الأهلي نيوز : قائمة نارية للأهلي في الموسم الجديد .. وحلول عديدة

الأهلي نيوز : الأهلي يضم بين صفوف ثلاث حراس شريف اكرامي ومحمد الشناوي وعلي لطفي قائمة جيدة ما دام الشناوي في مستواه اللي ظهر بيه في نهاية الموسم في الدوري ومع منتخب مصر في امم افريقيا ، الدفاع ( محمود متولي – ياسر ابراهيم – ربيعه – ايمن اشرف – محمود وحيد – معلول – فتحي – هاني ) ، ثلاثي قلب دفاع بيجمعوا بين السرعة والطول عند ربيعه وياسر والهدوء والرزانة والخروج الجيد بالكرة عند متولي ودي حته الاهلي مفتقدها من بعد حجازي
الأهلي نيوز : قائمة شبة متكاملة للأهلي
الأهلي نيوز : الأطرف اكثر مركز مكتمل في الأهلي مع وسط الملعب ، رباعي بيجمع بين السرعة والمهارة والخبرة والقيادة والشباب عندك النسخ الهجومية والنسخ الدفاعية ،فتحي ومعلول عندهم الخبرة والقيادة عندك وحيد وهاني عندهم السرعة والمهارة والعرضيات الممتازة ، نصفالملعب اللي الاهلي بقاله موسمين بيرمم فيه ونجح الي حد كبير في تقفيله تقريبا نص ملعب متنوع جدا فيه كل المميزات اللي ممكن تحتاجها في أي سكواد ، حمدي فتحي اللي أظهر خامته الجيدة جدا في الدوري كقاطع كرات عظيم وعنده القدرة علي تدوير الكرة بشكل جيد وكان حل مهم جدا لنصف مشاكل الاهلي في الدور الأول من الدوري الموسم المنقضي
الأهلي نيوز : ديانج الدبابة المالية لاعب قوي جدا بدنيا Work rate عالي وده الاهلي بيفتقده بقاله فترة كبيرة جدا بعد ديانج الاهلي تعاقد مع متولي اللي بيقدر يلعب المركز ده كمان وهيبقي حل اخير بعد ديانج وحمدي فتحي وعاشور ، صناعة اللعب صالح جمعه اللي تقدر تستغله في الماتش اللي بتلعب فيها علي المرتدة اللي عنده ثروهات وكور طولية مميزة جدا يقدر يخلق فرص كتير جدا وخصوصا في وجود مساحات لمهاجم سريع زي وليد ازارو مثلا ده بغض النظر أنه هيضيعها في الاخر
الأهلي نيوز : قفشة اللي هتقدر تستغله في الماتشات المتقفله بتسديداته الجيدة ومهارته المعقولة جدا وعنده معدل صناعة فرص جيد جدا وصفقة مميزة للاهلي وهتضيف اكيد للاهلي ،الأجنحة وليد سليمان واحمد الشيخ واجاي وحسين الشحات ورمضان صبحي وجيرالدو اذا قارناهم بقائمة الاهلي المواسم السابقة فهم الاكثر تكاملا