الأهلي اليوم : مكاسب الأهلي من الفوز علي أسوان .. والشناوي يحتاج للتركيز

الأهلي اليوم : فوز الأهلي علي أسوان فوز مهم لاسباب كتيرة..اهمها الاستمرارية، متخطي ظروف صعبة، زي درجة الحرارة العالية وسوء ارضية الملعب، ده يديك مؤشر مهم جدا ، أن الفريق يبحث عن الفوز مهما كانت الظروف ، ..”الانسيابية” الي بيلعب بيها الاهلي في الهجوم، وتبادل الادوار “المقرف” للمنافس بين الشحات ورمضان، وزيادة هاني ومعلول، و”محطة” اجاي، كل دي حاجات توضح دور المدير الفني.
الأهلي اليوم : لمسات فايلر واضحة في أداء الأهلي
الأهلي اليوم : سعي الاهلي من الثانية الاولى للتسجيل مش اختراع، لكن الجديد، ان الفريق بينجح بجدارة في كده، كمان ” الغزارة” التهديفية في كل المباريات تقريبا “ده شغل فني بلا شك، 6 ماتشات لعبتهم بالشكل ده في الشوط الاول منهم الزمالك، ولا يوجد غير تسديدة واحدة على الشناوي ،- 6 تسديدات في نص الشوط الاول،تديك مؤشر انها تعليمات مش صدفة،واهو كرة الهدف التاني كان أصلها تسديدة قوية من حمدي فتحي “شغل مدرب”، وافشة نجم من نجوم الماتش.
الأهلي اليوم : الكرات الثابتة..مفيش حاجة بقت بتتلعب بشكل عشوائي، فيه جمل متفق عليها، ودي كرة الهدف الاول، والي كان تقريبا زيها هدف اليو ديانج في ماتش كانو، طبعا ده بخلاف هدف حمدي فتحي، لانه اصلا كويس في الكرات العرضية ، الخيارات الي بيلاقيها اللاعب في التمرير بسبب التحرك بدون كرة من الكل، فصعب تلاقي حل واحد بس، الممرر قدامه كام حل، دي حاجة مهمة وجديدة، على الاقل من فترة طويلة.
الأهلي اليوم : الهدف الي دخل، مهم علشان الدفاع والشناوي يصحصحوا، ويديهم رسالة يركزوا شويتين، لان الفرص القليلة الي بتيجي عليك، ماينفعش يكون التعامل مع واحدة فيهم بالشكل ده ، مهم جدا، في الوقت الي بتلعب فيه على قد الماتش من الدقيقة 60 انك تستمر في التسجيل .. والاهم ..انك بتجيب اهداف ملعوبة .. “سلامات ياسولية”.