قدم عمر جابر لاعب الزمالك تعازيه لأسر شهداء وايت نايتس، مضيفًا: "احنا ماصدقنا امبارح أن الجمهور رجع للمدرجات، واللاعيبة كانوا مبسوطين بالهتافات، والجمهور هيدينا دافع عشان نحسم الدوري". وسرد خلال اتصال هاتفي ببرنامج «هنا العاصمة»، المذاع على فضائية «سي بي سي»، تقديم الإعلامية لميس الحديدي، أحداث الأمس قائلًا: «الجمهور وقف قدام الباص، وقالوا لنا ما ينفعش تلعبوا عشان في ناس ماتت، وورانا صور 5 جثث، قلنا لهم خلاص مش هنلعب. وأضاف: «قعدنا لحد الساعة 7، والماتش كان 7 ونص، وقلنا إنه مش هيتلعب، بعد كده جه الأمن، وضرب غاز على وايت نايس، عشان يمشوا وجالنا حالة اختناق، ومعرفناش نطلع من الأتوبيس، وفي لاعيبة اتشاهدوا". وتابع: «اللاعيبة قعدت تجري في صحرا التجمع الخامس، مش عارفين بنجري على فين وجات مدرعة نقلت اللاعيبة للاستاد، وجه مسئولين قالوا لنا أن مافيش حد مات عشان كده اللاعيبة لعبوا الماتش". وأكد: "لو اللاعيبة كانوا متأكدين أن في حد مات ما كانوش لعبوا الماتش عشان هم رجالة، انا عن نفسي اخدت قرار اني مش هلعب صحيا ونفسيًا بسبب الغاز، مطالبًا جماهير الوايت نايتس، بعدم شتم اللاعيبة عشان خاطر نادي الزمالك". وتابع: "أنا مش هقدر العب في نادي الزمالك تاني عشان خاطر حاجات كتير أوي جوايا". ووجه كلامه لإدارة نادي الزمالك قائلًا: أنا معايا شيك هيتصرف 15 / 2، هديكم الشيك، اللي معايا مش عايز فلوس وعايز عقودي. .