هاي أنا أول مرة أتكلم على النت في موضوع يخصني بس أنا عايزة نصيحة وإزاي أقدر أعملها؟ أنا كنت بحب واحد حب أسطوري بجد كنت بحبه أوي، وهو كان لحد تاني سنة إلى حد ما رقيق وذوق أوي، وكان بيخاف عليّ وينصحني ما ألبسش ضيق وفعلا كنت حاسة إنه بيغير عليّ أوي، وفجأة اتغير خالص وبقى عايزني أعمل حاجة وبيطلب حاجات بحجة إنه عايزني أحس بيه، وأنا عمري ما أقدر أعمل كده علشان أنا باخاف من ربنا أوي ومش عايزة أعمل حاجة أندم عليها. المهم بعدت عنه بس رجع لي تاني، وبصراحة أنا رجعت بس قلت نبقى أصحاب وهو وافق بس رجع يطلب تاني طلباته السخيفة، وبعدين قال لي أنا مش عايز أظلمك معايا لو جالك فرصة كويسة وافقي! رغم إني كنت مرتبطة بيه والسنة الأولى جات لي فرص حلوة أوي، أنا عايزة حد يقول لي هو بيفكر إزاي؟ وفي إيه عايز نكون أصحاب؟ وفي إيه عايز يعمل معايا علاقة؟ وفي إيه يعرف بنات كتير؟ وممكن يعمل كده معاهم وبكل سهولة؟ اشمعنى أنا؟ عايزة أعرف هو بيفكر إزاي؟ م . ع