الشاعر الشاب محمد زكريا وقصيدة:إفتكرت أيام زمان

صدقينى بتوحشينى ..
كل لحظه فى كل يوم ،
والحنين اللى فى عيونى ..
بحكى عنه للنجوم ،
واما بسألهم عليكى ..
بيقولولى إنك قريبه ،
بس ليه نظرة عنيكى ..
شفتها كانت غريبه ،
إنتى مكسوفه حببتى ..
واللا حاسه بإيه معايا ،
إسمعينى خلينى أحكى ..
حاجه بوصفها فى حكايه ،
السيناريو فى قصة الحب اللى كان مكتوب ..
فى الحقيقه كان ورق أبيض فى كشكولى ،
بس لما مسكت قلمى وقلت أكتب ، دوبت دوب ..
أصل أنا إتخيلت إنك ،، جاية وبتحكى تقولى ،
قلبى حَبك لما شفتَك
والحنين ذاد جوا منى
أصلى عمرى ما كنت أصدق
إنك أنتى تحكى عنى
المهم إنى كتبت كلام كتيييييييييير
قلبى قالى إن سرى خلاص فى بييييير
بس لما الدنيا جمعت بينا تانى
ذكريات عدت فى بالى وفى ثوانى
إفتكرتك ..
وإفتكرت أيام زمان ..
لما كنا وكان وكان ..
وإفتكرت حاجات كمان ..
إفتكرت غرام سنينى ..
وإفتكرت حاجات كتير بينك وبينى ..
صدقينى بتوحشينى ..