سيأخذ منك أكثر مما سيعطيك

أنا آنسة عندي 23 سنة، مشكلتي بدأت لما اتخطبت لإنسان بحبه جداً، وإن الحب لوحده مش كفايا وانفصلنا لعدم تفاهمنا، المهم اتعرفت على شاب تاني ويمكن أكون اتعلّقت بيه؛ لأنه هو الوحيد اللي نساني الأوّلاني، أنا احترمت الشاب ده جداً، واتعلقت بيه جداً جداً، المشكلة بقى إنه كان بيكدب عليّ في كل حاجة في حياته مثلاً زي شغله مكان سكن أهله حياته كلها عبارة عن مسلسل مزيف، أنا عرفت كل حاجة بعد علاقتنا بشهر واحد، بس حصلت مواقف منه كنت حاسة إنه بيحبني بجد فيها، المهم جه يوم وكلمني وقال لي إنه عايز يعترف ليّ بحاجة وكانت قصة حياته الحقيقية من يوم مولده، وحاجات كتيرة أنا ما كنتش أعرفها عنه، بس حاجات مش حلوة وعمل حاجات كتير أغضب بيها ربنا، وقال لي إنه فتح ليّ قلبه عشان مش هيرجع تاني ليها بس أنا مش مطمنة له، ومش عارفة أكلّمه في موضوع الارتباط عشان ظروفه وحشة أوي، ولو اتكلمت أبقى ما بفهمش، ومش عارفة أبعد عنه بعد ما بقيت الإنسانة الوحيدة في حياته اللي عارفة حقيقته، ومش هانكر إني حبيته، أعمل إيه أرجوكم ردّوا عليّ محتاجة رأيكم.
ن. ع

لو عايز تفضفض لنا دوس هنا