ليست امانيه انتى بتعتبريهم المانيين صرف ؟
ناديه:بالنسبة الى الامر سيان سواء كانت ماريا من كرواتيا او المانيا او ايا كان فهى ماريا
سحر ناجى:ولكن هناك غيرك من لا يرى ذلك؟ يعنى هل هناك المان اللى من الاصول الالمانية بيروا فى الاجانب اللى بيحملوا واز المانى وليسوا من اصول المانيه بيروا فيهم اجانب ولا بيعتبروهم برضه المان ؟
ناديه:طبعا هناك المان ويعلقون دايما رايتهم الالمانية ولا اريد ان اتعامل مع المتعصبين فالامر لا يتعلق بالاصول ولكن بالشخص ذاته
سحر ناجى:ياسمين احكم على شخص بانه ينتمى لبلدى لمجرد شكله ولا لا ؟
يا
ياسمين:لا طبعا الشكل مش هو ده العامل الاساسى الانسان بقيمه باخلاقه بالحاجة اللىهو بيضفها للمجتمع يعنى انا شايفه ان التنوع الثقافى دى حاجة بتضيف للمجتمع مش بتاخد منه الفكرة ان الحكومة مهما عملت الحكومة الالمانية مش هتقدر تدمج الاجانب المجتمع الالمانى نفسه هو اللى لازم يحسس الاجانب ان هما مرحب بيهم لان هما بيحترموهم لان هما بيدمجوهم فى المجتمع الحكومة لوحدها مش هتقدر تعمل حاجة لان دى ثقافة
هايدى:انا عايزه اكد على الكلام اللى ياسمينا قالته لان انا شخصيا انا شكلى لا هو مصرى ولا هو المانى عندى نمش فى وشى ونفس الوقت منفعش اقول انى انا شكلى مش مصرى هو مش حاجة لا مثرى ولا المانى
سحرناجى:ايه المشكلة فى كده ؟
هايدى:المشكلة فى كده وانى انا كمان لما حد بيسالنى انتى اسمك ايه ؟ بر واقول انا اسمى هايدى يتخضه كده انا مشبتكل على المصريين انا بتكلم عن الالمان اللى هى الخضه دى تبقى انا ممكن اعرف انتى اسمك هايدى ليه ؟ وابتدى بقى ا؛كى اصل انا مش عارفه ايه وايه والجنسية والكلام دا كله فعلا انا حاسه الموضوع ده جدا وباكده يعنى
سحرناجى:لوكس هل مسالة الشكل دى مهمة جدا بالنسبالكم لازم اللى يبقى عنده الجنسية الالمانية لازم يبقى بشعر اصفر وعينين خضرا علشان تتقبلوه فى المجتمع
لوكس:بالطبع لا بكل تاكيد لا واعود الى بعض الامثلة التى ذكرت فان الالمان فان الامر سيان تماما ولون البشرة وهذه الحملة لا تعنى ان من يعيش هنا وعليه ان يندمج هنا هى المقصود ان يكون له الحق فى ان يحصل على الجنسية الالمانية طالما يعيش هنا هذا هو الامر
سحرناجى:ايه اهمية ان انا يبقى معايا الجنسية وانا حاسه انه مش متبقلنى فى المكان ده ؟
لوكس:اذنا عليا ان ارى اذا كان العيب فيا لاننى لست متمكنا من اللغه او اننى لم افعل ما على بالقدر الكافى لعلى لم اكن ابحث عن التبادل بشكل ثقافى لعلى تواجدت فى مدينة خاطئة اعانى من سوء الحظ احيانا يحدث هذا
مصطفى:تعليق على الموضوع بشكل عام عايزين نتكلم بصراحة اكتر احنا كشرق وغرب فيه مخاوف تاريخية طول عمرنا الغرب بيخاف من الشرق اللى ممكن يخلية ياثر على ثقافته ودا بيخليه كذلك والعكس صحيح الخوف من الاخر دى مشكلتنا مشكلتنا حتى فى فهمنا لفكرة الاندماج انا عايزه يبقى جزء منى وعايزه يروح الديسكو زى عايزه يعمل اللى انا بعمله لا احنا كلنا مختلفين الفكرة كلها فكرة تقبل المختلف
سحرناجى:طب خلينا نروح نشوف الشباب فى الشارع المصرى وفى الشارع الالمانى فى الشارع المصرى اتكلموا ازاى عن اسباب اللى بتدفعهم للهجرة وفى الشارع الالمانى بيتكلموا ازاى عن الاندماج اللى عملكم مشكله كبيرة نشوف ونرجع تانى
