موسيماني يعلق على تعادل الأهلي مع بيراميدز

تحدث بيتسو موسيماني المدير الفني للنادي الاهلي عن تعادل فريقه مع بيراميدز بهدفين لكل فريق في المباراة التي جمعت بينهما مساء اليوم الخميس ضمن منافسات الدوري المصري الممتاز.
وقال موسيماني خلال تصريحات عقب المباراة، " بوضوح لسنا سعداء. اهدرنا المباراة في اخر دقيقتين".
وأضاف " بمنتهى الأمانة لم نتحكم في المباراة عكس مباراة الترجي النهاردة ايقاع الماتش مسيطرناش عليه ".
وأردف " لازم نتقبل دروس كرة القدم و
تستمر الحياة وهذا الأمر يحدث للفرق الكبيرة. دا مش معناه هنعاتب نفسنا ونشوف اسباب دا لكن الدنيا هتستمر ".
وتابع " كان عندنا سوء حظ مع اتنين لاعيبة كبيرة إهدار معلول لضربة جزاء وكابتن الفريق عمل خطأ كبير. الماتش اللي فات علي سجل والشناوي شال هدف محقق لكن النهاردة مكنش نفس الأداء ".
وواصل " قولت للاعيبة بعد الماتش دا اختبار لشخصيتنا مش عايز حد يشاور بأصابع الاتهام على زمايله. نفرح معا ومحزن معا لسه طريقنا طويل هنكمله ولازم يكون في روح كويسة وأمانة وثقة بيننا رغم حالة الحزن الشديد التي تنتاينا ".
واستدل" شوفنا في اليورو حارس بيغلط ومبامبي بيضيع ضربة جزاء دي حاجات بتحصل مع اللاعيبة الكبيرة".
واستكمل " تكرار أخطاء الشناوي؟ علشان خطأ شايف اني لازم اجيب حارس دا رأيك. الشناوي تصدى لكرات كثيرة خطيرة. لعبنا قدام الزمالك وانقذنا الشناوي رقم 1 بالنسبة لي ولمنتخب مصر .