أسامة عباس يكشف تفاصيل التدوينة المنسوبة إليه

كشف الفنان أسامة عباس، حقيقة التدوينة المنسوبة إليه، حيث أكد أنه ليس على دراية بموقع التدوينات الشهير "تويتر".
اقرأ ايضاً .. بسبب تغريدة منسوبة ل" أسامة عباس".. الجدل يقتحم الوسط الفني
وقال أسامة عباس، في مداخلة تليفونية لأحد البرامج التلفزيونية: "الحمد لله كله تمام، الصحة كويسة وبخير، باجري كل يوم 5 كيلو وقربت أخش الأولمبياد".
وأوضح حقيقة التدوينة المنسوبة إليه، حيث قال:" أنا سمعت عنها، أنا أصلي الحاجات الجديدة تويتر وكلهم بالنسبالي حاجات معنديش فكرة عنها، باعرف معلومات عنها من أحفادي.
وأضاف:" سمعت النهاردة إني قلت أنا مبشتغلش وعايز شغل وحاجات زي كده، طبعا
الحكاية دي محصلتش خالص، والحقيقة دكتور أشرف زكي تولي عني الرد بكفاءة شديدة، والكلام اللي هو كاتبه في تغريدته فيه الكفاية تماما وفيها ما أرضاني بشكل غير عادي ".
ورداً على سؤال حول رغبته في التمثيل، ونوعية الأعمال التي قد تحفزه للعودة للشاشة، قال: "أنا كويس كده، أنا آخر حاجة عملتها كانت سنة 2018 وقررت enough is enough، وأنا قاعد في الساحل وباستمتع بحياتي، وولادي حواليا، وأحفادي بيجولي من حين لآخر، والكتب اللي ماكنتش قريتها
ابتديت اقراها، الحمد لله كله تمام".
وأضاف: "يتوقف على إيه العمل، يعني إذا كان في ما يحفزني للعمل حاعمله، مفهوش ما يحفزني حاقول لهم متشكر جدا إنكو افتكرتوني وبس. ما يحفزني إن العمل يكون له قيمة، يتكلم في حاجة تستاهل إن إحنا نتناقش فيها، ويكون الكاست ناس أنا أعرفهم، لأن أنا الحقيقة عدد كبير من الأبطال معرفهومش، ومعرفش حيتعاملوا معايا إزاي وحاتعامل معاهم إزاي".
وردا على سؤال "مين كان نمبر وان في عصركم؟"، قال: "طبعا الأستاذ عادل إمام هو أشهر واحد فينا، لكن أستاذ محمود مرسي هو الأستاذ، والأستاذ مدبولي هو القائد، والأستاذ فؤاد المهندس هو الباشا".
وردا على سؤال "مين نمبر وان في الجيل الحالي؟" أجاب: "أنا مش عارفهم الحقيقة كويس".
للمزيد من أخبار الفن تابع من هنا