كارتيرون يعلق على تعادل الزمالك مع المقاولون

تحدث باتريس كارتيرون المدير الفني لنادي الزمالك على تعادل فريقه أمام المقاولون العرب في إطار منافسات الدوري المصري الممتاز.
وقال كارتيرون خلال تصريحات عقب المباراة، "مقدرش أقول حاجة غير أني متضايق من النتيجة .. مكناش مركزين في بداية الماتش .. من جانب إيجابي عملنا حاجات كتير كويسة .. الحقيقة أن جزءا من الكرة وإحنا لم نستفد منها النهاردة".
وأضاف "شيكابالا بيبقى خطر جدا لما بيتواجد ناحية اليمين عشان كدة خليته في المركز ده وخليت زيزو يبقى صانع لعب بعد تعب أوباما بسبب ضغط المباريات".
وأردف "موضوع جواز السفر ملوش علاقة برحيلي ولو في حد إداري بلغ
الصحفيين أني خدت جواز السفر بتاعي عشان أعمل بيه حاجة فللأسف المفروض أني اعتمدت في تعاملي على المجموعة بتاعتي بس واللاعيبة ومقصدش حد إداري ولكن أي حد بشكل عام في النادي.
قولت للاعيبة أن التركيز هو المقياس لأن إحنا بدنيا كويسين جدا وهنبدأ نصلح الحاجات دي الفترة اللي جاية".
واستكمل "زيزو قدم مباراة جيدة .. عواد تم استبعاده الفترة دي وصعب يبقى حد في موقفي في وجود 3 حراس كبار ولو كنت موجود من بداية الموسم مكنتش هرضى بالوضع ده
.. عملت اجتماع ما ال3 قولت لهم انتوا مركزين في المنافسة بينكم أكتر ما يتركزون في تطوير أدائكم وأنا أهم حاجة بالنسبة لي هي الروح واحترام المجموعة وشغلنا أهم حاجة ولما أحس أن عواد هيقدر يكون موجود هيرجع.
في حد جوا النادي بيطلع أخباري للصحفيين ورغم كدة علاقتي بالمجلس جيدة .. وكيلي بيشوف شغله عادي ومش هعلق على تصريحاته بخصوص اللاعيبة المسددة لركلات الترجيح لأني هنا عشان أتكلم في كدة والوكيل شغلته أنه يتكلم عن اللاعب اللي يخصه أو المدرب اللي يخصه ولكني لا أعلم صحة تصريحاته بخصوص اللاعيبة مؤخرا ومش عايز أركز في الموضوع ده".
وأتم "خلصت الماتش ببن شرقي وزيزو وشيكابالا وشيكا كان يقدر يسجل في آخر دقيقة من فرصة أكيدة قبل هدف التعادل كنت هعمل تغييرات تانية".