موسيماني يعلق على خسارة الأهلي أمام سموحة في الدوري

علق بيتسو موسيماني مدرب الأهلي على الخسارة التي تلقاها فريقه أمام سموحة بهدفين مقابل هدف في إطار منافسات الدوري الممتاز.
وقال موسيماني خلال تصريحات بالمؤتمر الصحفي الخاص بالمباراة: "مباراة صعبة جدا بالنسبة لنا، ولم نبدأ بقوة كالعادة وارتكبنا أخطاء فردية عديدة وجماعية أيضا".
وأضاف "للأمانة لم يكن لدينا طاقة للقاء وفقدنا مجهود كبير في مباريات ماضية، وفقدان اللاعبين كل شوية تحدي ديانج وأيمن تغييرات إجبارية، بنعاني من الإجهاد بسبب ضغط المباريات".
وأردف "كان ممكن نخلص الماتش بدري بكرة أفشة
ومكنش في طاقة نكمل للآخر، مش عايز أقول أعذار أنا عارف سموحة هتلعب على المرتدات، ولما سجلوا بدري الجيم أتغير، لازم نقبل الهزيمة".
وعن مشاركة محمد الشناوي في المباراة علق موسيماني "الشناوي كان جاهز شوفنا الهدف الثاني مكنش عنده طاقة يجيب كرة الهدف؟ سألت الشناوي قادر تلعب قالي أه، دا الحارس رقم 1 ومقدرش ألومه على كرة الهدف".
وبسؤاله عن مستوى حسين الشحات "أنت
شايف لعب في مكان غلط النهاردة؟ هاخد بنصيحتك حاضر بس كنت قولي قبل الموسم ميبدأ . جاب الهدف من اليمين النهاردة من اليمين ولا الشمال؟! من اليمين".
وعن المدافع المغربي بدر بانون "كان نص جاهز في نهاية اللقاء وعانى من الإصابة وسألته تحب أغير مكانك وألعب السولية مدافع قالي لأ هكمل في مركزي، مش عايز أتحجج بالإصابات ولازم نتقبل الهزيمة".
واتم تصريحاته "ليه مبتديش فرصة للشباب للتغلب على ضغط المباريات؟ لعبت كل اللاعبين في القائمة علشان ضغط المباريات. هل كان ممكن ألعب الناشئين قدام الزمالك . قولي مباراة أنا كنت كسبان فيها أسكور علشان أدي فرصة للشباب؟ مفيش".