الأهلي نيوز : لقاء الأهلي والنجم ، ضربة البداية الأفريقية للسويسري رينيه فايلر و على الجانب الآخر أيضًا ضربة البداية الأفريقية للأسباني خوان كارلوس جاريدو مع النجم الساحلي ، لكن فايلر عنده ميزة عن جاريدو انه اتمكن من فريقه بنسبة كبيرة لكن جاريدو يدوب ده هيكون تاني ماتش بس للاسباني مع النجم. الأهلي نيوز : جاريدو يستعجل تطبيق طريقة لعبة الأهلي نيوز : وكعادة جاريدو لا يصبر حتي يحاول يطبق طريقته مع الفريق اللي بيتولى قيادته.. لو نفتكر أول ماتش لجاريدو مع الأهلي كان بين الأهلي و سموحة في قبل نهائي كاس مصر و من أول ماتش وضح إن جاريدو شرح للاعيبة طريقة لعبه و طلب منهم تنفيذها لكن لأن طرق اللعب مينفعش تتنفذ بمجرد الشرح على السبورة ظهر الأهلي قدام سموحة بشكل مهلهل جدًا و قدر سموحة يكسب الأهلي و يصعد لفاينال الكاس. الأهلي نيوز : ده نفس اللي عمله جاريدو في أول ماتش للنجم الساحلي تحت قيادته و اللي أنتهى بالتعادل الإيجابي 1-1 مع فريق “اتحاد بنقردان”.. جاريدو لعب بطريقة 3-5-2 و هي يمكن مش طريقة جديدة عمومًا على النجم لكنها مكنتش طريقة مدرب الفريق الأسبق فوزي البنزرتي اللي كان بيلعب 4-2-3-1 و حتى المدرب المؤقت اللي تولى المهمة بعد البنزرتي و قبل جاريدو “توفيق زعبوب” لعب 7 ماتشات منها ماتشات 3-4-3 و ماتشات 4-2-3-1 الأهلي نيوز : إستراتجية جاريدو في لقاء الأهلي الأهلي نيوز : لكن الأهم من الFormation هي إستراتيجية اللعب نفسها اللي جاريدو في أول ماتش حاول يغيرها، إعتدنا في فريق النجم انه فريق صاحب أسلوب معين مع أي مدرب و هو اللعب و الهجوم المباشر و الاعتماد على الكرات المرسلة الطويلة و الكرات العرضية و ما إلى ذلك.. لكن جاريدو من أول دقيقة مع النجم و هو كان مصمم على الخروج بالكورة على الأرض بدايًة من حارس المرمى و التدرج بالهجمة بين أقدام لاعبي الفريق عن طريق التمريرات القصيرة و التحركات بدون كورة في مساحة “بين الخطوط” اللي بينزل يتحرك فيها المهاجم كريم العريبي عشان يسحب معاه قلب دفاع وينطلق من وراه لاعيب غير مراقب سواء من خط الوسط أو الهجوم. الأهلي نيوز : ظهر النجم بشكل جيد في أول ربع ساعة و سجل هدف من جملة منظمة ولكن بعد الهدف ظهرت أخطاء كتير في التحضير و ظهرت أخطاء أكتر في تنفيذ الضغط و في ترحيل اللاعيبة و ده طبيعي لأن التمركز والترحيل في طريقة 3-5-2 يختلفوا عن طريقة 4-2-3-1. الأهلي نيوز : النجم عنده غيابات مؤكدة زي صدام بن عزيزة و غيابات غير مؤكدة حتى الآن زي وجدي كشريدة و محمد أمين بن عمر.. لكن بغض النظر عن الغيابات النجم الساحلي عنده مدافع أفريقي اسمه عمر كانوتيه، طويل و مميز في الكرات العالية لكنه بطئ و سئ جدًا على الأرض و ستايل شبه ستايل ساليف كوليبالي مدافع الأهلي السابق.. عمر كانوتيه في أول ماتش لجاريدو لعب كمدافع تالت ناحية الشمال (يمين الأهلي).. يعني لو حسين الشخات بخفته ومرونته خد تعليمات انه يلعب عليه دايمًا أعتقد هيبقى ثغرة كبيرة في دفاع النجم.
