نشوى مصطفى: شخصية قناوى فى «باب الحديد» سحرتنى

قالت الفنانة نشوى مصطفى إن حلمها بأن تكون ممثلة بدأ عندما بلغت 11 سنة.
وأضافت نشوى مصطفى فى منشور لها عبر صفحتها الرسمية بموقع (فيسبوك) اليوم الأربعاء: "كانت أول مرة أشوف فيلم باب الحديد، الممثل اللى بيعمل دور قناوى سحرنى، مكنتش أعرف اسمه، ولا اعرف انه مخرج، ولا كنت أفهم يعنى إيه مخرج،
اتوحدت مع إحساس عينيه، واللى لحد دلوقتى مع احترامى لكل عباقرة واساتذة التمثيل مشفتش مساحة الصدق القصوى غير فى عنين يوسف شاهين وهو قناوى".
وتابعت نشوى: "طفلة عندها 11 سنة احلامها شبت خارج حدود اسوار طبقة اجتماعية متفهمش يعنى ايه لما يسألوها
عايزة لما تكبرى تطلعى إيه تقول لهم عايزة ابقى ممثلة، حاربت علشان أكون ممثلة، وقدرت، بس معرفتش أحارب علشان أكون ممثلة زى ما كنت أتمنى، استسلمت للتننميط، أحيانا كنت باقدر افلفص، بس وأنا باقرب من النهاية باعتذر لنفسى إنى بمساعدة آخرين استسلمت وحرمتنى من متعة إنى أكون زى ما اتمنيت، ضيعت وضيعوا عليا فرصة الحياة، الحمد لله فى كل الأحوال، الحمد لله دايما - الحمد لله"