كل هذا الحب لا يجب أن يُرفض بسبب فقط الشعور بالأخوّة

أنا عندي مشكلة ومعذّباني أوي.. أنا ابن عمتي بيحبني أوي، واعترف لي بحبه؛ بس أنا مش بحبه، وهو اعترف لي بحبه وقال لي إنه عايز يتجوزني؛ بس أنا قلت له إنت زي أخويا.
المهم بعدها بيومين خطب بنت عمه، أنا فرحت له أوي.. المهم رجع اتصل بيّ تاني وقال لي أنا بحبك ومش قادر أكون لحد غيرك، وإنه مستعد يسيب خطيبته عشاني.. بيتصل بيّ كتير وبيعيط لي في التليفون وبيقول إنه مش قادر يستغنى عني.
هو بجد صعبان عليّ، وأنا حاسة بالذنب من ناحيته.. أعمل إيه؟ حتى لو ساب خطيبته عشاني أنا مش بحبه؛ يعني مش هاوافق عليه.. أنا بحبه زي أخويا.
أعمل إيه؟ أرجوكم ساعدوني.. نفسي يحب خطيبته ويرتاح معاها، بانصحه كتير إنه يحبها بيقول لي حاولت ومش قادر أحب غيرك.. يا ريت تساعدوني.
sandy

لو عايز تفضفض لنا دووس هنا