انتظار ..... بقلم فجر الأمل

نار الحب لهيبها نور .
والقلب الصافى
لا بيلف ولابيدور !
مش حكاوى ..
قد ما تكون غناوى ..
بتتعزف على عود حزين!!
القلوب اللى مالت
عاشت حياه واتنست فيها ..
المعازف والشجون !!
انت غنوه
انت فكره
انت حدوتة زمان
انت أمل حتى ف الإنتظار !
مش ممكن نقول لو زمانى جالى تانى
وها سمح بعمر تانى
يستحمل جنون وإنقلاب جوايا تانى
حتى من غير إنبهار
كل ألوان الحياه بتطوف عليك
مافيهاش لا غامض ولا مستحيل
يمكن بنفرح لما بنحلم حلمنا
حتى لو ف أرض غير أرضنا
هو الهوى اللى عمره ماعطر عمرنا
اللى بيهمس ف حلمنا ويمر
لكن إحتلال أو حصار حتى لو كان بيسر
مش ممكن أقبل أى حكر أو احتكار
لكن أحب ان الكلام يملاه أمل
كل المعازف بتعزف حنين
والناى الحزين
من غير خوف ولا ألم ولا إغتراب
خليها سعاده حتى لو بالإنتظار
من غير لقا!!!
من غير مصاعب من غير شقا !!!
ولان الروح تحس الروح
بالأمل يكون الإنتظار
والليل يكون بالأحلام
وفجر السعادة يبتدى !!