ياعزيزي كلنا فلول

بقلم : مصطفى الراوي
اه فعلا
ممكن تيجي علي نفسك وتاخدني علي قد عقلي وتشوف كلامي للاخر ؟
كلنا فلول ياعم
كلنا بنرضى بالاستغلال وبنساهم فيه
انك تتنازل عن مبدا عشان تساير الوضع اللى حواليك
لما كلنا نشوف الفساد حوالينا ونساعد فيه ونسكت عليه
هتقول انك مش فل لا ياسيدي لا ياستي
كلنا فلول بقايا نظام
اتربينا وعشنا وترعرعنا في النظام
وبقينا تابعين او فلول الاتنين واحد
وبنمارس الاستغلال علي بعض
يعني ايه انك تشوف استغلال وتسكت عليه
انك تشوف ازمه وتستغلها عشان يبقي معاك فلوس
انك تستغل حد ...........
انك تضحك علي حد بابتسامه كدابه
انك تثبت حد بكلمتين عشان يبعد عن دماغك ويرتاح وانت ترتاح
ليه طيب بنتضحك علي بعض مع اننا عارفين ومتاكدين من اللى قدامنا بيضحك علينا ونسكت
ليه ؟؟؟
عبد الوهاب قال من غير ليه
عشان نرضى حد قريب مننا نضحك عليه
ولو صارحنا بالحقيقه نزعل منه ومش نضع ليه عذر ونقول يكفي انه صارحني وقالي
طيب ماهو لو قالك هيزعلك
ايه المشكلة ان احنا نفكر ولو لدقيقه ونشوف ازاي نغير ونتغير
ازمتنا ازمة نفووووووووووووووووووووووووووووووووووووووووووووووووووووووووووووس
طيب واخرتها ماهو المشكلة كبيرة وياترى هنلاقي ليها حل
يعني مثلا لو وقفت وعليت صوتك ضد فساد ضد حاجه غلط ضد اي شي انت مش مقتنع بيه
لاننا معندناش مبادي ولا قيم ولا اخلاق
بعدنا عن الدين بعدنا عن الاساس
بعدنا عن كل شى صح وبنحاول ندارى نفسنا ورا حجج
مع اننا عارفين ايه اللى لينا وايه اللى علينا وايه الصح وايه الغلط
بنعمل الغلط وبنساعد فيه
لما تساعد في الغلط ونسكت عليه ونساعد فيه يبقي انت وانا وهو وهيا فلوووووووووول
يعني بقايا نظااااام قاعدة واتسست واتربينا عليها
ليه الاسرة بعدت واتفككت وكل واحد ماشى في اتجاه ياترى عشان رب البيت
ولا عشان المادة ولا عشان ملهاش حل وهو كدا خلقة ربنا
لا استني ويت لحظه من فضلك
ربنا خلقنا وادانا عقل نفكر بيه وميزنا عن الحيوانات مع اننا ممكن نلاقي نظام متكامل معاهم
مش موجود عندنا ياترى عشان معندهمش عقل
فين الدستور بتاع حياتنا اللى بسببه بنعيش في خزعبلات وحاجات مش ليها اساس
يعني ايه اني اعمل حساب لفلان وعلان حتي لو هو قريبي وبيعمل حاجه غلط
ممكن عشان مش يطولنا العار مثلا ونستعر منه ؟
ياريت نبدا نعالج ضميرنا ونغير فيه ونمشى بما يرضى الله
عشان يتصلح حالنا ونتجمع سوا ع الخير ونحل مشاكلنا
طيب تخيل بقي لو في مشكلة كبيره وبدانا نحل فيها وندور علي اسبابها وونعالجها ونيجي علي نفسنا ولو لفترة معينة ونقارن ونشوف ياترى هنتغير ولا لا
ونقول وداعا للسلبيه اللى فينا ونرمي اي حاجه وحشه فينا في سله المهملات
وقتها مش هنبقي فلول نحاول نرجع كلمة انسان
انسان يحس بغيره انسان يراعي ضميره انسان يحس بكل الناس الطيب والهلاس
اعمل اللى عليك وراعي ضميرك وارضى ربنا وتوكل علي الله ياريت الرساله توصل لكل الناس
ونبطل نتكلم وخلاص
هاء ؟؟؟؟؟
يبقي احنا فلول ولا ؟