الأهلي نيوز : سقوط الزمالك أمام مازيمبي ، خسارة متوقعة مع مدرب لا يُجيد الا التصريحات العاطفية دايمًا اخر حاجة بختلف فيها مع المدرب هما الأفراد.. فايلر امبارح انا مختلف معاه في اختيار السولية وقفة في نص الملعب و مختلف معاه في اختياره لأيمن أشرف على حساب ياسر ابراهيم و مختلف معاه في دخول محمد هاني و مختلف معاه في استمرار اجاي ال90 دقيقة و لكن برغم كل الاختلافات دي و ب10 لاعيبةالأهلي لم يظهر بالسوء اللي ظهر بيه الزمالك قدام مازيمبي خاصًة بعد أول نص ساعة. الأهلي نيوز : ميتشو مدرب غامض وفايلر ثابت الأهلي نيوز : بالتالي بالنسبالي ممكن أكتب 10 بوستات على اختيارات ميتشو و اختياره الغريب لحازم امام في نص الملعب و تفضيله لشيكابالا على مصطفى فتحي و إشراكه لمصطفى محمد في ماتش انبي بعد 48 ساعة من عودته من البطولة الأفريقية و غيرها كتير من الاختيارات الغريبة والقناعات الغريبة للأفراد لكن برده مش كل ده هو السبب الرئيسي في شكل الزمالك مؤخرًا ، الفرق بين أهلي فايلر حتى و هو بيخسر ب10 لاعيبة و بين زمالك ميتشو هي المنظومة.. منظومة أهلي فايلر معروفة، كله عارف الاهلي بيلعب بطريقة ايه و اللاعيبة حفظت الطريقة و الأسلوب و شربت فكر المدرب فحتى و هي بتخسر هتلاقي نفس الشكل للفريق متغيرش.. انما زمالك ميتشو اراهن اي حد يقولي ميتشو مدرب تصنيفه دفاعي ولا هجومي و اراهن أي حد يقولي الراجل بيفضل 4-2-3-1 ولا 4-4-2 ولا 4-1-4-1 ؟
الأهلي نيوز : كل ماتش بتشكيل و كل ماتش بطريقة مختلفة فطبيعي جدًا تلاقي اللاعيبة بعيدة عن بعض و محدش بيغطي مع التاني و محدش بيرحل ورا التاني و طبيعي جدا تشوف 3 أجوال لمازيمبي من جبهة واحدة بطريقة واحدة بدون حتى تفطن من اللاعيبة أو المدرب ، تدخلات ميتشو في ال90 دقيقة دايمًا مش مفهومة مش النهاردة بس.. بالتالي من السذاجة برده الحديث عن أخطاء ماتش النهاردة بس لأن النهاردة هو نتيجة كل اللي فات و كويس أوي إن مازيمبي استكفى بعد الهدف التالت لأن كان في ربع ساعة يقدروا يسجلوا فيها هدفين كمان لو عايزين لكن الفريق استكفى بالفوز بثلاثية و هي اكيد نتيجة تقيلة برده.
الأهلي نيوز : رحيل ميتشو مش رفاهية.. صحيح تغيير المدرب في نص الموسم وضع مش لطيف و جايز نتايجه تبقى سيئة لكن على الأقل هيبقى ف احتمالية لإنتفاضة ما، لكن استمرار ميتشو الاحتمالية دي حتى مش موجودة زي ما كنا بنقول على اهلي لاسارتي بالظبط.