غير البنات

كل الكلام اتقال ميت مرة
وياما كتير سمعوه قبلك
وكمان أبصملك بالعشرة
إني قابلت كتير زيك
بس استني!
في حاجة فيكي شداني
بسرح فيكي وتمللي قاعد وحداني
وإن كنت ف يوم قاعد معاكي
بحتاس حوسة
وكأني لأول مرة بشوف
تحفة جميلة وملموسة
ف ابدأ أحاول أمسك إيديكي
علشان أستوعب
يمكن دا خيال
ما انتي أكتر وصف ممكن للجمال
صدقيني بتوحشيني
أقبليني
لو حتى بس بضحكتك
تحتويني
وأملكي قلبي بوريدك
وأضحكي
يا نور الصبح اللي بيلمع
في ضي عيني
صدقيني