موسيماني يعلق على فوز الأهلي أمام طلائع الجيش

علق بيتسو موسيماني المدير الفني للاهلي على فوز فريقه الصعب امام طلائع الجيش بهدفين مقابل هدف في الدوري الممتاز.
وفال موسيماني في المؤتمر الصحفي، " لعبنا أمام خصم قوي جدا بيحلق فرص لكن احنا برضه خلقنا فرص أكثر وحققنا الفوز ودا اهم حاجة".
واصاف " كان صعب جدا تيجي من خسارة في دوري الأبطال لكن اللاعيبة أظهروا شخصية وحاربوا حتى النهاية وحققنا الفوز وكسبنا ال3 نقاط ".
واكمل " بتحتاج اللاعيبة الكبيرة في المباريات الصعبة والشكاوي قدم مباراة هائلة وكبيرة مش بس النهاردة
قبل كدا في مباريات كثير بيظهر شخصية وينقذ الفريق ".
واردف " أجاي مش جاهز 100% بس قدر يظهر شخصيته ويقدم مباراة كبيرة ويسجل النهاردة ".
وتابع " خروج حمدي فتحي؟ عايز اكسب طبيعي تخرج مدافعين وتزود في الهجوم بالإضافة للكروت الصفراء".
واكمل " طبيعي يحصل تغييرات في الخط الأمامي الماتش اللي فات أن مكنش معانا طاهر وحسين والماتش دا رجعوا ولعبوا ".
وواصل " ديانج دكة؟ انت عايز السولية
يلعب وحمدي يقعد عايز مين طيب؟ السولية لاعب مهم وحمدي ومفيش سبب لعدم مشاركة ديانج طبيعي حد يلعب وحد يقعد وديانج لعب في مباريات سابقة ".
وزاد " بنستفيد من الكرات الثابتة .دوروا في المباريات اللي فاتت هتلاقي ازاي استفدنا من المباريات ".
واشار " نحتاج اجاي وكل اللاعبين . متعرفش هيحصل ايه بعد 66 يوم خلينا نشوف مباراة بمباراة. لا نريد أن نخسر عايزين نكسب كل الماتشات ودا مش سهل . مهم انك تنهي بشكل كويس ".
وأتم " النتيجة مش مين بيحط الهدف الأول العبرة بالنتيجة النهائية للقاء . شخصية الأهلي تظهر دائما في الأوقات الصعبة . مش كل يوم هتبقى كويس ".