تضحيتك بعريسك قد تكون بلا فائدة.. ففكري جيداً

أنا بنت وحيدة ما عنديش إخوات بنات، اتعودت إني لوحدي طول عمري، حتى أنا ومامتي مش أصحاب.
دخلت الجامعة وكان ليّ زمايل، كان فيه واحد معجب بيّ وأنا كمان كنت زيه، المهم بدأنا نحب بعض واتفقنا على الخطوبة، وهو كان بيحني موت أكتر من أي حاجة، وهو بقى كل حاجة ليّ.
وصلنا لسنة رابعة، وبدأ ييجي لي عرسان جاهزين، بدأت أتحجج لحد ما عدش فيه حجج، وكان لازم ييجي هو يتقدم لبابا.. وطبعاً بابا ما وافقش عشان هو لسه طالب، وأنا كنت عمري ما تخيّلت إني هاكون لحد غيره.
فأنا وهو اتفقنا نسيب بعض ونسيبها للنصيب.. لو لينا نصيب في بعض أكيد ربنا هيجمعنا والمفروض دلوقتي إني أوافق على العريس اللي متقدم لي.
أنا مش متخيلة يوم الخطوبة ده، ومش متخيلة إزاي هاشوف حبيبي في الكلية بعد كده، وأنا مخطوبة لواحد تاني؟ مش عارفة.. يا ترى هانساه بعد كده ولا مش هاقدر أنساه وهافسخ خطوبتي، ويا ترى لو فسختها ممكن أتخطب لحبيبي ولا أهلي هيعاندوا؟.. أنا تعبت أوي بجد.
pooh

لو عايز تفضفض لنا دوس هنا