أنا عندي مشكلة كبيرة أوي، يمكن كل الناس اللي بيبعتوا بيقولوا كده؛ بس أنا مش لاقية حل، ولا عارفة أعمل إيه. أنا اتعرفت على واحد وحبني أوي وأنا كمان وأكتر؛ بس المشكلة كانت بيننا إننا حاسين دايماً إننا بنعمل حاجة غلط عشان أهلنا ما يعرفوش؛ المهم اتفقنا إننا ما نتكلمش؛ بس كنا بنرجع تاني. آخر مرة بقى قعدنا أسبوع ما نتكلمش؛ بس هو بعت لي رسالة على الميل، وقال لي ادعي، لو لينا خير في بعض نكمّل بعد كده. كلمني بعدها وخرج خالص عن موضوع إنه حرام، وقال لي بلاش نتكلم عشان أنا لسه قدامي كتير ورافض خالص إن باباه يساعده، أنا قلت له أنا هاستناك؛ بس هو مُصِرّ إنه لما هيتخرّج هيكون قدامه كتير ومش هيقدر يكوّن نفسه، ومتشائم لأبعد الحدود. وكمان قال لي إن أهلي عمرهم ما هيوافقوا عليكِ مع إننا مش أقل منهم في حاجة؛ بس والده عايز يجوزه من حد معيّن. أنا حاسة إن عندي شعورين متناقضين؛ مرة أقول إنه بيحبني ومرة أقول إنه أصلاً مش بيحاول يعمل حاجة عشاني، مش عايز يتعب.. يا ريت تقولوا لي أعمل إية.. أنا عايشة في العذاب ده بقالي كتير، ومش قادرة أبعد عنه. rarly