سامحيني لازم أصارحك وإلا مبقاش بحبك ....... قصيده بقلم ايات محي الدين

...............
سامحيني لازم أصارحك وإلا مبقاش بحبك
¤¤¤¤¤¤¤¤¤¤
مسكت قلمي وقولتله بحبك
قالي كدابه إنتي بس إتعودتي عليا إكمني بكتب شعرك
قولتله صدقني
قالي أصدق قلبك اللي حاسس بجرحه ولا أصدق دمعك
ضمني جوه منه و سال على كتفي حبره
¤¤¤¤¤¤¤¤
وقالي سامحيني لازم أصارحك وإلا مبقاش بحبك
¤¤¤¤¤¤¤¤¤¤¤¤
وقفت سطوري تتفرج وتسأل عني كلماتي
إتشل ساعتها عقلي وكترت في صوتي آهاتي
ملس على شعري قلمي وقالي بكفياكي قلبي إتألم لوجعك
سامحيني لازم أصارحك وإلا مبقاش بحبك
¤¤¤¤¤¤¤¤¤¤¤¤
عشقتك ودوبت ف غرامك وعشقت بحت حسك
لكن إنتي عشقتي ودني اللي تمللي تسمعلك
عشقت لمسة إيديكي لكن إنتي عشقتي اللي عمرك مأفتكرتيه غير ف جرحك
وعشقت كل مافيكي
غرورك
جنونك
ودلعك
لكن إنتي عشقتي فيا إني سخرت نفسي عبدك
وكان حزني عليكي كبير لو يوم لمحت دمعك
وكان قلبي يحزن كتير وكأنه موجوع وجعك
¤¤¤¤¤¤¤¤¤¤
طب حبيتي ف غيري إيه
جرحك
دبحك
و وجعك
قولتله دلوقت بحبك إنت
حبيت كلماتي معاك
و سنين ضاعت في هواك وأنا مش حاسه بإيه جواك
¤¤¤¤¤¤
قالي قلمي إسألي سطورك تقولك
قد إيه صبرت عليكي وكان الألم بيزيد عالألم ألم بزياده
وأنا عندي بقت عاده
أعيش وأدوب فألمك
¤¤¤¤¤¤¤¤¤
و ياما كنت أشتاقلك وأشتاق لضمة حضنك
بقيت دلوقت خايف ليخلص مره حبري و يبقى غيري قلمك
سامحيني لازم أصارحك وإلا مبقاش بحبك
¤¤¤¤¤¤¤¤¤