يا جماعة أنا بحب شاب جداً جداً.. هو أكبر مني بسنة وشهر ويوم، أنا في كلية الحقوق وهو في 2 كلية التجارة، وأنا اللي رحت له وقلت له أنا بحبك.. المهم اتكلّمنا مع بعض وارتاح لي، وعرّف كل عائلته من أول جدته لحد بنت أخوه الصغيّرة إنه بيحبني، ومامته وكلهم بيسألوا عليّ.. ده هو حتى كلّم مامتي، ومامتي حبته أوي.. وهو لسه بيدرس بس بيشتغل كمان، بيعمل كل حاجة عشان يرضيني.. وأنا عمري ما باخرج معاه لوحدي.. بس المشكلة أنا خايفة لو بابا عرف هيزعل مني أوي، وغير كده أنا عندي أخين وحاولت أتكلّم مع أخويا الكبير.. قال لي ييجي يكلّمني علشان أعرف هيخطبك إمتى!! اللي بحبه مش عنده مانع يكلّم أخويا ويقول له إنه بيحبني، بس المشكلة إنه أصغر إخواته وكلهم صبيان وهما 4 أولاد.. وأنا مخنوقة إني مخبية على بابا وإخواتي، بس اللي مريّحني إن ماما عارفة ومامته كلّمت مامتي.. وحاجة كمان أنا باغير عليه جداً وأصحابي بيقولوا لي مش بيحبك وما تثقيش فيه؟؟ والله ده كمان مش راضي يقف معايا في الجامعة عشان ما حدش يتكلّم عليّ.. أعمل إيه؟؟ katoy.koky