شاب مصرى:مبدئيا هى فيه ناس كتيرة بتهاجر علشان الشغل فيه ناس ما بتلاقيش فسها هنا فبتحاول تعمل نفسها بره
شابة مصرية:هو فى ناس كتير بتحب تهاجر يمكن علشان عايزين يدرسوا هناك انا شايفه ان الشباب همااللى بيفكروا يهاجروا لكن البنات لا لان مش هما اللى بيفتحوا بيوت
شاب مصرى:الناس لما بتهاجر بتتوقع انى هى هتجيب فلوس من بره مش جوا بلدهم
شابة مصرية:يمكن بتهاجر علشان الحالة الاقتصاديه ممكن من كتر الزحمة
شاب مصرى:
فيه مشاكل كتيرة جدا ان هما ياخدوا فيز ويسافروا فيه ناس كتير بتفكر ان هى تهاجر هجرة غير شرعيه
شابة المانيه:على المهاجرين هنا ان تكون لهم رغبه حقيقيه فى الاندماج كما يجب على الامان مراعاتهم
شاب المانى: اعيش فى المانيا امى المانيه وابى يعيش هنا ايضا لكن انا المانى
شابة المانيه: يسرنى قدوم الاجانب الى المانيا لكن عليهم ان لا يكون عبء مادى على الالمان وعليهم الهمل او ايجاد مقعد دراسى
شابة المانيه:املك جواز سفر المانى ولكننى لا اشعر اننى المانيه
شاب المانى:عندما يكون شعرك اسود اللون فانت اجنبى
شاب المانى :تقوم اللغة بدور كبير فى الاندماج
شابة المانيه:زملائى فى المدرسه اجانب وليس لدى اصدقاء المان
سحر ناجى:نرجع تانى لموضوع الهجرة فيه بعض الدول بتقول ان ضرورة انتقاء الاشخاص الراغبين فى الهجرة لى اوروبا لان هما مش محتاجين لمهاجرين يحتاجوا ان هما يساعدوهم هل محمد انت شايف ايه ؟ بالنسبه كمان للدول المصدرة للمهاجرين لما تاخد منها النخبة يبقى الموضوع عامل ازاى
محمد:طبعا لما هاخد منها النخبة هتبقى نقمة عليها يعنى انا دلوقتى لو خدتى منى احسن ناس مين اللى هيساعد البلد نفسها ؟ يعنى احنا مثلا كبلد تالت احنا مش زى المانيا ومش اى دولة تانيه فى اوروبا لو احنا كل الناس الكويسين مشيت مين اللى هيساعد البلد ؟ مفيش لازم يكون فيه ناس بتبزل الجهد الكافى ان هى تساعد البلد المانيا ماكنتش فى يوم وليله هى قفلت نفسها فى وقت من الاوقات
سحر ناجى:انت شايف ده بالنسبة للدول الاوروبيه هذا التفكير اكحاف من الدول الاوروبيه ؟
محمد:اى دولة هتستقبل مهاجر لازم طبعا يكون عدى حاجات معينة ان هو يجى البلد يعنى لازم جاى البلد مش يجى يشحت فى الشوارع دا جاى يشتغل ويفيدهم
سحر ناجى:بس مش شرط يكون نخبه ؟
محمد:هو لو نخبه بياخدوا لكن لو واحد كويس شايفين انه هيساعد البلد طبعا هياخدوه
سحر ناجى :امبيرا اختيار النخبة من قبل الدول المتقدمة الاوروبيه دا مش هيزيد من الدول الاوروبية تقدما والدول التانية اللى حجاية من الدول دى هيزيدها انهيارا فالبتالى احنا محلناش حاجة
امبيرا:طبعا هذا صحيح هذا النوع من الاستغلال التى تتحدثى عنه هو مشكلة اساسيه من قبل الدول الغنية ضد الاخرين ولكنها ليست مشكلة سياسيه بل انها مشكلة اقتصاديه فى المقام الاول لان الناس الخافين وراء هذا ليسوا رجال السياسة ولكن رجال الاقتصدا الذين يبحثون عن اماكن فقيرة يمكنهم استغلالها هو الطمع اذنا الذى يحرك هؤلاء الاشخاص هذا هو الشر الرئيسى لا يمكن للسياسة ان تغير هذا ولكن علينا ان نتحد جميعا ونغير من هذا الامر
جميلة:يمكن ايضا ان نرى الاستغلال من جنب اخر عائلتى من الاردن ارسلت ابنائها لى امريكا للتعلم وعادوا مرة اخرى فهاك الكثير من ابناء الدول النامية يعودون الى بلادهم ليحسنوا من مستوياتهم ومن الثقافه هناك اذنا كمل من يذهب الى اوروبا للدراسه ليس مرغم على الاقامة بها والبقاء هناك و لايترك الاخرين يتسغلونه يمكنه اذنا ان يعود الى بلاده ويفيد بلاده ليس الامر بهذه الصعوبه
