مايهمنيش .. بقلم مرفت حمودة

ولا دقة تاهت من سنين
ولا نظرة جوه العين حزينة
موقوفة علي لحظة حنين
مايهمنيش
ان الكلام يبقي ف سكوت
والصمت يطلع منه صوت
وحروف ماتفهم شكلها
راسمة لها صورة اطارها موت
مايهمنيش
ان الامل حواليه ضباب
والحب ضوءه كان سراب
والشوق بياكل في القلوب
حتي العدا صبحوا صحاب
مايهمنيش ان اللقا يبقي وداع
والشوق علي جبيني ضياع
ده القلب مفطوم ع القسا
ما اللي اشتري كان اصله باع
المهم قلبي تنساه الشجون
ويعيش حياته بين كاف ونون
والكلام يعزف بأوتاره أمل
ده العمر رافض ينتظر
طب ليه يهون