ها هي الحياة تبتسم من جديد فلا تضيّعي الفرصة

أنا فتاة عمري 24، تزوجت من 3 سنوات من شخص كانت تجمعني به قصة حب جميلة، وعشنا مع بعض حوالي سنتين ونصف؛ بس للأسف حصلت مشاكل كتير بسبب تدخّل أهله وما عرفناش نكمّل بقية حياتنا.
وفعلاً انفصلنا، وحسيت ساعتها إن الدنيا اسودّت أوي لأن عمري ما تخيّلت إني أبعد عنه أو إن حياتنا تنتهي بسرعة أوي كده.. المهم الموضوع ده عدى عليه 8 شهور وأكتر.
اتعرفت على شاب عن طريق المنتديات، واتقابلنا فعلاً في مقابلة لكل الأعضاء ونشأَتْ قصة حب بيننا؛ بس في نفس الوقت خايفة أوي.. مجرد إحساس الارتباط بقى بيخوّفني أوي.
المهم إنه شاب أعزب، أكبر مني بسنيتن، لم يسبق له الزواج؛ بس فعلاً حبني واتقدم لي فعلاً وأهلي شايفين إنها فرصة كويسة أوي ليّ؛ بس أنا لحد دلوقتي مش عارفة آخد أي قرار؛ بالعكس بافكّر كتير، وتعبت أوي من كتر التفكير؛ لدرجة إني جسمانياً بقيت أتعب كتير.
أنا آسفة؛ بس بجد ما كنتش عارفة أحطّ مشكلتي فين؛ فحطتها هنا.. أتمنى إنكم تحطّوها بالمكان المناسب وتردوا عليّ.. بجد أعمل إيه؟
yoyoeg

لو عايز تفضفض لنا دوس هنا