ياسمين: كما انها ليست مشكلة المانية وانما مشكلة تعم العالم اذا كنا نتحدث عن الاستغلال او الدراسه ايا كانت الاسباب فان كان احد يعمل مقابل 5 يورو فى مقهى فى الساعه بينما فى بلاد اخلارى لا يحصل على عمل واذا كانت هناك بلاد تقبل وجود اشخاص تستقبلهم لكى تستغلهم هذه مشكلة عامة فى العالم باكمله
سحر ناجى :افهم من هذا الكلام الهجرة ممكن تكون ليها ايضا ايجابيات بالنسبه للدول المصدرة للمهاجرين انتى شايفه ايه ؟
ياسمين:انا شايفه ان ده حاجة نسبيه ممكن دوله عندها تكدس سكانى وان فيه ناس بتهاجر دا بالنسبالها بيشيل عبء من عليها لان هى مش بتوفرلهم فرص تعليم او فرص عمل او هكذا فدا بيسافر هل ممكن ده يبقى فايدة ؟ بس هو سلاح ذو حدين فى نفس الوقت
سحر ناجى : طب هتبقى الفايده ايه ؟ لو عمل ايه ؟
ياسمين :انا حاسه ان اى افادة لو شخص نابغه فعلا اى افاده بيفيدها فى اى بلد هى اضافة للعالم يعنى انا من الناس اللى بؤمن فعلا ان العولمة دى حاجة كويسة كل الدول المفروض تفتح حدودها اكتر من كده فانا اى اضافة بضيفها عالميا اضافة علمية اضافة كذا دى بتفيد العالم كله مش بس
سحر ناجى : طب خلونى بس قبل ما يقارب وقت البرنامج من الانتهاء بذكر المشاهدين بانهم يمكنهم متابعة الحلقات السابقه وابداء رايهم فى هذا الموضوع وايضا طرح موضوعات جدية للنقاش عبر موقعنا على الانترنت dge news.net او WORLD.DE:ARABIC YOUTH_TALK
وقبل ما ننهى هذه الحلقة عايزة اعرف بعد كل النقاش ده امبيرا اممتى تكون الهجرة مكسب وامتى تكون خسارة ؟
امبيرا:هذا سؤال صعب متى تكون مكسب او خسارة انها تكون ةمكسب اذا كان الانسان محظوظ ويكون هناك قبول او تسامح من الاخرين اذنا يكون استخدام الهجرة ايجابيا اما انها تكون سلبيه عندما تكون اسباب الهجرة هى الحروب او المجاعات او الفقر لانها هذه هى اسباب رئيسيه للهجرة لذى ارى فى ذلك ما هو سلبى
سحر ناجى : ياسمين امتى تكون الهجرة مكسب وامتى تكون خسارة ؟
ياسمين :الهجرة مكسب لو زى ما قلنا قبل كده لو ليها هدف وانا حققت الهدف بتاعى لو انا بهاجر علشان اتعلم اتعلم لو انا بهاجر علشان عايز امان بهرب من حرب حصلت على الامان لو انا بهاجر علشان بحسن نفسى اقتصاديا حصلت على هذا وفد البلد اللى انا فيها وفد نفسى تبقى خسارة لو انا ضيعت فرصة فى بلدى كان ممكن افيد بيها نفسى وافيد بيها بلدى ولو انى انا رحت المجتمع التانى معرفتش اندمج فيه كنت هبقى عبء عليه اكتر من انى انا بضيف ليه
سحر ناجى : وجهات نظر مختلفة فيه المكسب والخسارة من الهجرة متهيالى حوارنا النهاردة كشف عن عوامل طرد وعوامل جذب بتحكم موضوع الهجرة بصفة عامة واذا كانت الهجرة ظاهرة قديمة ادت الى نشات المجتماعات البشرية مش ممكن نقدرنوقفها ولكن الحد من اقارها السلبية على الدول المصدرة المهاجرين المفروض ان احنا ندعم اكتر البرامج الاجتماعية والبرامج الاقتصادية اما بالنسبة للدول المستقبله فاكيد انتم حسيتم لازم يكون عند الافراد فى مجتماعاتها رغبة اكتر فى الاندماج ودفعه للامام بشكر كل ضيوفى من الشباب المشارك فى مصر والمانيا ولكم منى كل التحية والى اللقاء .